Անդրեյ Խաչատուրյան (հոգեբույժ)
- Անվան այլ կիրառումների համար տե՛ս՝ Անդրեյ Խաչատուրյան (այլ կիրառումներ)
Ծնվել է | մարտի 4, 1949 (75 տարեկան) |
---|---|
Ծննդավայր | Երևան, Հայկական ԽՍՀ, ԽՍՀՄ |
Քաղաքացիություն | ԽՍՀՄ և Հայաստան |
Կրթություն | Երևանի Մխիթար Հերացու անվան Պետական Բժշկական Համալսարան (1972) |
Մասնագիտություն | հոգեբույժ և հոգեթերապևտ |
Գիտական աստիճան | բժշկական գիտությունների դոկտոր (1998) |
Աշխատավայր | Ակադեմիկոս Սուրեն Ավդալբեկյանի անվան առողջապահության ազգային ինստիտուտ |
Անդրեյ Միքայելի Խաչատուրյան (մարտի 4, 1949, Երևան, Հայկական ԽՍՀ, ԽՍՀՄ), հայ հոգեբույժ, հոգեթերապևտ։ Բժշկական գիտությունների դոկտոր (1998), պրոֆեսոր (1999): Հայկական հոգեթերապևտիկական լիգայի նախագահ (2000):
Գրիգոր Արզումանյանի որդին։
Կենսագրություն[խմբագրել | խմբագրել կոդը]
Անդրեյ Խաչատուրյանը ծնվել է 1949 թվականի մարտի 4-ին, Երևանում։ 1972 թվականին ավարտել է Երևանի բժշկական ինստիտուտը։ 1982 թվականից աշխատում է Երևանի բժիշկների կատարելագործման ինստիտուտում, 1992 թվականից՝ Առողջապահության ազգային ինստիտուտում։ 1993 թվականին եղել է հոգեբուժության, հոգեթերապիայի և բժշկական հոգեբանության ամբիոնի ուսումնական մասի ղեկավար[1]։
Աշխատանքները վերաբերում են խանդի զառանցանքի ախտաբանական հատկանիշների, հոգեօրգանական համախտանիշի կառուցվածքային տարբերակների, հետվնասվածքային գերհույզային և հարմարվողական խանգարումների ուսումնասիրմանը։ Հեղինակ է «Ոչ պսիխոտիկ բնույթի խանգարումների համախտանիշային կառուցվածքը գանգուղեղային վնասվածքների հեռավոր շրջանում» (ռուսերեն, 1988) ուսումնական ձեռնարկի։
Անդամակցություն[խմբագրել | խմբագրել կոդը]
- ՀՀ հոգեբույժների ընկերակցության վարչության անդամ (1993)։
- ՀՀ հոգեվերլուծական ընկերակցության անդամ (1994)։
- Հոգեթերապևտների եվրոպական ընկերակցության անդամ (2000)։
- Համաշխարհային առողջապահական կազմակերպության ուսումնական բաժանմունքի անդամ (2000)։
- Հոգեկան առողջության եվրոպական կազմակերպության անդամ (2004)։
Ծանոթագրություններ[խմբագրել | խմբագրել կոդը]
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005, էջ 507։
Վիքիդարանն ունի նյութեր, որոնք վերաբերում են «Անդրեյ Խաչատուրյան (հոգեբույժ)» հոդվածին։ |
|