Հայաստանի ժողովրդական կուսակցություն

Հայաստանի ժողովրդական կուսակցություն;
Տեսակ	կուսակցություն
Երկիր	Հայաստան
Առաջնորդ	Ստեփան Դեմիրճյան
Հիմնադիր	Կարեն Դեմիրճյան
Հիմնադրված	1998
Գաղափարախոսություն	սոցիալիզմ և պրո-եվրոպեականություն
Շտաբ	Երևան, Հայաստան

Չշփոթել Հայ ժողովրդական կուսակցություն հոդվածի հետ։

Հայաստանի ժողովրդական կուսակցություն (կրճատ՝ ՀԺԿ), ձախակողմյան սոցիալիստական կուսակցություն Հայաստանում։

Պատմություն[խմբագրել | խմբագրել կոդը]

Հիմնադրվել է 1998 թվականին Կարեն Դեմիրճյանի կողմից։ 1999 թվականի Հայաստանի հանրապետական կուսակցության հետ միասին՝ ստեղծելով Միասնություն դաշինքը մասնակցել է ՀՀ Ազգային ժողովի ընտրություններին՝ ստանալով մեծամասնություն և ընտրվելով ՀՀ Ազգային ժողովի նախագահ։ Կարեն Դեմիրճյանի սպանությունից հետո կուսակցության ղեկավար է դարձել Ստեփան Դեմիրճյանը։ Կուսակցությունը մասնակցել է 2003 թվականի խորհդարանական ընտրություններին, ստացել է 1․1% ձայն, ուստի և չի անցել խորհրդարանում։ Իրենց նախագահի թեկնածու Ստեփան Դեմիրճյանը, 2003 թվականի ՀՀ նախագահի ընտրությունների առաջին փուլում ստացավ ձայների 27.4%-ը, իսկ երկրորդ փուլում՝ ձայների 32․5%-ը։ 2007 թվականի Ազգային ժողովի ընտրություններին ստացան 1.68% ձայն, որը նույնպես չապահովեց տեղեր խորհրդարանում։ Մինչև 2007 թվականի Ազգային Ժողովի ընտրությունները կուսակցությունը Հայ ազգային կոնգրեսի հետ միասին ստեղծեցին Կոնգրես-ՀԺԿ դաշինքը^[1]։ Դաշինքը ստացավ ձայների 3․72%, ուստի չստացավ տեղ խորհրդարանում։ Կուսակցությունը որոշում կայացրեց չմասնակցել 2018 թվականի ՀՀ Ազգային ժողովի 7-րդ գումարման ընտրություններին՝ սատարելով Իմ քայլը դաշինքին^[2]։

Գաղափարախոսություն[խմբագրել | խմբագրել կոդը]

2007 թվականին կուսակցությունը փոխեց իր գաղափարախոսությունը ռուսամետությունից եվրոպամետություն։ Դեմիրճյանը պնդում էր․ «Հայաստանը պետք բռնի Եվրոպական ինտեգրման ճանապարհը»՝ արդյունավետորեն փոխելով կուսակցության կողմնորոշումը ԱՊՀ երկրների հետ համագործակցելուց դեպի Եվրոպայի հետ համագործակցություն^[3]։