Չևապի

Չևապի
Չևապիի բաղադրիչները
Ենթատեսակ	կերակուր
Առաջացման երկիր	Հյուսիսային Մակեդոնիա և  Թուրքիա
Ćevapčići Վիքիպահեստում

Չևապի (tɕɛv̞ǎːpi) կամ չևապչիչի (քնքշացված ձևույթը, tɕɛv̞ǎptʃitɕi, ћевапчићи), աղացած ու խորոված միս, քաբաբի մի տարատեսակը, որ ավանդաբար տարածված է Հարավարևելյան Եվրոպայի երկրներում՝ Բալկաններում։ Ազգային ուտեստ է համարվում Բոսնիա և Հերցեգովինայում, Ռումինիայում, Սերբիայում։ Սովոր սննդատեսակ է նաև Խորվաթիայում, Մոնտենեգրոյում, Ալբանիայում, Կոսովայում, Սլովենիայում, Հյուսիսային Մակեդոնիայում, Բուլղարիայում և Ավստրիայում։

Չևապին Բալկաններում սկսել են օգտագործել օսմանյան տիրապետության ժամանակներից։ Այն իրենից ներկայացնում է շիշ քյուֆթեի (Şiş köfte|köfte kebab) տարածաշրջանային տարատեսակներց մեկը։ Սովորաբար մատուցվում է հինգից տասը կտորներից բաղկացած բաժնով, ափսեում կամ պիթա, սոմուն տեսակի տափակ հացերի մեջ, կտրտված սոխով, թթվասերով, կայմակով, այվարով, ֆեթա պանրով, աղացած կարմիր պղպեղով ու աղով:Բոսնիական չևապին պատրաստվում է տավարի երկու տեսակ մսով, որը սովորաբար ոչ թե աղացվում է, այլ դանակով մանր կտրատվում, միախառնվում, կարճ ու հաստ ձողերի տեսք տրվում ու խորովվում։ Սերբական չևապչիչին պատրաստվում է կամ ոչխարի, գառան, տավարի, կամ էլ խոզի մսով և կամ վերոնշյալ մսատեսակների խառնուրդով։

Արտաքին հղումներ

• The Original Cevapcici by ORF.at
• «Tuzlanski, travnički, banjalučki ili sarajevski ćevapi : Tajne gradskih okusa!». Արխիվացված է օրիգինալից 2017 թ․ մայիսի 16-ին. Վերցված է 2019 թ․ ապրիլի 2-ին.

Վիքիպահեստն ունի նյութեր, որոնք վերաբերում են «Չևապի» հոդվածին։