Վիետնամի պատերազմ

Վիքիպեդիայից՝ ազատ հանրագիտարանից
Վիետնամի պատերազմ
Սառը պատերազմ
VietnamMural.jpg
Վիետնամի պատերազմի կադրեր
Թվական 1, նոյեմբերի (1955-11-01) – 30, ապրիլի (1975-04-30) (20 տարի)
Վայր Վիետնամ, Կամբոջա, Լաոս
Արդյունք Հյուսիսային Վիետնամի հաղթանակ
Տարածքային
փոփոխություններ
Վիետնամի վերամիավորում
Հակառակորդներ
Հակակոմունիստ ուժեր

Հարավային Վիետնամ
Ամերիկայի Միացյալ Նահանգներ ԱՄՆ

Կոմունիստ ուժեր

Հյուսիսային Վիետնամ
Խորհրդային Սոցիալիստական Հանրապետությունների Միություն ԽՍՀՄ

Կողմերի ուժեր
~1,830,000 (1968)

Հարավային Վիետնամ. 850,000
ԱՄՆ. 536,100

~461,000

Հյուսիսային Վիետնամ: 287,465 (1968)


Վիետնամյան պատերազմ, Սառը պատերազմյան շրջանի ռազմական հակամարտություն Հարավային Վիետնամի և նրա դաշնակից ԱՄՆ-ի և Հյուսիսային Վիետնամի և նրա դաշնակից ԽՍՀՄ-ի միջև 1955-1975 թթ.։

Պատերազմի ընթացքը[խմբագրել]

Վիետնամյան պատերազմը սկսվեց 1964 թ. օգոստոսի 2-ին Տոնկինյան ծոցում տեղի ունեցած պատահարի պատճառով։ Վիետնամի Ժողովրդավարական Հանրապետության նավերը կրակ բացեցին ամերիկյան ականակիրների վրա, որոնք օգնություն էին ցույց տալիս հարավվիետնամական զորքերին ընդդեմ ապստամբների։ Հյուսիսային Վիետնամը (ՎԺՀ) ստացավ սոցիալիստական պետությունների օժանդակությունը (ԽՍՀՄ, Չինաստան, ԿԺԴՀ և այլն), իսկ Հարավային Վիետնամը՝ ԱՄՆ-ի, Հարավային Կորեայի, Թաիլանդի և այլն։ Այս պատերազմը ԱՄՆ-ի համար ծանր փորձություն եղավ։ Երկիրը ցնցվեց հակապատերազմյան ցույցերով։ Այդ ժամանակ Վիետնամում ԱՄՆ-ը բավականին մեծ կորուստներ ունցավ։ 1973թ. հունվարի 27-ին կնքվեց Փարիզյան խաղաղության համաձայնագիրը, որի համաձայն ամերիկյան զորքերը պետք է լքեին Վիետնամը։ Երկու ամիս անց ամերիկյան զորքերը արդեն լքել էին Վիետնամը։

Դրանից հետո բախումները Հյուսիսի և Հարավի միջև շարունակվեցին։ Հետզհետե Հարավային Վիետնամի հյուսիսային նահանգները սկսեցին անցնել ՎԺՀ-ի իշխանության տակ։ Համոզվելով, որ ԱՄՆ չի պատրաստվում կրկին պատերազմի մեջ մտնել, 1975 թվականին Հանոյը վերջնական հարված հասցրեց Սայգոնին։ Այս պատերազմը ցնցեց ամերիկյան հասարակությանը և բերեց խոշոր բարեփոխումների։ Հետպատերազմյան ճգնաժամը շարունակվեց ևս 10 տարի։ Նրան փոխարինեց Աֆղանական ճգնաժամը։