Աստրիդ Լինդգրեն

Վիքիպեդիայից՝ ազատ հանրագիտարանից
Աստրիդ Լինդգրեն
Lindgren 1960.jpg
ԱԱՀ՝ Աստրիդ Լինդգրեն
Բնագիր
ԱԱՀ՝
Astrid Anna Emilia Ericsson
Ծննդյան օր՝ Նոյեմբերի 14, 1907 թ.
Ծննդավայր՝ Շվեդիա Վիմմերբյու, Շմալանդ, Շվեդիա
Վախճանի օր՝ Հունվարի 28, 2002 թ.
Վախճանի վայր՝ Շվեդիա Ստոկհոլմ, Շվեդիա
Կրոն Կաթոլիկ
Աշխատանք՝ Մանկական գրող
Պարգևներ և
մրցանակներ՝
«Ճիշտ ապրելակերպի մրցանակ» (1994)

Աստրիդ Աննա Էմիլիա Լինդգրեն (շվեդ.` Astrid Anna Emilia Lindgren, 14 նոյեմբեր, 190728 հունվար, 2002), շվեդ կին գրող, արձակագիր և սցենարիստ։ Համարվում է աշխարհի 18-րդ ամենաթարգմանված հեղինակը։[1] Լինդգրենի գրքերը համաշխարհային մասշտաբով վաճառվել են 145 միլիոն օրինակով։[2] Առավել հայտնի գրքերից են «Պեպի Երկարագուլպան», «Կարլսոնը, ով բնակվում է տանիքում» և այլ ստեղծագործություններ, որոնք առանձնահատուկ ժողովրդայնություն են վայելում հատկապես կրտսեր ընթեցողների շրջանում։

Կենսագրությունը[խմբագրել]

Լինդգրենը ծնվել է Շվեդիայի հարավում գտնվող Վիմմերբյու ավանում` շինականի ընտանիքում։ Սամուել Ավգուստ Էրիքսոնի և Աննա Յոհանսոնի 2-րդ զավակն է, ունեցել է 2 քույր և 1 եղբայր՝ Գունար անունով, ով հետագայում դառնում է Շվեդական խորհրդարանի պատգամավոր։

Դպրոցն ավարտելուն պես՝ Լինդգրենն աշխատանիքի է անցնում տեղական թերթի խմբագրություննում։ Երբ 1926 թ.-ին Լինդգրենն հղիանում է գլխավոր խմբագրից, վերջինս ամուսնության առաջարկություն է անում, սակայն մերժվում է։ Լինդգրենը տեղափոխվում է մայրաքաղաք Ստոկհոլմ, որտեղ սովորում է գրամեքենայով աշխատել և սղագրել։ Կարճ ժամանակ անց Լինդգրենը Կոպենհագենում ծնում է առաջնեկ արու զավակին, ում անվանում է Լարս։ Լինդգրենը Լարսին թողնում է Կոպենհագենում՝ վստահելով մի խնամակալ ընտանիքի։

Չնայած ցածր վարձավճարին՝ Լինդգրենը խնայած գումարների հաշվին հաճախ էր մեկնում Կոպենհագեն՝ որդուն տեսնելու։ Ի վերջո Լինդգրենը որդուն տանում է հայրենիք՝ հանձնելով հոր և մոր խնամքին, մինչև որ ինքն է կարողանում բավականաչափ գումար աշխատել, որպեսզի որդուն իր ուժերով մեծացնի Ստոկհոլմում։

1931 թ.-ին ամուսնանում է իր ղեկավարի՝ Ստուր Լինդգրենի հետ (1898–1952)։ Երեք տարի անց ամուսինները դուստր են ունենում՝ Կարին անունով (հետագայում դառնում է թարգմանիչ)։ Երբ մի անգամ Կարինը ծանր հիվանդանում է և անորոշ ժամանակով գամվում անկողնուն, մայրը սկսում է նրան զբաղեցնելու համար պատմություններ։ Հենց այդ ժամանակ էլ ստեղծվում է Պեպի Երկարագուլպայի կերպարը։

Աստրիդ Լինդգրենը 1924 թ.-ին

1941 թ.-ին ընտանիքը տեղափոխվում է բնակվելու Դալագաթան փողոցում, որտեղ էլ Լինդգրենն ապրում է մինչև կյանքի վերջ։

1971 թվկանինի Լինդգրենը մերժում է Հայաո Միյաձակիի ու Իսաո Տաքահատայի Երկրագուլպա Պեպպիի հիման վրա նիմե նկարելու առաջարկը։

2002թ.-ին Լինդգրենը կնքում է մահկանացուն՝ 94 տարեկան հասակում։ Կյանքի վերջին տարիներին Լինդգրենը գրեթե կույր էր։

Արտաքին հղումներ[խմբագրել]

Ծանոթագրություններ[խմբագրել]