Հասմիկ Գասպարյան
Հասմիկ Գասպարյան | |
|---|---|
| Ծնվել է | հունվարի 13, 1965 (59 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | Երևանի միջնակարգ մասնագիտական երաժշտական դպրոց Չայկովսկու անվան և Յազեպ Վիտոլի անվան Լատվիայի երաժշտական ակադեմիա |
| Մասնագիտություն | նկարչուհի |
| Անդամակցություն | Հայաստանի նկարիչների միություն և Ռուսաստանի գեղարվեստի ակադեմիա |
Հասմիկ Հենրիկի Գասպարյան (հունվարի 13, 1965, Երևան, Հայկական ԽՍՀ, ԽՍՀՄ), հայ նկարչուհի։
Կենսագրություն[խմբագրել | խմբագրել կոդը]
1981 թվականին ավարտել է Երևանի Չայկովսկու անվան երաժշտական դպրոցը, 1990 թվականին՝ Ռիգայի պետական կոնսերվատորիան, 2001 թվականին՝ Մոսկվայի գեղարվեստի համալսարանի կերպարվեստի և նկարչության բաժինը։ 2004 թվականից Հայաստանի նկարիչների միության անդամ է, 2006 թվականից՝ Ռուսաստանի Դաշնության Գեղարվեստի ակադեմիայի անդամ։ 1994 թվականին հիմնադրել է Երեխաների և երիտասարդների Մոսկվայի պետական արվեստի կենտրոնը։ 1994 - 2010 թվականներին մասնակցել է հանրապետական և միջազգային տարբեր ցուցահանդեսների Հայաստանում, Ռուսաստանում, Արգենտինայում, Մեծ Բրիտանիայում, Գերմանիայում, Ավստրիայում, Ֆրանսիայում։ 2006 -2009 թվականներին եղել է Մոսկվայի Արմեն Ջիգարխանյանի դրամատիկական թատրոնի գլխավոր դիզայները։ 2010- 2013 թվականներին ապրել է Երևանում և համագործակցել Մոսկվայի Գեղարվեստի ակադեմիայի հետ։ 2012 թվականից հանրային խորհրդի անդամ է (մշակութային հարցերով)։ 2002 - 2013 թվականներին մասնակցել է բազմաթիվ ցուցահանդեսների Հայաստանում[1]։