Ինգա Յանկաուսկայտե

Ինգա Յանկաուսկայտե
Ծնվել է	հունվարի 10, 1981 (43 տարեկան)
Ծննդավայր	Կաունաս, Լիտվական ԽՍՀ, ԽՍՀՄ
Կրթություն	Լիտվայի երաժշտության և թատրոնի ակադեմիա
Քաղաքացիություն	Լիտվա
Մասնագիտություն	երգչուհի և դերասանուհի

Ինգա Յանկաուսկայտե (լիտ.՝ Inga Jankauskaitė, հունվարի 10, 1981(1981-01-10), Կաունաս, Լիտվական ԽՍՀ, ԽՍՀՄ^[1]), լիտվացի դերասանուհի, երգչուհի և հեռուստահաղորդավար։

Կենսագրություն[խմբագրել | խմբագրել կոդը]

1987-1997 թվականներին սովորել է Կաունասի Յուոզաս Նաույալիսի անվան երաժշտական դպրոցում (ֆորտեպիանոյի դասարան)։ 1996-1997 թվականներին «Kauno fonas» ռադիոալիքով վարել է մանկական «Ingumynai» հաղորդումը։ 1999 թվականին ավարտել է Կաունասի Վինցաս Կուդիրկայի անվան երաժշտական դպրոցը, 1997-1999 թվականներին «Ultra vires» ռադիոալիքով վարել է «Širdele mano» հաղորդումը։ Ավարտել է Լիտվայի թատերական և երաժշտական ակադեմիան։ Լիտվայի ազգային դրամատիկական թատրոնի դերասանուհի է, 2004 թվականից նկարահանվում է կինոյում։ 2010 թվականին առաջադրվել է «Արծաթե կռունկ» մրցանակին` «Զրո 2» սև կատակերգությունում խաղացած դերի համար^[2]։

Երգչուհի և հեռուստահաղորդավարուհի[խմբագրել | խմբագրել կոդը]

1996-1999 թվականներին Ինգա Յանկաուսկայտեն հանդես է եկել L+ խմբում։ Երգում է լիտվերեն, անգլերեն ու ռուսերեն երգեր։ 2007 թվականին Յանկաուսկայտեն Չեսլոսլավ Գաբալիսի հետ մասնակցել է «Žvaigždžių duetai» շոուին` գրավելով երկրորդ տեղը։ 2008-2017 թվականներին եղել է այդ շոուի վարողը։

2010 թվականին Ինգա Յանկաուսկայտեն թողարկել է ռուսական ռոմանսների «Romanso Improvizacija» ալբոմը, որը ձայնագրել էր Ուրելիյուս Գլոբիսի հետ։

2013 թվականին դարձել է «Chorų Karai» շոուի հաղորդավարը («Clash of the Choirs»-ի լիտվական տարբերակը)^[3]։ Վարել է նաև «Lietuvos Balsas» (միջազգային «The Voice» շոուի լիտվական տարբերակը) ծրագրի երկրորդ և երրորդ եթերաշրջանները^[4]^[5]. Եղել է «Լիտվական ձայն» նախագծի 5-րդ, 6-րդ և 7-րդ եթերաշրջանների ուսուցիչներից։

Անձնական կյանք[խմբագրել | խմբագրել կոդը]

Ամուսնացած է եղել երկու անգամ. 2002 թվականին ամուսնացել է պրոդյուսեր Հինտարաս Պլուտնիկասի հետ (այս ամուսնությունից ունեցել է որդի` Կոստատը)։ 2010 թվականի ապրիլին ամուսնացել է Մարյուս Ստրաչկայտիսի հետ։ Այս ամուսնությունից ծնվել են երկվորյակներ Յոնասն ու Մարիան։ Զույգը բաժանվել է 2016 թվականի մարտի 10-ին, Կլայպեդում։

Դերեր թատրոնում[խմբագրել | խմբագրել կոդը]

2001 - «Քինգ Քոնգի դուստրը» - Բերտա (ըստ Թերեզա Վալտերի գրքի, ռեժ.` Յոնաս Վայկտուս, Նոր դրամատիկական թատրոն)
2004 - «Մարիա Ստյուարտ» - Մարիա Ստյուարտ (Ֆրիդրիխ Շիլլերի պիեսը, ռեժ.` Յոնաս Վայկտուս, Լիտվայի ազգային դրամատիկական թատրոն)
2005 - «Դևեր» - Լիզա (ըստ Ֆյոդր Դոստոևսկու վեպի, ռեժ.` Յոնաս Վայկտուս, Լիտվայի ազգային դրամատիկական թատրոն)
2006 - «Փոքրիկ իշխանը» - Վարդ (ըստ Անտուան դը Սենտ-Էքզյուպերիի վեպի, ռեժ.` Սաուլյուս Միկոլայտիս, Լիտվայի ազգային դրամատիկական թատրոն)
2007 - «Ռոմեո և Ջուլիետ» - Ջուլիետ (ռեժ.` Այդաս Գինիոտիս)
2008 - «Վիլնյուս-Դաքար» - Օդրե (ռեժ.` Կոստատ Սմորիգինաս)^[6]
2009 - «Մարդը Լա Մանշից» - Դուլսինեա (ռեժ.` Ադոլֆ Վեչերսկիս)
2015 - «Թագուհի Լուիզան» - Թագուհի Լուիզա (ըստ Արվիդաս Յուոզայտիսի գրքի, ռեժ.` Գիտիս Պասեգիմաս, Կլայպեդայի դրամատիկական թատրոն)^[7]

Դերեր կինոյում[խմբագրել | խմբագրել կոդը]

2004 - «Կատարյալ միայնության մեջ» - Ալբինա Նեյֆալտիենե-Պուսելեմ
2006–2009 - «Անկոչ սերը» - Մետա Բարոնայտե-Զվինիենե
2009 - «Զրո 2» - Լիկա
2013 - «Ինչպես գողանալ կնոջը» - երգչուհի

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Kauno diena. Inga JANKAUSKAITĖ (լիտվ.)

Վիքիպահեստն ունի նյութեր, որոնք վերաբերում են «Ինգա Յանկաուսկայտե» հոդվածին։

[_f4599e1477d0c958-1] 1,0 ^1,1 ^1,2 Freebase տվյալների վերբեռնում — Google.

[2] Paaiškėjo „Sidabrinės gervės“ apdovanojimų nominantai (լիտվ.)

[3] Inga Jankauskaite feat. Alexander Rybak - Chorų Karai (Lithuania) 17.03.13 ՅուԹյուբում

[4] Inga Jankauskaitė - Dėl Tavęs (LB#2 FINALINĖS KOVOS) ՅուԹյուբում

[5] Inga Jankauskaitė ir Donatas Montvydas - Feliz navidad (LB#3 FINALAS) ՅուԹյուբում

[6] Сморигинас ставит новую комедию - «Вильнюс–Дакар» (ռուս.)

[7] Арвидас Юозайтис: «Я выиграл олимпийскую медаль, чтобы вырваться из плена» (ռուս.)

[1]

[2]

[3]

[4]

[5]

[6]

[7]