Ռիկ Ֆլեյր

Վիքիպեդիայից՝ ազատ հանրագիտարանից
Ռիկ Ֆլեյր
Ric Flair

Ռիկ Ֆլեյրը WWE-ի փառքի սրահի արարողության ժամանակ
Ռինգային անուն(ներ) Ռիկ Ֆլեյր
Սև կարիճ
Ռեմբլին Ռիկի Ռոուդզ
Ընդհանուր տեղեկություններ
Հայտարարվող քաշ 110 կգ
Հայտարարվող հասակ 185 սմ
Ծննդյան թվական Փետրվարի 25, 1949թ.
Ծննդավայր Ամերիկայի Միացյալ Նահանգներ Մեմֆիս Թենեսի, ԱՄՆ
Ապրելավայր Ամերիկայի Միացյալ Նահանգներ Շառլոթ Հյուսիսային Կարոլինա, ԱՄՆ
Մարզիչ Վերն Գան
Դեբյուտ Դեկտեմբերի 10, 1972թ.

Ռիչարդ Մորգան Ֆլեր (անգլ.` Richard Morgan Fliehr, ծնվ.` փետրվարի 25, 1949թ.), առավել հայտնի որպես Ռիկ Ֆլեյր (Ric Flair) կամ «Բնության որդի» ("The Nature Boy"), ամերիկացի պրոֆեսիոնալ ըմբշամարտիկ, ով համարվում է բոլոր ժամանակների մեծագույն ըմբիշներից մեկը։ Ֆլեյրի պրոֆեսիոնալ կարիերան արդեն հատել է 40 տարու սահմանը։ Ունեցել է հաջողված կարիերա այնպիսի պրոմոշեններում, ինչպիսիք են National Wrestling Alliance-ը (NWA), World Championship Wrestling-ը (WCW), Total Nonstop Action Wrestling-ը (TNA) և World Wrestling Federation/Entertainment (այժմ պարզապես` WWE)։ Պաշտոնական աղբյուրներով Ֆլեյրը 16 անգամ եղել է աշխարհի չեմպիոն (7 անգամ NWA չեմպիոն, 7 անգամ WCW չեմպիոն և երկու անգամ WWF չեմպիոն)։ Չնայած աղբյուրները տարբեր տեղեկություններ են տալիս, սակայն Ֆլեյրը պնդում է, որ նա 21 անգամ է եղել աշխարհի չեմպիոն։

Ֆլեյրը 2008թ.-ին առաջադրվում է WWE-ի փառքի սրահ` որպես անհատական ըմբիշ, իսկ 2012-ին արդեն որպես «Չորս ձիավորներ» (Four Horsemen) խմբավորման անդամ։ Նաև NWA-ի փառքի սրահի անդամ է։

Ունի 2 դուստր և 2 որդի, որոնցից Դեյվիդ Ֆլեյրը նույնպես հանդիսանում է պրոֆեսիոնալ ըմբիշ։

Ռիկ Ֆլեյրը և Միքի Ռուրկը «Ռեսլմանիա 25»-ի ժամանակ

Արտաքին հղումներ[խմբագրել]

Commons-logo.svg