Գնդաձև կայծակ (վեպ)
Անվան այլ կիրառումների համար տե՛ս՝ Գնդաձև կայծակ (այլ կիրառումներ)
Գնդաձև կայծակ անգլ.՝ Thunderball | |
|---|---|
.jpg) | |
| Հեղինակ | Յան Ֆլեմինգ |
| Տեսակ | գրական ստեղծագործություն |
| Ժանր | լրտեսական վեպ և քրեական վեպ |
| Բնօրինակ լեզու | անգլերեն |
| Կերպար(ներ) | Ջեյմս Բոնդ, Էռնստ Ստավրո Բլոֆելդ, Մ և Դոմինո Վիտալի |
| Նկարագրում է | Բահամյան Կղզիներ |
| Շարք | Ջեյմս Բոնդ |
| Նախորդ | Միայն քո աչքերի համար |
| Հաջորդ | Լրտեսը, որն ինձ սիրում էր |
| Կազմի հեղինակ | Ռիչարդ Չոպինգ |
| Երկիր | .svg){kind=small} Միացյալ Թագավորություն |
| Հրատարակիչ | Jonathan Cape |
| Հրատարակման տարեթիվ | մարտի 27, 1961 |
| ԳՄՍՀ | 958-16-0117-1 |
| OCLC | 778193414 |
«Գնդաձև կայծակ» («Գնդաձև կայծակ» գործողություն», ««Որոտ» գործողություն», «Որոտի հարված» գործողություն») (անգլ.՝ Thunderball), Ջեյմս Բոնդի մասին Յան Ֆլեմինգի ութերորդ վեպը։
Սյուժե[խմբագրել | խմբագրել կոդը]
Ծանոթացեք - Ջեյմս Բոնդ։ Անբասիր, փայլուն կրթությամբ գեղեցիկ երիտասարդ։ Բացարձակ անխիղճ և մահացու վտանգավոր։ Կողքից նա նայվում էր որպես հերթական հարուստ արձակուրդ անցկացնող, որը շքեղությամբ ժամանակ է անցկացնում Բահամյան կղզիների լողափներում, բայց իրականում Ջեյմս Բոնդը, ինչպես միշտ, փրկում է աշխարհը։ Նրա տրամադրության տակ մեկ շաբաթից քիչ ժամանակ կա, որպեսզի գտնի երկու ատոմային ռումբերը, որոնք գողացվել են ոճրագործների կողմից և հուսալիորեն թաքցված են կորալային խութերի մեջ։
Պարոն Էմ-ի պնդմամբ Ջեյմս Բոնդը ուղևորվում է «Անտառային» առողջարան՝ վերականգնելու առողջությունը, որտեղ բախվում է կոմս Լիպպեի՝ կասկածելի անձնավորության հետ, որի ձեռքին չինական «Կարմիր կայծակ» հանցագործ խմբավորման դաջվածքն է։ Նրանց միջև ընդհարում է տեղի ուենում, որի արդյունքում Լիպպեն հիվանդանոց է տեղափոխվում։ Բոնդը չէր էլ կասկածում, որ առաջին հայացքից այդ աննշան դրվագը վերջնական արդյունքում կխափանի ՍՊԵԿՏՐ խորհրդավոր հանցագործ խմբի և նրա ղեկավար Էռնստ Բլոֆելդի ծրագրերը, որը որոշել էր շանտաժի ենթարկել «դեմոկրատիայի արևմտյան աշխարհը» ատոմային ռումբի պայթեցումով, եթե նրանք իրեն չվճարեն 100 միլիոն ֆունտ ստեռլինգ։
Վեպի համանուն էկրանավորումը (1965 թվական)[խմբագրել | խմբագրել կոդը]
«Գնդաձև կայծակ» ֆիլմը կարող էր առաջինը լինել բոնդիանայում, սակայն դառնում է չորրորդը։ Վեպի էկրանավորումն արժանանում է «Օսկար» մրցանակի, լավագույն տեսողական էֆեկտների համար և լավագույնն է համարվում «Գոլդֆինգեր» ֆիլմից հետո։ Երկու ֆիլմերում էլ Գործակալ 007-ին մարմնավորել է Շոն Քոններին։
Ֆիլմեր նկարահանված վեպի հիման վրա (1983 թվական)[խմբագրել | խմբագրել կոդը]
Չհանգստանալով դրանով, ՄակԿլորին, 1983 թվականին, Բոնդիանայի պաշտոնական գագաթնակետին, նկարահանում է վեպի ևս մեկ էկրանավորում՝ «Երբեք մի ասա «երբեք»», Շոն Քոններիի մասնակցությամբ։
Կերպարներ[խմբագրել | խմբագրել կոդը]
- Ջեյմս Բոնդ / Գործակալ 007 — գլխավոր հերոս
- Էռնստ Ստավրո Բլոֆելդ — երկրորդական ոճրագործ
- Էմիլիո Լարգո — գլխավոր ոճրագործ
- Ֆելիքս Լյայտեր — Բոնդի ընկերը
- Դոմինո Վիտալի — Բոնդի ընկերուհին
- Էմ — Բոնդի ղեկավարը
- Ջուզեպպե Պետաչի — կամակատար
- Կոմս Լիպպե — կամակատար
- Պատրիցիա Ֆիարինգ — Բոնդի ընկերուհին
- Տիկին Մանիպենի — Բոնդի աշխատակիցը, Էմ-ի քարտուղարուհին
Կապը կինոյի հետ[խմբագրել | խմբագրել կոդը]
Ֆիլմի եթեր դուրս գալուն նախորդում էր Քևին ՄակԿլորիի հետ երկարատև դատական հայցը, որը Ֆլեմինգին մեղադրում էր նրա գաղափարի օգտագործման մեջ։ Արդյունքում ֆիլմի պրոդյուսեր է հանդես գալիս հենց ՄակԿլորին և լոկ «ներկայացված է» մշտական պրոդուսերներով՝ Զալցմանով և Բրոկկոլիով։ 1965 թվականին էկրան բարձրացած ֆիլմը բավականին հավատարիմ է սկզբնաղբյուրին։ Որպես տարբերություն կարելի է նշել լրացուցիչ կերպարները՝ շիկահեր ոճրագործուհի Ֆիոնա Վոլպեն և Բոնդի օգնական Պոլ Կապլանը։ Բոնդը օգտագործում է Կյուի տարբեր գաջետներ։ Դոմինո (Վիտալի) ազգանունը ֆիլմում փոխարինվել է Դերվալով։ Բացի այդ, ֆիլմում ՍՊԵԿՏՐ-ը օդաչուին փոխարինում է իր մարդով, որին պլաստիկ վիրահատություն էին կատարել (այսպիսով ֆիլմում Դոմինոյի եղբայրը ոճրագործ չի հանդիսանում), այն դեպքում, որ գրքում օդաչուին ուղղակիևրեն կաշառում են։
Բոնդի հետ ծանոթանալու ժամանակ Դոմինոն նրան պատմում է իր առաջին սիրո մասին սրտառուչ պատմություն՝ «Պլեյերս» ծխախոտի տուփի վրայի խիզախ նավաստուհու մասին։ «Մահացիր, բայց ոչ հիմա» (2002 թվական) ֆիլմի ուշադիր դիտելու ժամանակ, ստորգետնյա երկութուղում Կյուի հետ դրվագում, պատին կարելի է նկատել այդ նույն նավաստուհու նկարով գովազդային պլակատ։
Ֆիլմեր[խմբագրել | խմբագրել կոդը]
- «Գնդաձև կայծակ» — 1965 թվական — Բոնդին մարմնավորել է Շոն Քոններին
- «Երբեք մի ասա «երբեք»» — 1983 թվական — Բոնդին մարմնավորել է Շոն Քոններին
Աղբյուրներ[խմբագրել | խմբագրել կոդը]
Յան Ֆլեմինգի կենսագրությունը Արխիվացված 2012-03-23 Wayback Machine և նրա առաջին հրատարակությունները
| ||||||
