Սիփան

Վիքիպեդիայից՝ ազատ հանրագիտարանից
Suphan 01.jpg

Սիփան (հնում նաև կոչվել է Նեխ Մասիք, Ծիփան, Սուփխան), հանգած հրաբուխ Հայկական լեռնաշխարհում՝ Վանա լճի մոտակայքում։ Բարձրությունը 4434 մ է։ Հայկական լեռնաշխարհի երրորդ բարձր գագաթն է Արարատից ու Սավալանից հետո։ Բազմածին է, շառավղաձև մասնատված է կատարից իջնող գետահովիտներով ու ձորակներով։ Սիփանի լանջերը ծածկված են մարգագետիններով։ Հայկական լեռնաշխարհը հարուստ է բարձր լեռներով ու սարերով ։ Արևմտյան Հայաստանում իր գեղեցկությամբ աչքի է ընկնում Սիփան սարը ։ Երբ երկինքն անամպ է Սիփանը ցոլանում է Վանա լճի մեջ։ Սիփանի բարձունքներին ձնհալից գոյացել են երկու լճակներ, որոնց ջրերը Ծաղկանց լեռներից հոսող գետակների հետ սնում են Վանա լիճը։ Սիփանը անտառներ չունի, սակայն լանջերը ծածկված են ալպիական կանաչությամբ և գույնզգույն ծաղիկներով։ Ամռանը բազմաթիվ հոտեր են արածում այնտեղ և խմում Սիփանի սառը աղբյուրներից։

Սիփան սարը իր գեղեցկությամբ գրավել է հայ նկարիչների ուշադրությունը։ Հայ նշանաոր նկարիչ Փանոս Թերլեմեզյանի մեշ եղեռնից առաջ այցելել է իր ծննդավայրը Արևմտյան Հայաստանի Վան քաղաքը։ Նա հիացել է Սիփան սարի գեղեցկությամբ ր նկարել է այն Վանա լճում գտնվող Կտուց կղզուց։