Փոթորկոտ ալիքներ
Փոթորկոտ ալիքներ | |
---|---|
տեսակ | ճապոնական շիրմա և գեղանկար |
նկարիչ | Օգատա Կորին |
տարի | 18-րդ դար |
բարձրություն | 146,5 սանտիմետր |
լայնություն | 165,4 սանտիմետր |
ստեղծման երկիր | Ճապոնիա[1] |
ժանր | փեղկավոր պատկեր |
նյութ | inkstick?, distemper?, նրբաթերթ ոսկի և washi? |
գտնվում է | Մետրոպոլիտեն թանգարան[1] |
հավաքածու | Մետրոպոլիտեն թանգարան[1][2] |
պատկերված են
| |
Ծանոթագրություններ | |
Rough Waves by Ogata Kōrin Վիքիպահեստում |
Փոթորկոտ ալիքներ (ճապ.՝ 波濤 図 屏風), ճապոնացի նկարիչ Օգատա Կորինի նկարը ճապոնական երկու շիրմաների վրա։ Ծովի փոթորկոտ ալիքներ պատկերող աշխատանքը ստեղծվել է մոտ. 1704-1709 թթ.: 1926 թվականից այն ներառված է Նյու Յորքի Մետրոպոլիտեն արվեստի թանգարանի հավաքածուում Ֆլեթչերի հիմնադրամի ֆինանսական աջակցությամբ ձեռքբերումից ի վեր[3]։
Նախապատմություն
[խմբագրել | խմբագրել կոդը]Ճապոնական արվեստի պատմության ընթացքում շատ արվեստագետներ են ձգտել իրենց աշխատանքներում ներկայացնել ծովային ալիքների փոթորկուն շարժը։ Թեման ներկայացվել է ոչ միայն էմակիմոնոյի և մետաքսի վրա, այլև հովհարների, byōbu-ի և դեկորացիաների վրա[4]։
Նկարագրություն
[խմբագրել | խմբագրել կոդը]Օգատա Կորինի Փոթորկոտ ալիքներ կտավը ճապոնական գեղանկարչության մեջ ծովի անմատչելի տարրերի ամենակարևոր պատկերներից է նախքան Կացուշիքա Հոքուսայի Մեծ ալիք Քանագավայում կտավի ստեղծումը[3][4]։ Կտավի ստեղծման համար Օգատան կիրառել է հին չինական տեխնիկա՝ մեկ ձեռքով բռնելով երկու վրձին[3]։
Նկարը ստեղծելիս Օգատան օգտագործել է չինական թանաք, ներկ և ոսկեփայլ թուղթ։ Նա ալիքների սպառնացող և վտանգալից բնույթը փոխանցել է երկարավուն և հակադրությունով կոնտուրված մատի կամ վիշապի ճիրանների նմանությամբ ցցուն ալիքների և ծովի փրփուրի միջոցով[3]։ Աշխատանքի արտահայտչությունը Օգատայի համար արտասովոր է եղել, իսկ արտահայտման հիմնական միջոցները թանաքով ստեղծված գծերն են[5]։
Փոթորկոտ ալիքներ կտավի վրա դրոշմված է «Dōsū» դրոշմը, կեղծանուն, որ Օգատան օգտագործել է 1704 թվականից։ Վերջին ուսումնասիրությունները ցույց են տալիս, որ Օգատան կտավը ստեղծել է 1704-1798 թվականներին, իր կարիերայի անցումային շրջանում, երբ ապրում էր Էդո քաղաքում (այժմ՝ Տոկիո)[3][5]։ Նկարիչի այս ժամանակահատվածի ստեղծագործությունները բնութագրվում են Կանո դպրոցի ներկայացուցիչների ստեղծագործական մեծ ազդեցությամբ[5]։
Փոթորկոտ ալիքների համար ներշնչանքի ուղղակի աղբյուրը կարող էր լինել արվեստագետ Սեսոն Սյուկեյի ստեղծագործությունը (մոտ. 1504-1589 թթ.), որի դեռևս պահպանված նկարները ներառում են ծովային ալիքների մի շարք դինամիկ և խորհրդավոր պատկերներ, այդ թվում՝ «Էգրետը, լուսինը և ալիքը» և «Քամին և ալիքները» կտավները[3][4]։ «Փոթորկոտ ալիքներ» նաև արտացոլում են Տավարայա Սոտացուի ազդեցությունը, ով ստեղծում էր մռայլ լանդշաֆտներ, սակայն կտավը Օգատայի կողմից ծովային վախեցնող և բռնի ուժի անկախ մեկնաբանություն է[6]։
Ազդեցություն
[խմբագրել | խմբագրել կոդը]«Փոթորկոտ ալիքները» տպավորել է Օգատայի հետևորդ Սակաի Հոիցուին, ով 1805 թվականին ստեղծել է Ալիքներ կտավը, որտեղ փորձել է փոխանցել վախեցնող մթնոլորտն ու վտանգի նախազգուշացումը։ Որոշ ժամանակ անց Հոիցուի ընտանիքը Օգատայից գնել է կտավը և Օգատայի նկարների հավաքածուն հասանելի է դարձել Հոիցուին մանրամասն ուսումնասիրելու համար։ Թանաքով արծաթապատված թղթի վրա ստեղծված «Ալիքներ» կտավի պատկերները ավելի վերացական են, քան Օգատայի աշխատանքում, բայց պահում էին իրենց դիվային բնույթը[6]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 Մետրոպոլիտեն թանգարան — 1870.
- ↑ http://www.metmuseum.org/art/collection/search#!/search?showOnly=highlights
- ↑ 3,0 3,1 3,2 3,3 3,4 3,5 «波濤図屏風 Rough Waves». The Metropolitan Museum of Art. Վերցված է 2018 թ․ նոյեմբերի 7-ին.
- ↑ 4,0 4,1 4,2 «Japanese Wave Paintings». FeltMagnet. Վերցված է 2018 թ․ նոյեմբերի 7-ին.
- ↑ 5,0 5,1 5,2 «Огата Корин» [Ogata Kōrin]. Энциклопедия «Всемирная история» / The World History Encyclopedia (ռուսերեն). Արխիվացված է օրիգինալից 2018 թ․ մարտի 31-ին. Վերցված է 2018 թ․ նոյեմբերի 7-ին.
- ↑ 6,0 6,1 Cotter, Holland (2012 թ․ սեպտեմբերի 27). «Boldest Color for Total Effect. Rimpa Painters at Japan Society and the Met». New York Times. Վերցված է 2018 թ․ նոյեմբերի 7-ին.
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Փոթորկոտ ալիքներ կատեգորիայում։ |