Արկադի Բաղդասարյան (Արկո)
Արկադի Բաղդասարյան | |
|---|---|
| Ծնվել է | օգոստոսի 25, 1945 |
| Ծննդավայր | Բաքու, Ադրբեջանական ԽՍՀ, ԽՍՀՄ |
| Վախճանվել է | օգոստոսի 31, 2022 (77 տարեկան) |
| Քաղաքացիություն |  ԽՍՀՄ |
| Կրթություն | Ազիմ Ալիմզադեի անվան գեղարվեստի ուսումնարան (1965), Երևանի պետական գեղարվեստա-թատերական ինստիտուտ (1971) և Հայաստանի գեղարվեստի պետական ակադեմիա |
| Մասնագիտություն | նկարիչ |
| Ոճ | աբստրակցիոնիզմ |
| Պարգևներ | |
| Արկադի Բաղդասարյան Վիքիդարանում | |
Արկադի Զինովարի Բաղդասարյան, Արկո (օգոստոսի 25, 1945, Բաքու, Ադրբեջանական ԽՍՀ, ԽՍՀՄ - օգոստոսի 31, 2022[1]), հայ նկարիչ, ՀՀ վաստակավոր նկարիչ (2003), ՀՀ ժողովրդական նկարիչ (2015)[2]։ Հայաստանում աբստրակտ արվեստի հիմնադիրներից։
Կենսագրություն[խմբագրել | խմբագրել կոդը]
Արկադի Բաղդասարյանը ծնվել է 1945 թվականին, Բաքվում։ Հայրը՝ Զինովար Բաղդասարյանը, ծնվել է ԼՂՀ Մարտակերտի շրջանի Լյուլասազ գյուղում, մայրը՝ Ծմակահող գյուղում։ Մանկությունն անցել է ԼՂՀ-ում՝ պապիկ-տատիկի մոտ։ Արկոն ընտանիքի չորս երեխաներից ավագն է։ 1960 թվականին ավարտել է Բաքվի ռուսական դպրոցը, 1965 թվականին՝ Բաքվի գեղարվեստի ուսումնարանը, 1971 թվականին՝ Երևանի գեղարվեստա-թատերական ինստիտուտը։ 1974-1982 թվականներին դասավանդել է նույն ինստիտուտում[3]։
Ստեղծագործություններից գտնվում են Հայաստանի ազգային պատկերասրահում։
Ստեղծագործություններ[խմբագրել | խմբագրել կոդը]
Գեղանկարչական երկերում անուղղակիորեն միահյուսել է մանրանկարչության և արդի գեղանկարչության ավանդույթները։ Ստեղծագործություններում իշխում են խիստ մշակված պայծառ մակերեսները։
- «Ինֆուզորիա», 1974
- «Ինֆուզորիայի աշխարհ», 1976[4]
- «Կոմպոզիցիա», 1988
- «Նոկտյուռն Ա», 1994
- «Նոկտյուռն Բ», 1994
- «Կոմպոզիցիա», 2000
- «Խաչելություն», 2000
- «Հայաստան», 2001
- «Քրիստոս», 2001
- «Հրեշտակ», 2001
- «Բնանկար», 2006[5]
Անհատական ցուցահանդեսներ[խմբագրել | խմբագրել կոդը]
- Երևան, 1975, 1976, 1977, 2000
- Գերմանիա
- Մոսկվա, 1989
- Փարիզ, 1997
- Ստեփանակերտ, 2001
Խմբակային ցուցահանդեսներ[խմբագրել | խմբագրել կոդը]
- Խմբակային ցուցահանդես «Երևան` իմ սեր», Հայարտ մշակույթի կենտրոն, Երևան (2009)[6]
Ծանոթագրություններ[խմբագրել | խմբագրել կոդը]
- ↑ «Մահացել է նկարիչ Արկադի Բաղդասարյանը (Արկո)». Civic (ամհարերեն). Վերցված է 2022 թ․ օգոստոսի 31-ին.
- ↑ Ա. Զ. ԲԱՂԴԱՍԱՐՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԺՈՂՈՎՐԴԱԿԱՆ ՆԿԱՐՉԻ ՊԱՏՎԱՎՈՐ ԿՈՉՈՒՄ ՇՆՈՐՀԵԼՈՒ ՄԱՍԻՆ
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ Արկո Ինֆուզորիայի աշխարհ (1976)
- ↑ Արկո, Բնանկար (2006)
- ↑ ՀայArt մշակույթի կենտրոնում բացվեց «Երևան` իմ սեր» գեղանկարչական ցուցահանդեսը
Արտաքին հղումներ[խմբագրել | խմբագրել կոդը]
- Arko Baghdasaryan – An Artist Caught in a Conflict Արխիվացված 2016-03-04 Wayback Machine
- Մանրանկարչության և արդի գեղանկարչության ավանդույթների միահյուսում, Արկո Բաղդասարյան
- Նախագահը շնորհավորել է ՀՀ վաստակավոր նկարիչ Արկադի Բաղդասարյանին՝ հոբելյանի առթիվ Արխիվացված 2017-09-08 Wayback Machine
- Արկադի Բաղդասարյան
 | Վիքիդարանն ունի նյութեր, որոնք վերաբերում են «Արկադի Բաղդասարյան (Արկո)» հոդվածին։ |
|
