Վաղինակ Զաքարյան (ազատամարտիկ)

Անվան այլ կիրառումների համար տե՛ս՝ Վաղինակ Զաքարյան (այլ կիրառումներ)

Վիքիպեդիայում կան հոդվածներ Զաքարյան ազգանունով այլ մարդկանց մասին։

Վաղինակ Համլետի Զաքարյան (Կայծակ Վաղո) (դեկտեմբերի 31, 1967 - նոյեմբերի 21, 1990), Արցախյան ազատամարտի մասնակից, առաջին զոհված հայ հետախույզը։

Կենսագրություն[խմբագրել | խմբագրել կոդը]

Ծնվել է 1967 թվականի դեկտեմբերի 31-ին Երևանում։ Սովորել Երևանի №49 դպրոցում։ Ավարտել է №24 ուսումնարանը։ 1986-1988 թվականներին ծառայել է Դոնի Ռոստովում։

Սումգայիթի ջարդերից հետո՝ 1988 թվականից, անդամագրվել է Երկրապահ կամավորների հատուկ ջոկատին և մեկնել Ղարաբաղ։

Մարտական առաջին մկրտությունը ստացել է Երասխավանում, այնուհետև՝ Իջևան, Նոյեմբերյան, Շամշադին, Կոռնիձոր, Գորիս։ Հանձնարարություններն արագ կատարելու համար ընկերները նրան «Կայծակ Վաղո» մականունով էին կնքել։

Զոհվել է 1990 թվականի նոյեմբերի 21-ին Բերդաձորի Հինշեն գյուղում՝ վիրավորվելով հրազենային 72 գնդակից։