Տիգրան Նազարյան

Տիգրան Նազարյան;
Ծնվել է	սեպտեմբերի 29, 1858
Ծննդավայր	Շուշի, Շամախիի նահանգ, Ռուսական կայսրություն
Մահացել է	սեպտեմբերի 14, 1926 (67 տարեկան)
Մահվան վայր	Թիֆլիս, ԱԽՖՍՀ, ԽՍՀՄ
Քաղաքացիություն	Ռուսական կայսրություն և ԽՍՀՄ
Մասնագիտություն	խմբագիր, հրատարակիչ և հասարակական գործիչ
Աշխատավայր	Աղբիւր : Միամսեայ պատկերազարդ հրատարակութիւն երեխաների եւ դաստիարակների համար, Գեղափնջիկ և Առողջապահիկ

Վիքիպեդիայում կան հոդվածներ Նազարյան ազգանունով այլ մարդկանց մասին։

Տիգրան Հակոբջանի Նազարյան (սեպտեմբերի 29, 1858(1858-09-29)^[1], Շուշի, Շամախիի նահանգ, Ռուսական կայսրություն^[1] - սեպտեմբերի 14, 1926(1926-09-14)^[1], Թիֆլիս, ԱԽՖՍՀ, ԽՍՀՄ^[1]), հայ խմբագիր, հրատարակիչ, հասարակական գործիչ։

Կենսագրություն[խմբագրել | խմբագրել կոդը]

Տիգրան Նազարյանը ծնվել է 1858 թվականին Արցախի Շուշի քաղաքում։ Սովորել է Շուշիի Գալուստ Փափազյանի մասնավոր դպրոցում։ 1879 թվականին Շուշիում հիմնել է հրատարակչական գրասենյակ։ 1881 թվականին տեղափոխվել է Թիֆլիս, որտեղ հրատարակել է «Աղբյուր»^[2] մանկապատանեկան ամսագիրը, «Տարազ» շաբաթաթերթը` հավելվածներով, «Կովկասի առավոտ» (1907) և այլ թերթեր, գրքեր, օրացույցներ, տարեցույցներ, ժողովածուներ, պիեսների («Ճըպատըդ քոլադ կտրի», 1887, «Արոզա», 1913), ակնարկների, հրապարակախոսական հոդվածների հեղինակ է^[3]^[4]։

1907 թվականին գրականագետների, արվեստագետների և խաղաղության միջազգային ընկերակցության Լիսաբոնում կազմակերպված ցուցահանդեսում ներկայացրել է 5-րդ դարի հայ պատմիչների հրատարակված գործերը, ընտրվել այդ կազմակերպության պատվավոր անդամ։ 1915 թվականին Թիֆլիսում բացել է «Հրատապ սփոփանք մայր հայաստանցիներին» որբախնամ ապաստանը, «Վասպուրական դպրոց» մանկապարտեզը։ 1919 թվականին մեկնել է Եվրոպա, որտեղ թղթակցել է «Ապագա» (Փարիզ) և այլ թերթերի, հրատարակել «Թիքա» գրական երկերի ժողովածուն (Լայպցիգ, 1922)։ 1925 թվականին վերադարձել է հայրենիք, Ղարաբաղի վերաշինության նպատակով կազմակերպել Ղարաբաղի օգնության կոմիտե^[3]։

Երկեր[խմբագրել | խմբագրել կոդը]

Խօսք և գործ, Թիֆլիս, 1914։

Գրականություն[խմբագրել | խմբագրել կոդը]

Նազարյան Ս., Տիգրան Նազարյանի կյանքը և գործունեությունը, «Տեղեկագիր ՀՍՍՀ ԳԱ, հաս. գիտ.», 1965, №3:
Տիգրան Նազարյանի նամակները Կոստանդին Մելիք-Շահնազարյանին, ԼՀԳ, 1991, №4:

Ծանոթագրություններ[խմբագրել | խմբագրել կոդը]

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 Հայկական սովետական հանրագիտարան, հատոր 8 (հայ.) — հատոր 8. — էջ 143—144.
↑ «Վիեննայի մենաստանի մամուլի շտեմարան- ԱՂԲԻՒՐ». Վերցված է 2022 թ․ դեկտեմբերի 13-ին.
↑ ^3,0 ^3,1 Ով ով է. Հայեր. Կենսագրական հանրագիտարան, հատոր երկրորդ, Երևան, 2007։
↑ «Վիեննայի մենաստանի մամուլի շտեմարան- ՏԱՐԱԶ». Վերցված է 2023 թ․ հունվարի 17-ին.

Վիքիդարանն ունի նյութեր, որոնք վերաբերում են «Տիգրան Նազարյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 143)։

[_663c18ca0be08cf0-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 Հայկական սովետական հանրագիտարան, հատոր 8 (հայ.) — հատոր 8. — էջ 143—144.

[2] «Վիեննայի մենաստանի մամուլի շտեմարան- ԱՂԲԻՒՐ». Վերցված է 2022 թ․ դեկտեմբերի 13-ին.

[Ով_ով_է-3] 3,0 ^3,1 Ով ով է. Հայեր. Կենսագրական հանրագիտարան, հատոր երկրորդ, Երևան, 2007։

[4] «Վիեննայի մենաստանի մամուլի շտեմարան- ՏԱՐԱԶ». Վերցված է 2023 թ․ հունվարի 17-ին.

[1]

[2]

[3]

[4]