Jump to content

Տոստաո

Վիքիպեդիայից՝ ազատ հանրագիտարանից
Տոստաո
Անձնական տվյալներ
Քաղաքացիությունը  Բրազիլիա
Ծննդյան ամսաթիվ հունվարի 25, 1947(1947-01-25)[1] (77 տարեկան)
Ծննդավայր Բելու Օրիզոնտի, Բրազիլիա[2]
Հասակ 170 սանտիմետր
Քաշ 69 կիլոգրամ[3]
Դիրք հարձակվող
Պատանեկան կարիերա
1961 Բրազիլիա Կրուզեյրո
Մասնագիտական կարիերա*
Տարի Ակումբ Խաղ (Գոլ)
1962—1963 Բրազիլիա Ամերիկա Մինեյրո 26 (16)
1963—1972 Բրազիլիա Կրուզեյրո 378 (249)
1972—1973 Բրազիլիա Վասկո դա Գամա 40 (6)
Ազգային հավաքական
1966—1972 Բրազիլիա Բրազիլիա 65 (35)
* Մասնագիտական կարիերայում ընդգրկված են միայն առաջնության խաղերը և գոլերը:

Էդուարդո Գոնսալվես դե Անդրադե (բրազ.-պորտ.՝ Eduardo Gonçalves de Andrade, հունվարի 25, 1947(1947-01-25)[1], Բելու Օրիզոնտի, Բրազիլիա[2], առավել հայտնի է որպես Տոստաո[4] (պորտ.՝ Tostão), բրազիլացի ֆուտբոլիստ, հարձակվող[5][6]։ Հանդես է եկել «Ամերիկա Մինեյրո», «Կրուզեյրո» և «Վասկո դա Գամա» ակումբներում։ Բրազիլիայի հավաքականի կազմում անցկացրել է 65 հանդիպում և խփել 35 գոլ։

1970 թվականի աշխարհի չեմպիոն։ 1971 թվականի Հարավային Ամերիկայի լավագույն ֆուտբոլիստ, «Կրուզեյրո» ակումբի պատմության լավագույն ռմբարկու[7] ՊՍՀՖՖ-ի վարկածով 20-րդ դարի Հարավային Ամերիկայի լավագույն խաղացողների շարքում զբաղեցնում է 14-րդ տեղը։ World Soccer ամսագրի վարկածով 20-րդ դարի լավագույն ֆուտբոլիստների շարքում զբաղեցնում է 55-րդ տեղը, Placar ամսագրի վարկածով Տոստաոն 48-րդ տեղում է։ Ընդգրկվել է նաև 20-րդ դարի լավագույն խաղացողների ցանկում՝ ըստ Voetbal International-ի[8]։

Կենսագրություն

[խմբագրել | խմբագրել կոդը]

Տոստաոն սկսել է խաղալ «Ամերիկա Մինեյրո» ակումբում, որտեղ հայտնվել է թիմի մարզիչ Օռլանդո Անդրադեի շնորհիվ։ Նա ժամանակին խաղացել է հոր՝ Էդուարդոյի հետ «Իտաի Վիլելա» ակումբում։ Հետագայում Տոստաոն հիշել է. «Ես նրան շատ բան եմ պարտական։ Եթե նա չլիներ, ես ֆուտբոլիստ չէի դառնա։ Ես փոքր էի հասակով և ուժերս բավարար չէին։ Բայց նա միշտ ասում էր, որ մարզիկ-ֆուտբոլիստների և ուժայինների դարն ավարտվում է, ուժին փոխարինելու է գալիս խելքը՝ բազմապատկված խորամանկությամբ և ճարպկությամբ»։

15 տարեկանում Տոստաոն սկսել է հանդես գալ թիմի հիմնական կազմում։ Նույն թվականին նա ընդգրկվել է նահանգի պատանեկան հավաքականում։ Նրա կազմում 1963 թվականին Տոստաոն հաղթել է Բրազիլիայի առաջին հավաքականին՝ խփելով իր թիմի երկու գոլերը։ Այս հաջողությունից հետո Տոստաոն դարձել է բրազիլական ֆուտբոլի գլխավոր ծագող աստղերից մեկը[9]։

Աչքի վնասվածք

[խմբագրել | խմբագրել կոդը]

1968 թվականին Բրազիլիայի գավաթի՝ «Կորինտիանսի» հետ խաղում Տոստաոն ձախ աչքի վնասվածք է ստացել։ Գնդակը հետ մղելիս հակառակորդ թիմի խաղացող Դիտաոն խփել է Էդուարդոյի ձախ աչքին։ Նրա մոտ ցանցաթաղանթի շերտազատում է տեղի ունեցել։

Ֆուտբոլիստը վիրահատվել է Հյուսթոնում։ Նա կրկին սկսել է ֆուտբոլ խաղալ, սակայն մեկ տարի անց նա կրկին վատացել է։ Ստիպված է եղել իրականացնել կրկնակի վիրահատություն. դրանից հետո Տոստաոն շատ հազվադեպ էր խաղում գլխով՝ վախենալով ցանցաթաղանթի վնասվածքի կրկնվելուց[7]։

ԱԱ-1970-ի ընտրական խաղերում Տոստաոն թիմի հիմնական ռմբարկուներից էր։ Բացի այդ, նա մեծ թվով գոլային փոխանցումներ է կատարել[10]։ Խաղի բարձր մակարդակ նա ցուցադրել է նաև 1970 թվականին Մեքսիկայում կայացած աշխարհի հաղթական առաջնությունում, որտեղ քառորդ եզրափակչում երկու գոլով է աչքի ընկել Պերուի դեմ խաղում (4:2)։ 26 տարեկանում, արդեն դառնալով աշխարհի չեմպիոն, Տոստաոն ավարտել է ֆուտբոլիստի կարիերան աչքի խնդիրների պատճառով։

Ստացել է բարձրագույն բժշկական կրթություն։ Հետագայում Տոստաոն դարձել է բրազիլացի առաջատար լրագրողներից և մեկնաբաններից մեկը։

Ձեռքբերումներ

[խմբագրել | խմբագրել կոդը]

Թիմային

[խմբագրել | խմբագրել կոդը]
  • Մինաիս Ժերայս նահանգի չեմպիոն – 1965, 1966, 1967, 1968, 1969
  • Բրազիլիայի գավաթակիր – 1966
  • Ռիո Բրանկոյի գավաթակիր – 1967, 1968
  • Աշխարհի չեմպիոն – 1970

Անձնական

[խմբագրել | խմբագրել կոդը]
  • Հարավային Ամերիկայի տարվա ֆուտբոլիստ – 1971
  • Մինաիս Ժերայս նահանգի առաջնության լավագույն ռմբարկու – 1965, 1966, 1967, 1968, 1970
  • Ռոբերտան գավաթի լավագույն ռմբարկու (հավասարեցված Բրազիլիայի առաջնությանը) – 1970

Ելույթների վիճակագրություն

[խմբագրել | խմբագրել կոդը]
Ակումբային կարիերա
Ակումբ Մրցաշար Լիգա[11] ՄՆՄ[12] ԼԳ Այլ[13] Ընդհանուր
Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր
Կրուզեյրո 1963 ? 6 0 0 0 0 0 0 ? 6
1964 ? 13 0 0 0 0 0 0 ? 13
1965 ? 16 0 0 0 0 0 0 ? 16
1966 ? 18 8 4 0 0 0 0 ? 22
1967 ? 20 5+ 6 10 5 2 1 ? 32
1968 ? 20 6+ 8 0 0 0 0 ? 28
1969 ? 16 3+ 4 0 0 0 0 ? 20
1970 ? 9 11+ 12 0 0 0 0 ? 21
1971 22 9 0 0 0 0 0 0 22 9
1972 ? 3 0 0 0 0 0 0 ? 3
Ընդհանուր ? 130 33+ 34 10 5 2 1 ? 170
Վասկո դա Գամա 1972 40 6 0 0 0 0 0 0 40 6
1973 0 0 0 0 0 0 4 1 4 1
Ընդհանուր 40 6 0 0 0 0 4 1 44 7
Ընդհանուր կարիերայում ? 136 33+ 34 10 5 6 2 ? 177

Աղբյուր

  • Márcio Sabino. «Tostão». Artilheiros (պորտուգալերեն). Վերցված է 2018 թ․ օգոստոսի 15-ին.

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 2,2 Deutsche Nationalbibliothek Record #1024992594 // Gemeinsame Normdatei (գերմ.) — 2012—2016.
  3. ↑ http://www.rsssf.com/miscellaneous/wcwinners.html
  4. ↑ Ճիշտ տառադարձումը՝ Տոստան։
  5. ↑ 1 Brazil in Mexico 1970 Արխիվացված 2006-01-01 Wayback Machine (Ստուգված է 3 փետրվարի 2011)
  6. ↑ Վիճակագրությունը National Football Teams կայքում(անգլ.) (Ստուգված է 3 փետրվարի 2011)
  7. ↑ 7,0 7,1 «Если б глаз второй был у Тостао, вдвое больше б он забил голов». Արխիվացված է օրիգինալից 2009 թ․ մայիսի 22-ին. Վերցված է 2010 թ․ նոյեմբերի 13-ին.
  8. ↑ «The Best x Players of the Century/All-Time». Արխիվացված օրիգինալից 2015 թ․ դեկտեմբերի 31-ին. Վերցված է 2010 թ․ նոյեմբերի 13-ին.
  9. ↑ «Тостао — вольный стрелок». Արխիվացված օրիգինալից 2007 թ․ մայիսի 21-ին. Վերցված է 2010 թ․ նոյեմբերի 13-ին.
  10. ↑ Пеле. Моя жизнь и прекрасная игра. — М.: Планета, 1989.
  11. ↑ Ներառյալ Բրազիլիայի նահանգների առաջնությունները (Մինեյրո լիգա, Կարիեկո լիգա)։
  12. ↑ Բրազիլիայի գավաթ, Ռոբերտո Գոմես Պեդրոզայի գավաթ։
  13. ↑ 1967 թվականի Չեմպիոնների մրցաշար, Ռիո դե Ժանեյրոյի 1973 թվականի առաջնություն։
Վիքիպահեստն ունի նյութեր, որոնք վերաբերում են «Տոստաո» հոդվածին։
 ⛭ 
  Թեմատիկ կայքեր
Չափորոշչային վերահսկողություն
GND: 1024992594 · ISNI: 000000004586548X · LCCN: no2001074752 · VIAF: 24255006 · WorldCat VIAF: 24255006
Ստացված է «https://hy.wikipedia.org/w/index.php?title=Տոստաո&oldid=9841984» էջից