Վիսկի

Վիքիպեդիայից՝ ազատ հանրագիտարանից
Վիսսկի սառույցի հետ

Վիսկի (անգլ.՝ whisky կամ whiskey), շոտլանդերեն՝ uisge beatha, բառացի՝ «կյանքի ջուր»), թունդ (40 - 50 ծավ․% սպիրտ) ալկոհոլային խմիչք։ Հայրենիքը Շոտլանդիան է․ առաջին գրավոր վկայությունը՝ 1494-ին։ Շոտլանդիայում վիսկիի զանգվածային արտադրությունն սկսվել է 1814-ին։

Վիսկին ստացվում է գարու ածիկի, եգիպտացորենի, տարեկանի, ցորենի քաղցուի թորումից։ Լավագույնն է համարվում շոտլանդական գարու վիսկին․։

Խմորման պրոցեսն ավարտվելուց հետո ստացվում է գարեջուր, որն այնուհետև թորում են (թորման պրոցեսը լինում է ընդհատ և անընդհատ)։ Ստացվում է թունդ վիսկի, որը 3 - 10 տարի պահվում է ներսի կողմից խանձված կաղնու տակառներում։ Այնուհետև սպիրտը նոսրացնում են թորած ջրով և լցնում շշերի մեջ։

Վիսկիի հնացման ժամկետը 6 ամիս է, պահվում է մութ պահեստներում՝ 5 - 20°C ջերմաստիճանում։

Վիսկին արտադրվում է Իռլանդիայում, Կանադայում և այլուր։ Խորհրդային Միությունում արտադրվում էր Վ-73 (40 ծավ․% սպիրտ), որի հումքը եգիպտացորենի և տարեկանի զտված սպիրտն է՝ հարստացված բուրումնավետ նյութերով։

Commons-logo.svg
Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png