Աիդա Ազնավուրյան
Աիդա Ազնավուրյան | |
---|---|
Ծնվել է | հունվարի 13, 1923 (101 տարեկան) Սալոնիկ, Հունաստան |
Մասնագիտություն | երգչուհի |
Ամուսին | Ժորժ Կառվարենց |
Աիդա Միքայելի Ազնավուրյան (հունվարի 13, 1923, Սալոնիկ, Հունաստան), երգչուհի։
Շառլ Ազնավուրի քույրը, Ժորժ Կառվարենցի կինը։
Կենսագրություն[խմբագրել | խմբագրել կոդը]
Երաժշտական կրթությունն ստացել է Փարիզում (դաշնամուր), երգարվեստի դասեր է առել հորից։ Վաղ տարիքից երգել է հայկական երգեր։ 9–10 տարեկանում խաղացել է Ֆրանսիայի մանկական թատրոնում, որի հետ շրջագայել է Եվրոպայի մի շարք քաղաքներում։
1942 թվականին տեղի է ունեցել Ազավուրի առաջին համերգը Փարիզի հայության համար, որին մասնակցել են նաև հայրը և ֆրանսուհի հարսը (Շառլ Ազնավուրի կինը)։
Երգացանկում՝ հատվածներ Արմեն Տիգրանյանի «Անուշ» օպերայից, Սայաթ-Նովայի, նաև հայ, անգլիացի, ֆրանսիացի կոմպոզիտորների երգեր։
1964 թվականին Շառլ Ազնավուրի հետ համերգի ծրագրով այցելել է Հայաստան։ 1956–1961 թվականներին ապրել է Կանադայում, մասնակցել փառատոների։
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |