Սուպրասլ (լեհերեն՝ Supraśl), քաղաք Լեհաստանի Պոդլասիե վոևոդության Բելոստոկի շրջանում (պովիատում)։ Նույնանուն համայնքի (Supraśl gmina) վարչական կենտրոնն է։ Ընկած է Սուպրասլ գետի ափին, շրջապատված Կնիշինսկա անտառով, շրջկենտրոն Բելոստոկից մոտավորապես 15 կիլոմետր դեպի հյուսիս-արևելք։ Նախկինում գտնվել է բելառուսականԳրոդնո մարզի տնտեսական գոտում[2]; Ներկայումս մտնում է լեհական Բելոստոկ քաղաքի ագլոմերացիայի մեջ։ Զբաղեցնում է 5,68 կմ² տարածք։ 2018 թվականի տվյալներով բնակչության թվաքանակը եղել է 4.621, խտությունը՝ 812 մարդ յուրաքանչյուր քառակուսի կիլոմետրի վրա[3][4]։
Սուպրասլում է գտնվում Կնիշինսկա ազգային պարկի վարչության գրասենյակը։
Սուպրասլը հիմնադրվել է 15-րդ դարի կեսերին։ Գտնվել է Լիտվայի մեծ իշխանության Գրոդնոյի պովիատի (գավառի) կազմում[5]։ 1498 թվականին այստեղ ուղղափառ եկեղեցի է կառուցվել[6], որը հետագայում զարդարվել է սրբապատկերներով ու որմնանկարներով։ XVII—XVIII դարերում Սուպրասլը դարձել է գիտական ու մշակութային կարևոր կենտրոն, ունեցել է տպարան, հարուստ գրադարան։ Այստեղ գործել են տպագրիչներ Անտոն Չեռնյավսկին, Կրեստոմսկին, Ադամ Հենրիխ Պոդեբրանսկին, Կրակովի ակադեմիայի կերպարվեստի պրոֆեսոր և արքունի նկարիչ Անտոն Գրուշեցկին...
1919 թվականին Սուպրասլին շնորհվել է քաղաքի[7], դրանից 80 տարի անց՝ առողջարանի կարգավիճակ[8]։ Զբոսաշրջային մի շարք երթուղիներ են անցնում այս քաղաքով։ Գործում են զբոսաշրջության և ֆիզդաստիարակության բարձրագույն դպրոցը, սրբապատկերների թանգարանը։ Քաղաքը փայտամշակման արդյունաբերության կենտրոն է։
Augustin Theiner, Die neuesten Zustände der Katholischen Kirche beider Ritus in Polen und Rußland seit Katharina II. bis auf unsere Tage, Augsburg 1841
Konrad Eubel, Hierarchia Catholica Medii Aevi, vol. 6, p. 389
Alfred Ignatowicz, Greckokatolicka diecezja supraska (1796-1807), in "Wiadomości Kościele Archidiecezji w białymstoku" 1976, r. 2, nr 4, pp. 105–116.
Radosław Dobrowolski, Opat Supraski Biskup Leon Ludwik Jaworowski, Supraśl 2003, p. 333.
Nikolaj Dalmatov, Supraslskij Blagowescanskij Monastyr, St. Peterburg 1892, p. 611.
Gaetano Moroni, Dizionario di erudizione storico-ecclesiastica, vol. 71, Venice 1855, pp. 76–78
↑Iwona Borowik, Krzysztof Sztalt: Współczesna socjologia miasta. Wielość oglądów i kierunków badawczych dyscypliny. Wydawnictwo Uniwersytetu Wrocławskiego, Wrocław 2007, s. 73. 978-83-229-2874-5.