Մհեր Չատինյան
Մհեր Չատինյան | |
|---|---|
 | |
| Ծնվել է | հուլիսի 18, 1989 (34 տարեկան) |
| Քաղաքացիություն |  Հայաստան |
| Կրթություն | ՎՊՀ (2010) |
| Մասնագիտություն | նկարիչ |
| Անդամակցություն | Հայաստանի նկարիչների միություն |
Մհեր Համլետի Չատինյան (հուլիսի 18, 1989), հայ գեղանկարիչ, Հայաստանի նկարիչների միության անդամ։
Կենսագրություն[խմբագրել | խմբագրել կոդը]
Մհեր Չատինյանը ծնվել է Խորհրդային Հայաստանի Կիրովական (ներկայիս Վանաձոր) քաղաքում՝ 1989 թվականին։ 2006 թվականին ավարտել է միջնակարգ դպրոցը և հետաքրքրվել գեղանկարչությամբ։ Նրա առաջին ուսուցիչը եղել է հայրը, որը դասավանդել է գեղանկարչություն և արվեստի պատմություն։ 2006 թվականից նրա աշխատանքները ցուցադրվել են Վանաձորում և Երևանում։ 2010 թվականին ավարտել է Վանաձորի պետական մանկավարժական համալսարանի գեղանկարչության և գծանկարչության բաժինը։ 2010-2012 թվականներին ծառայել է Հայաստանի զինված ուժերում։
Նկարչի անհատական ցուցահանդեսը տեղի է ունեցել 2017 թվականին Մոսկվա քաղաքում։ 2012, 2013, 2014 թվականներին մասնակցել է Գյումրիի, 2013 թվականին Թբիլիսիի, 2014 թվականին՝ Սլովակիայի գեղարվեստական սիմպոզիումներին։
2012 թվականից հանդիսանում է Հայաստանի նկարիչների համահայկական միության, իսկ 2019 թվականից՝ Հայաստանի նկարիչների միության անդամ։
Ըստ մասնագետների՝ Մհեր Չատինյանի աշխատություններում արտացոլում են Մինաս Ավետիսյանի և Մարտիրոս Սարյանի ազդեցությունը[1]։
Ցուցահանդեսներ[խմբագրել | խմբագրել կոդը]
- 2006 թվական, անհատական ցուցահանդես Վանաձոր քաղաքում
- 2009 թվական, Վանաձոր քաղաքի պատկերասրահում հոր և պապի՝ «3 տարիք» համատեղ ցուցահանդես։ Մհերն այդ ժամանակ եղել է 20, հայրը՝ 50, պապաը՝ 80 տարեկան
- 2012 թվական, անհատական ցուցահանդես Վանաձորի պատկերասրահում
- 2013 թվական, անհատական ցուցահանդես Երևան քաղաքի «Ներկայ» արվեստների կառավարման և ստեղծագործության սրահում
- 2012 թվական, Երևան քաղաքի «Նկարիչների տանը» համահայկական գծանկարչության ցուցահանդես
- 2013 թվական, Երևան քաղաքի «Նկարիչների տանը» «Բնանկար» համահայկական ցուցահանդեսի մասնակից
- 2014 թվական, Սլովակիայի Բոյնիցե քաղաքում ցուցահանդեսի մասնակից
- 2015 թվական, Իտալիայում մրցանակային 4-րդ տեղ
- 2016 թվական, Հոլանդիայի Դեն Հելդեր քաղաքում անհատական ցուցահանդես
- 2017 թվական, անհատական ցուցահանդես Մոսկվայի «Alpert» պատկերասրահում[2]
- 2017 թվական, անհատական ցուցահանդես Միլանում (Իտալիա)
- 2017 թվական, անհատական ցուցահանդես Ռիգա քաղաքի Figaro Gall-ում, (Լատվիա)[3]
- 2018 թվական, անհատական ցուցահանդես Մոսկվայում, Ռուսաստանում Հայաստանի դեսպանատան մշակութային կենտրոնում[4]
- 2019 թվական, անհատական ցուցահանդես Նիժնի Նովգորոդի «Լունա» պատկերասրահում
- 2019 թվական, անհատական ցուցահանդես Սանկտ Պետերբուրգի Արտմուզա ժամանակակից արվեստի թանգարանում[5]
Ծանոթագրություններ[խմբագրել | խմբագրել կոդը]
- ↑ Мгер Чатинян – художник сильного цветового темперамента
- ↑ «Краски Лори заиграли в московской галерее Alpert». Армянский музей Москвы и культуры наций. Վերցված է 2019 թ․ սեպտեմբերի 14-ին.
- ↑ «Мгер Чатинян привёз в Ригу армянское солнце». Latvijas Radio 4. Վերցված է 2019 թ․ սեպտեմբերի 14-ին.
- ↑ ««Армения, любовь моя…»: выставка Мгера Чатиняна в посольстве Армении». Armmuseum.ru. Վերցված է 2019 թ․ սեպտեմբերի 13-ին.
- ↑ ««СИМФОНИЯ ДУШИ». ЖИВОПИСЬ. МГЕР ЧАТИНЯН». Музей современного искусства Артмуза. Վերցված է 2020 թ․ մայիսի 21-ին.