Առնոլդ Թոյնբի

Վիքիպեդիայից՝ ազատ հանրագիտարանից
Առնոլդ Թոյնբի
Arnold Joseph Toynbee
A Study of History.jpg
(պատմաբան, սոցիոլոգ)
Անունը Առնոլդ Թոյնբի
Բնօրինակ
անունը
Arnold Joseph Toynbee
Ծնվել է ապրիլի 14, 1889
Մահացել է հոկտեմբերի 22, 1975

Առնոլդ Թոյնբի (անգլ.՝ Arnold Joseph Toynbee, 1889թ. ապրիլի 14 - 1975թ. հոկտեմբերի 22), բրիտանացի պատմաբան, պատմական փիլիսոփա, մշակութաբան և սոցիոլոգ, տասներկուհատորանի «Պատմության հետազոտություն» աշխատության հեղինակ, ցիվիլիզաթիոն թեորիայի մշակողներից մեկը։ Պարգեւատրվել է Պատվո Զինվորներ շքանշանով։

Կենսագրություն[խմբագրել]

1915 թ․ Թոյնբիի հեղինակած «Հայկական սարսափները․ մի ազգի բնաջնջումը» գրքի շապիկը

Ծնվել է Լոնդոնում։Սովորել է Վինչեսթեր քոլեջում և Օքսֆորդի Բեյլիոլ-քոլեջում, որտեղ 1912 թվականից դասախոսական գործունեություն է ծավալել։ Այնուհետև սովորել է Քինգս-քոլեջում, որտեղ հետագայում դասավանդել է Միջին դարերի և Բյուզանդիայի պատմություն։ 1913 թվականին ամուսնացել է Հիլբերտ Մյուրրեյի դուստր Ռոզալինդա Մյուրրեյի (†1967) հետ։

1919-1924 թվականներին դասավանդել է Լոնդոնյան համալսարանում։ Առաջին և երկրորդ համաշխարհային պատերազմներից հետո, որպես միջազգային հարաբերությունների փորձագետ, մասնակցել է Փարիզի հաշտության (1919-1920) և այլ կոնֆերանսների։ Թոյնբիին համաշխարհային համբավ է բերել «Պատմության հետազոտություն» երկը (հ 1-12, 1934-1961)։

Առաջին համաշխարհային պատերազմի տարիներին և նրանից հետո Թոյնբին առանձին աշխատություններ և բազմաթիվ հոդվածներ ու հրապարակային ելույթներ է նվիրել Հայոց ցեղասպանությանը, հանդես եկել Հայաստանի անկախության պաշտպանությամբ։ Գործուն մասնակցություն է ունեցել Ջեյմս Բրայսի կազմած Կապույտ գրքի (1916) հրատարակմանը։

Աշխատել է Լոնդոնյան տնտեսագիտական դպրոցում և 1929-1955 թվականներին որպես տնօրեն՝ Չետեմ-Հաուսի Միջազգային հարաբերությունների թագավորական համալսարանում (անգլ. RIIA)։

Բազմաթիվ սոցիլոլոգիական և քաղաքական խնդիրների պատմա-փիլիսոփայական հետազոտական աշխատանքներիհեղինակէ։