Jump to content

Ֆեդե Գալիցիա

Վիքիպեդիայից՝ ազատ հանրագիտարանից
Ֆեդե Գալիցիա
իտալ.՝ Fede Galizia
Ծնվել է1578[1]
ԾննդավայրՄիլան[1] և Տրենտո, Իտալիա[2]
Վախճանվել է1630[3][4][5][…]
Մահվան վայրՄիլան[1]
Ազգությունիտալացի
Քաղաքացիություն Միլանի դքսություն
Մասնագիտություննկարչուհի և արվեստագետ
ՈճՎերածնունդ[1]
Ժանրդիմապատկեր[1] և կրոնական նկարչություն[1]
Թեմաներբարոկկո
ՀայրԳալիսիայի նվիրակ[6][2]
 Fede Galizia Վիքիպահեստում

Ֆեդե Գալիցիա (իտալ.՝ Fede Galizia, 1578[1], Միլան[1] և Տրենտո, Իտալիա[2] - 1630[3][4][5][…], Միլան[1]), Վերածննդի դարաշրջանի նատյուրմորտ ժանրի իտալացի նկարիչ։

Կենսագրություն

[խմբագրել | խմբագրել կոդը]

Ֆեդե Գալիցիան առավել հայտնի է որպես Գալիցիա, ծնվել է Միլանում, ամենայն հավանականությամբ նախքան 1578 թվականը, մանրանկարիչ Նունցիո Գալիցիայի ընտանիքում[7], ով Միլան էր տեղափոխվել Տրենտոյից։ Ֆեդեն (անունը նշանակում է «հավատք») նկարել սովորել է հորից։ Տասներկու տարեկան հասակում նա բավականին կայացած նկարիչ էր, ում մասին հոր ընկեր նկարիչ, տեսաբան Ջովաննի Պաոլո Լոմացցոն ասել է.

Այս աղջնակն իրեն նվիրել է մեր ամենաօրիգինալ արվեստը ընդօրինակելուն[8]։

Երիտասարդ տարիքում Գալիցիան արդեն կայացած դիմանկարիչ էր, ով կոմերցիոն հիմքերով ստեղծում էր բազմաթիվ գործեր։ Հնարավոր է, որ մանրանկարիչ հոր ազդեցության ներքո է նա սկսել ստեղծել դիմանկարներ։ Նրան հաճախ հանձնարարում էին նկարել կրոնական և աշխարհիկ թեմաներ։ Հուդիթի և Հողոփեռնես պատմության վրա հիմնված նրա նկարները պահպանվել են մասնավոր հավաքածուներում։ Դրանցից ամենավաղ ստեղծված կտավը՝ «Հուդիթը և Հողոփեռնեսի գլուխը», նկարել է 1596 թվականին։ Նկարը ներկայումս գտնվում է Ֆլորիդա նահանգի Սարասոտայի Ջոն և Մեյբլ Ռիբլիգների արվեստի թանգարանում։ Գալիցիան մանրանկարներ ու խորանի նկարներ է ստեղծել նաև մենաստանների համար։

Գալիցիայի դիմանկարների ոճը գալիս է իտալական վերածննդի ավանդույթների նատուրալիստական ոճից՝ կտրուկ իրատեսական մոտեցմամբ։ Գալիցիայի նկարչական գեղարվեստական հմտություններն ակնհայտ երևում են նրա ստեղծած «Պաոլո Մարիջայի դիմանկարը» կտավում։ Գալիցիան պատվերներ է ստացել ստեղծելու Միլանի եկեղեցիների խորանների նկարներ։ Դրանցից է «Noli me tangere» (1616, Միլան, Սուրբ Ստեֆանո)։

Գալիցիան ստեղծել է նաև նատյուրմորտներ, և նրան հիշում են որպես այս ժանրի սկսնակ[9]։ Ժամանակակից քիչ աղբյուրներ են նրան հիշատակում որպես նատյուրմորտիստ, սակայն պահպանված նկարների մեծ մասը նատյուրմորտներ են։ Նրա ցուցակագրված 63 աշխատանքներից 44-ը նատյուրմորտներ են[9]։ 1602 թվականին ստորագրված նատյուրմորտը համարվում է իտալացի նկարչուհու վաղ աշխատանքը և ապացուցում է այս նոր ոճում նրա ներգրավվածությունը։

Գալիցիան երբեք չի ամուսնացել։ 1630 թվականի հունիսի 21-ին կազմել է իր կտակը և ենթադրվում է մահացել է Միլանում ժանտախտից[9]։

Պատկերասրահ

[խմբագրել | խմբագրել կոդը]

Դիմանկարներ

  • «Պաոլո Մարիջայի դիմանկարը»
    «Պաոլո Մարիջայի դիմանկարը»
  • «Ֆեդերիկո Ձուկարիի դիմանկարը»
    «Ֆեդերիկո Ձուկարիի դիմանկարը»
  • Բժշկի դիմանկարը
    Բժշկի դիմանկարը

Նատյուրմորտներ

Գրականություն

[խմբագրել | խմբագրել կոդը]
  • Ilya Sandra Perlingieri, Sofonisba Anguissola,' Rizzoli International, 1992 ISBN 978-0-8478-1544-9 on Questia
  • Chadwick, Whitney, Women, Art, and Society, Thames and Hudson, London, 1990 ISBN 978-0-500-20354-5
  • Harris, Anne Sutherland and Linda Nochlin, Women Artists: 1550-1950, Los Angeles County Museum of Art, Knopf, New York, 1976 ISBN 978-0-394-41169-9

Ծանոթագրություններ

[խմբագրել | խմբագրել կոդը]
  1. ↑ 1,00 1,01 1,02 1,03 1,04 1,05 1,06 1,07 1,08 1,09 1,10 https://doi.org/10.1093/gao/9781884446054.article.T030474
  2. ↑ 2,0 2,1 2,2 2,3 By her hand: Artemisia Gentileschi and women artists in Italy, 1500-1800 / O. Tostmann, E. Straussman-Pflanzer — Detroit: Detroit Institute of Arts, 2021. — P. 95. — ISBN 978-0-300-25696-9
  3. ↑ 3,0 3,1 3,2 Fede Galizia — 2008.
  4. ↑ 4,0 4,1 4,2 Athenaeum
  5. ↑ 5,0 5,1 5,2 Faceted Application of Subject Terminology
  6. ↑ Massimi M. E. Dizionario Biografico degli Italiani (իտալ.) — 1998. — Vol. 51.
  7. ↑ Fortunati, Vera; Pomeroy, Jordana; Strinati, Claudio (2007). Italian Women Artists: from Renaissance to Baroque. Milan: Skira. էջ 173. ISBN 978-88-7624-919-8.
  8. ↑ Gian Paolo Lomazzo, Idea del tempio della pittura, Milan 1590, p. 163, "dandosi all'imitation de i più eccellenti dell'arte nostra."
  9. ↑ 9,0 9,1 9,2 Segal 1998.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Ֆեդե Գալիցիա» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Ֆեդե_Գալիցիա&oldid=10140794» էջից