Վիլհելմ Անդերսոն
Անվան այլ կիրառումների համար տե՛ս՝ Անդերսոն (այլ կիրառումներ)
Վիլհելմ Անդերսոն | |
|---|---|
 | |
| Ծնվել է | հոկտեմբերի 28, 1880[1][2] Մինսկ, Ռուսական կայսրություն[1] |
| Մահացել է | մարտի 26, 1940[1][2] (59 տարեկան) Մենձիժեչ, Lubusz Voivodeship, Լեհաստան[1] |
| Քաղաքացիություն |  Էստոնիա |
| Մասնագիտություն | ֆիզիկոս, աստղագետ, աստղաֆիզիկոս և համալսարանի դասախոս |
| Հաստատություն(ներ) | Տարտուի համալսարան |
| Գործունեության ոլորտ | աստղաֆիզիկա |
| Պաշտոն(ներ) | պրոֆեսոր |
| Ալմա մատեր | Տարտուի համալսարան, Կազանի Դաշնային համալսարան և First Kazan Male Gymnasium? |
| Գիտական աստիճան | դոկտորի աստիճան[3] և Դիսերտացիա[3] |
| Հայր | Nikolai Anderson? |
Վիլհելմ Ռոբերտ Կարլ Անդերսոն (բելառուս․՝ Вільгельм Роберт Карл Андэрсан, հոկտեմբերի 28, 1880[1][2], Մինսկ, Ռուսական կայսրություն[1] - մարտի 26, 1940[1][2], Մենձիժեչ, Lubusz Voivodeship, Լեհաստան[1]), գերմանական ծագմամբ էստոնառուսական աստղաֆիզիկոս, հայտնի է աստղերի ֆիզիկական կազմության հետազոտություններով։
Կենսագրություն[խմբագրել | խմբագրել կոդը]
Վիլհելմ Անդերսոնը ծնվել է Մինսկում (այժմ՝ Բելառուսիա) բնիկ գերմանացիների ընտանիքում։ Նրա կրտսեր եղբայրներն են հայտնի մաթեմատիկոս Օսկար Անդերսոնը (1887-1960) և բանահավաք Վալտեր Անդերսոնը (1885-1962)։ Պատանեկան տարիներն անցել են Կազանում, որտեղ նրա հայրը՝ Նիկոլայ Անդերսոնը (1845-1905) Կազանի համալսարանի դասախոս էր և զբաղվում էր ուգրո-ֆիննական լեզուների ուսումնասիրությամբ։
Վիլհելմը սովորել է նույն համալսարանում՝ 1909 թվականին ավարտելով մաթեմատիկայի և գիտության ֆակուլտետը։ 1910-1928 թվականներին որպես ֆիզիկայի ուսուցիչ աշխատել է Սամարայում, 1918-ից՝ Մինսկում։ Եղբոր՝ Վալտեր Անդերսոնի հետ 1920 թվականին տեղափոխվել է Տարտու (Էստոնիա)։ 1923 թվականին Տարտուի համալսարանում ստանում է աստղագիտության մագիստրոսի աստիճան, իսկ 1927 թվականին դառնում է գիտությունների դոկտոր, նրա դիսերտացիան նվիրված էր արևապսակի ֆիզիկային։ Որակավորման բարձրագույն փուլն անցել է 1934 թվականին։ 1936 թվականին դարձել է Տարտուի համալսարանի ընթերակա պրոֆեսոր։ Ինչպես շատ բալթիական գերմանացիներ, 1939 թվականի վերջին վերաբնակեցվում է Գերմանիայում, որտեղ որոշ ժամանակ անց մահանում է Մեզերից-Օբրավալդե առողջարանում (գերմ.՝ Meseritz-Obrawalde)։
Անդերսոնի ամենահայտնի գիտական աշխատությունը վերաբերում է սպիտակ թզուկ աստղերի զանգվածի վերին սահմանին՝ հրատարակված 1929 թվականին Տարտուում։ Այժմ այդ մեծությունը կրում է Չանդրասեկարի մեծություն անունը։ Անդերսոնի անունն է կրում Սթոուներ-Անդերսոնի հավասարումը։
Ընտրյալ աշխատություններ[խմբագրել | խմբագրել կոդը]
- Über die Existenzmöglichkeit von kosmischem Staube in der Sonnenkorona. Zeitschrift für Physik 28, Berlin, 1924.
- Über die Grenzdichte der Materie und der Energie. Zeitschrift für Physik 56, Berlin, 1929.
Ծանոթագրություններ[խմբագրել | խմբագրել կոդը]
Աղբյուրներ[խմբագրել | խմբագրել կոդը]
- Kuusk, P.; Martinson, I. (1997), «Tartu astrofüüsik Wilhelm Anderson», Akadeemia, 2: 358–375, Վերցված է 2012-11-24-ին
- Blackman, E. (2006), «Giants of physics found white-dwarf mass limits», Nature (published 2006-03-09), 440: 148, Bibcode:2006Natur.440..148B, doi:10.1038/440148d
- Hockey, Th.; Trimble, V.; Palmeri, J.; Bracher, K.; Jarrell, R.; Marché, J.D., eds. (2014), «Anderson, Wilhelm Robert Karl», Biographical Encyclopedia of Astronomers (2nd ed.), Springer, ISBN 9781441999160, Վերցված է 2013-06-12-ին
Արտաքին հղումներ[խմբագրել | խմբագրել կոդը]
- Վիլհելմ Անդերսոնի հրապարակումները Աստղաֆիզիկայի համակարգի տվյալների ցանկում
| ||||||
