Մհեր Շահգելդյան

Մհեր Շահգելդյան
Մասնագիտություն՝	քաղաքական գործիչ, լրագրող և քաղաքագետ
Ազգություն	հայ
Ծննդյան օր	սեպտեմբերի 29, 1967(1967-09-29) (56 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան

Մհեր Լևոնի Շահգելդյան (սեպտեմբերի 29, 1967(1967-09-29), Երևան, Հայկական ԽՍՀ, ԽՍՀՄ), հայ քաղաքական գործիչ, ՀՀ ԱԺ նախկին պատգամավոր։

Կենսագրություն

Մհեր Շահգելդյանը ծնվել է 1967 թ. սեպտեմբերի 29-ին Երևանում։ 1985-1987 թթ. ծառայել է խորհրդային բանակում։ 1992 թ. ավարտել է Երևանի պետական համալսարանի փիլիսոփայության և սոցիոլոգիայի ֆակուլտետը։ 1994 թ.` Հայաստանի ամերիկյան համալսարանի հանրային քաղաքականության և կառավարման հատուկ դասընթացները։ 1995 թ.` ԵՊՀ քաղաքագիտության ամբիոնի ասպիրանտուրան։ 1996 թ.` Հայկական-ֆրանսիական կառավարման (մենեջմենտի) կենտրոնը։ Մենեջմենտի, մարկետինգի և բանկային գործի մասնագետ, Փիլիսոփա, Քաղաքագիտության թեկնածու։

Աշխատանքային գործունեությունը

1984-1985 թթ. Երևանի էլեկտրալամպերի գործարանում աշխատել է փորձարկող։ 1993 թ. ԵՊՀ քաղաքագիտության ամբիոնի դասախոս է։ 1993-1995 թթ.` ՀՀ գիտության և կրթության նախարարության Մանկավարժական գիտությունների ԳՀԻ հասարակական գիտությունների բաժնի գիտաշխատող։ 1996-1998 թթ.` Հայաստանի հեռուստառադիոպետվարչության հասարակական-քաղաքական հաղորդումների բաժնի մեկնաբան։ 1996-1998 թթ. եղել է «Հորիզոն» իրավական և քաղաքական ռազմավարական հետազոտությունների կենտրոնի ղեկավար։ 1998-2000 թթ.` Հայաստանի ազգային ռադիոյի արտասահմանի համար տրվող հաղորդումների «Հայաստանի ձայն» խմբագրության գլխավոր խմբագիր։ 2000-2002 թթ.` Հայաստանում ֆրանսիական համալսարանի փոխնախագահ, 2000-2011 թթ.` նույն բուհի դասախոս։ 2008 թ. Եվրոպական կրթական տարածաշրջանային ակադեմիայի հոգաբարձուների խորհրդի անդամ է։

Քաղաքական գործունեությունը

• 2002-2003 թթ.` ՀՀ ԱԺ 2-րդ գումարման պատգամավոր (համամասնական ընտրակարգ, ՕԵԿ)։ ԱԺ պետական-իրավական հարցերի մշտական հանձնաժողովի անդամ։ «Օրինաց երկիր» խմբակցության անդամ։
• 2003 թ. մայիսի 25-ին ընտրվել է ՀՀ ԱԺ 3-րդ գումարման պատգամավոր ՕԵԿ համամասնական ընտրացուցակով։
• 2003 թ. հունիսի 12-ին ընտրվել է ԱԺ պաշտպանության, ազգային անվտանգության և ներքին գործերի մշտական հանձնաժողովի նախագահ, ապա՝ նույն հանձնաժողովի անդամ։ ԱԺ եվրոպական կառույցներին ինտեգրման հարցերի ժամանակավոր հանձնաժողովի նախագահի տեղակալ, ՆԱՏՕ-ի խորհրդարանական վեհաժողովի ՀՀ ԱԺ պատվիրակության ղեկավար, Ֆրանկոֆոնիայի խորհրդարանական վեհաժողովի ՀՀ ԱԺ պատվիրակության համանախագահ։ «Օրինաց երկիր» խմբակցության անդամ։
• 2007 թ. մայիսի 25-ին ընտրվել է ՀՀ ԱԺ 4-րդ գումարման պատգամավոր ՕԵԿ համամասնական ընտրացուցակով։ ԱԺ եվրոպական ինտեգրման հարցերի մշտական հանձնաժողովի անդամ, Հայաստան-Եվրամիություն խորհրդարանական համագործակցության միջխորհրդարանական հանձնաժողովի ԱԺ պատվիրակության անդամ, ԵԽԽՎ ԱԺ պատվիրակության անդամ։ «Օրինաց երկիր» խմբակցության անդամ։
• 2008 թ. ապրիլի 21-ին ՀՀ Նախագահի հրամանագրով նշանակվել է ՀՀ արտակարգ իրավիճակների նախարար։
• 2010 թ. մարտի 15-ին ՀՀ Նախագահի հրամանագրով ազատվել է ՀՀ արտակարգ իրավիճակների նախարարի պաշտոնից։
• 2010 թվականից Ռուսաստանի հայերի միության 1-ին փոխնախագահն է։
• 2012 թ. մայիսի 6-ին ընտրվել է ՀՀ ԱԺ 5-րդ գումարման պատգամավոր ՕԵԿ համամասնական ընտրացուցակով։ «Օրինաց երկիր» խմբակցության քարտուղար։
• 2017 թ․-ից պատգամավոր չէ։
• 2018 թ․ հեռացել է ՕԵԿ-ից, քաղաքականությունից։

Գիտական բազմաթիվ աշխատությունների և հոդվածների հեղինակ է։ «Ազգային անվտանգություն» ԵՊՀ մագիստրոսական ծրագրի գիտական ղեկավար։

Ընտանիք

Ամուսնացած է, ունի երկու զավակ։

Նախորդող Վահան Հովհաննիսյան

ՀՀ ԱԺ Պաշտպանության, ազգային անվտանգության և ներքին գործերի մշտական հանձնաժողովի նախագահ Մհեր Շահգելդյան 12 հունիսի 2003—2 հունիսի 2006

Հաջորդող Արամայիս Գրիգորյան

Նախորդող պաշտոնը հիմնադրվել է

ՀՀ Արտակարգ իրավիճակների նախարար Մհեր Շահգելդյան 21 ապրիլի 2008—15 մարտի 2010

Հաջորդող Արմեն Երիցյան

Նախորդող Մարզպետունի Մանուկյան

ՀՀ ԱԺ «Օրինաց երկիր» խմբակցության քարտուղար Մհեր Շահգելդյան 31 մայիսի 2012—

Հաջորդող ներկայումս պաշտոնավարում է