Կորնելիուս Նեպոս

Վիքիպեդիայից՝ ազատ հանրագիտարանից
Կորնելիուս Նեպոս

Կորնելիուս Նեպոս (լատիներեն՝ Cornelius Nepos, հին հունարեն՝ Κορνήλιος Νέπως, ենթադրվում է որ նա ծնվել է մ.թ.ա. 100 թվականին Այսրալպյան (Cisalpine) Գալիայում, Փո գետի մոտերը և մահացել մ.թ.ա. 32 թվականին)։ Սալլուստիոսի և Կիկերոնի ժամանակակիցը և կայսրության սկզբի հռոմեական պատմագիրներից մեկն է։ Նրա մասին կենսագրական տեղեկություններ գրեթե չեն պահպանվել։ Բարեկամական հարաբերությունների մեջ է եղել Կիկերոնի, Կատուլուսի և Ատիկուսի հետ։ Ունեցել է բեղուն գրիչ, բայց նրա գրվացքների գերակշռող մեծամասնությունը մեզ չեն հասել։

Ստեղծագործությունները[խմբագրել]

  • «Խրոնիկա» կամ «Տարեգրություն», բաղկացած է երեք գրքից, որոնց մեջ շարադրել է ոչ միայն հռոմեական, այլև, ըստ պատմական հաղորդումների, հունական պատմությունը։
  • «Պատմական օրինակների ժաղովածու»։
  • «Նշանավոր հրամանատարների կյանքը»։
  • «Գիրք նշանավոր մարդկանց», բաղկացած է 16 գրքից և նրա ամենախոշոր աշխատությունն է. պարունակում է մեծ մարդկանց՝ հրամանատարների, պոետների, պատմաբանների և այլոց կյանքի նկարագիրը։ Ենթադրվում է, որ հրապարակվել է 35-34 թվերին։ Այս գրքի մեջ շարադրված են Կատո Ավագի և Կիկերոնի կենսագրությունները։ Այս գրքերից գրեթե ոչինչ չի հասելմեզ։