Bon Jovi (խումբ)

Bon Jovi
Հիմնական տվյալներ
Երկիր	ԱՄՆ
Ժանրեր	Ռոք, Հարդ Ռոք, Գլեմ Մետալ
Գործունեություն	1983–այժմ
Լեյբլ	Island, Mercury, Mercury Nashville
Պարգևներ	Ռոքնռոլի փառքի սրահ և Premios Oye!?
Կայք	bonjovi.com
Անդամներ
	Ջոն Բոն Ջովի ; Ռիչի Սամբորա ; Դևիդ Բրայան ; Տիկո Տոռես
Նախկին անդամներ
	Ալեք Ջոն Սաչ
	Bon Jovi Վիքիպահեստում

Անվան այլ կիրառումների համար տե՛ս՝ Bon Jovi (այլ կիրառումներ)

Bon Jovi-ն ամերիկյան ռոք-խումբ է Սայրեվիլլից, Նյու Ջերսի։ Ձևավորվել է 1983 թվականին։ Bon Jovi-ի անդամներն են վոկալիստ ու անվանակից Ջոն Բոն Ջովին (ի ծնե՝ Ջոն Ֆրենսիս Բոնջովի Կրտ.), կիթառահար Ռիչի Սամբորան, Դևիդ Բրայանը և թմբկահար Տիկո Տոռեսը։ Խմբի կազմը դրա պատմության ընթացքում հիմնականում պահպանվել է, միակ բացառությունը եղել է 1994 թվականին, երբ բաս-կիթառահար Ալեք Ջոն Սաչը լքեց այն, ում ոչ պաշտոնապես փոխարինեց Հյու Մաքդոնալդը։ 1986 թվականին Bon Jovi-ն համաշխարհային ճանաչում ձեռք բերեց՝ շնորհիվ իր 3-րդ ալբոմի՝ Slippery When Wet-ի։ Խմբի 4-րդ ալբոմը New Jersey-ն նույնպես հաջողակ էր 1988 թվականին։ Ուշ 1980-ականներին տուրից ու անդադար ձայնագրումներից հետո, խումբը ընդմիջում է, որին հետևում է 1990 թվականի New Jersey Tour-ը, որի ընթացքում Ջոն Բոն Ջովին ու Ռիչի Սամբորան երկուսն էլ թողարկում են հաջողակ սոլո-ալբոմներ։ 1992 թվականին խումբը վերադառնում է Keep the Faith ալբոմով։

Նրանց 2000 թվականի սինգլ It’s My Life-ը, որին հետևեց երկրորդ ընմիջումը, հաջողությամբ ներկայացրեց խումբը երիտասարդ լսարանին։ Bon Jovi-ն հայտնի է, որպես իր երաժշտության մեջ տարբեր ոճեր կիրառող խումբ, որոնց մեջ մտնում է քանթրին՝ 2007 թվականի Lost Highway ալբոմում։ 2013 թվականի մարտի 20-ին Bon Jovi-ն թողարկում է իր 12-րդ ստուդիական ալբոմը՝ What About Now։

Առայժմ Bon Jovi-ն թողարկել է 12 ստուդիական ալբոմ, 3 ժողովածու ու 2 լայվ-ալբոմ։ Խումբը բոլոր ժամանակների աշխարհի ամենավաճառվող խումբն է, ով վաճառել է ավելի քան 100 մլն. օրինակ ամբողջ աշխարհում ու անցկացրել է ավելի քան 2700 համերգ շուրջ 50 երկրներում՝ 34 մլն. երկրպագուների համար։ 2008 թվականի օգոստոսին աշխարհում վաճառվել է ավելի քան 140 մլն. օրինակ ալբոմների։ 2006 թվականին Bon Jovi-ն ներառվել է Մեծ Բրիտանիայի երաժշտության փառքի դահլիճ։ Խմբին նաև շնորհվել է Արժանվույն Մրցանակ 2004 թվականի Ամերիկյան երաժշտական մրցանակաբաշխության ժամանակ, իսկ որպես համագործակցող երգահաններ Ջոն Բոն Ջովին ու Ռիչի Սամբորան ներառվել են Երգահանների փառքի սրահ 2009 թվականին։

Մասնակիցներ[խմբագրել | խմբագրել կոդը]

Այժմյան կազմ


Ջոն Բոն Ջովի վոկալ, կիթառ (1983 — մեր օրեր)	Րիչի Սամբորա կիթառ, բեք-վոկալ (1983 — 2013)	Տիկո Տոռես թմբուկներ (1983 — մեր օրեր)	Դեյվիդ Բրեյն ստեղնաշարային, պիանո, բեք-վոկալ (1983 —մեր օրեր)