Արվեստի պատմության ռուսական ինստիտուտ

Արվեստի պատմության ռուսական ինստիտուտ
Տեսակ	գիտահետազոտական ինստիտուտ
Հիմնադրված է	1912
Հիմնադրիր	Վալենտին Զուբով
Երկիր	Ռուսական կայսրություն, Ռուսական հանրապետություն, Խորհրդային Ռուսաստան, ԽՍՀՄ և Ռուսաստան
Տեղագրություն	Սանկտ Պետերբուրգ
Կայք	artcenter.ru(ռուս.) և artcenter.ru/en/(անգլ.)
	Mansion of AA Zakrevsky (PA Zubov) Վիքիպահեստում

Արվեստի պատմության ռուսական ինստիտուտ (ռուս.՝ Российский институт истории искусств), Ռուսաստանի գիտությունների ակադեմիայի և ՌԴ մշակույթի նախարարության գիտահետազոտական ինստիտուտ, որը գտնվում է Սանկտ Պետերբուրգի Սուրբ Իսահակի հրապարակի թիվ 5 շենքում։ Ընդգրկված է ՌԴ պատմության և մշակույթի հուշարձանների ցանկում^[1]։

Պատմություն[խմբագրել | խմբագրել կոդը]

Ինստիտուտը հիմնադրվել է 1912 թվականին կոմս Վալենտին Պլատոնովիչ Զուբովի կողմից Ֆլորենցիայի արվեստի պետական ինստիտուտի օրինակով։ Զուբովը հաստատությունը տեղավորել է իր սեփական առանձնատանը։ Հոկտեմբերյան հեղափոխությունից հետո նա առանձնատունը տվել է նոր կառավարությանը, և ինստիտուտը դարձել է պետական։ Ինստիտուտի աշխատակիցներն են եղել Յուրի Տինյանովը, Բորիս Էյխենբաումը, Բորիս Ասաֆևը, Վիկտոր Ժիրմունսկին, Անտոնին Պրեոբրաժենսկին և այլ հայտնի գրականագետներ ու երաժշտագետներ^[2]։

Ինստիտուտի շենքը 1843-1847 թվականներին նոր վերածննդի ոճով կառուցել է ճարտարապետ Հարալդ Հուլիոս Բոսեն կոմս Արսենի Զակրևսկու համար։ 1870-ական թվականների սկզբում շենքը փոխանցվել է կոմս Պլատոն Զուբովին։ 1870 թվականին ճարտարապետ Շուլց Կարլ Կարլովիչը փոխել է շենքի ճակատային հատվածը։

Վերակառուցում և անվանափոխություններ[խմբագրել | խմբագրել կոդը]

1912-1920 թթ. Արվեստի պատմության ինստիտուտ
1920-1924 թթ. Արվեստի պատմության ռուսական ինստիտուտ
1924-1931 թթ. Արվեստի պատմության պետական ինստիտուտ (ГИИИ)
1931-1933 թթ. Արվեստի պետական ակադեմիայի Լենինգրադի մասնաճյուղ
1933-1937 թթ. Գեղարվեստի պետական ակադեմիա (ГАИС)
1937-1939 թթ. Երաժշտական գիտահետազոտական պետական ինստիտուտ
1939-1958 թթ. Թատրոնի և երաժշտության պետական գիտահետազոտական ինստիտուտ
1958-1962 թթ. Թատրոնի, երաժշտության և կինեմատոգրաֆիայի պետական գիտահետազոտական ինստիտուտ
1963-1992 թթ. Ռուսաստանի կատարողական արվեստի պետական ինստիտուտի գիտահետազոտականբաժին
1992 թվականից՝ Արվեստի պատմության ռուսական ինստիտուտ