Գրիգոր Կարապետյան (նկարիչ)
- Անվան այլ կիրառումների համար տե՛ս՝ Գրիգոր Կարապետյան (այլ կիրառումներ)
- Վիքիպեդիայում կան հոդվածներ Կարապետյան ազգանունով այլ մարդկանց մասին։
Գրիգոր Կարապետյան | |
---|---|
Ծնվել է | 1908 |
Ծննդավայր | Բուխարեստ, Ռումինիա |
Մասնագիտություն | նկարիչ |
Գրիգոր Կարապետյան (1908, Բուխարեստ, Ռումինիա), հայ նկարիչ։
Կենսագրություն[խմբագրել | խմբագրել կոդը]
Գրիգոր Կարապետյանը ծնվել է 1908 թվականին, Բուխարեստում։ Սովորել է Բուխարեստի գեղարվեստի դպրոցում, ավարտել Փարիզի գեղարվեստի ակադեմիան։ 1947 թվականից բնակվել է Լիոնում։ Ստեղծագործել է տարբեր ժանրերում՝ բնանկար, դիմանկար, նատյուրմորտ, գորգարվեստ, քանդակագործություն[1]։
Կարապետյանի ստեղծագործություններից պահվում են Սուրբ Էջմիածնի Վեհարանում։
Ուշագրավ են Կարապետյանի Ֆրանցիսկյան քույրերի մատուռի (Լիոն) վիտրաժը, խաչը և մետաղալարերից պատրաստված այլ քանդակներ։ Գեղանկարչական գործեր՝
- «Արարատ»
- «Աղթամար»
- «Այբ-բեն-գիմ»
- «Գրիգոր Լուսավորիչ»
Մրցանակներ[խմբագրել | խմբագրել կոդը]
- Բուխարեստի երիտասարդ նկարիչների ցուցահանդեսի 1-ին մրցանակ
- Հալմարկի, Նիցցայի Մեծ մրցանակներ, Ֆրանսիան, 1950-ական թվականներ
Ծանոթագրություններ[խմբագրել | խմբագրել կոդը]
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.