Վահե Սամուելյան

Վահե Սամուելյան
Ծնվել է	հունվարի 25, 1935(1935-01-25) (89 տարեկան)
Ծննդավայր	Հալեպ, Սիրիա
Քաղաքացիություն	Սիրիա
Մասնագիտություն	դերասան և ռեժիսոր

Վահե Հմայակի Սամուելյան (հունվարի 25, 1935(1935-01-25), Հալեպ, Սիրիա), հայ դերասան, ռեժիսոր։

Կենսագրություն

Վահե Սամուելյանը ծնվել է 1935 թվականին Հալեպում։ Սովորել է Մեսրոպյան դպրոցում։ Առաջին անգամ բեմ է բարձրացել 1947 թվականին դպրոցական թատրոնում, կատարելով Հիսուսի դերը (աչքերը կապույտ լինելու համար), իսկ մեծ հորեղբոր կազմակերպած «Պատվի համար»-ում խաղացել է Վարդանի դերը։

1956 թվականից աշխատել է Հայ երիտասարդաց ընկերակցության թատերախմբում (ՀԵԸ), «Գերմանիկ Վասպարական» թատերախմբում բեմադրել է «Անին ծախվեցավ» պիեսը, կազմակերպել է Հայ երիտասարդաց ընկերակցության ուսանողական թատրոնը, որտեղ բեմադրել է Հակոբ Պարոնյանի «Շողոքորթը», Ալեքսանդր Սարուխանի «Մենք հայերեն չենք գիտեր» պիեսները։

Սամուելյանի թատերական գործունեությունը հիմնականում ընթացել է Հայ երիտասարդաց ընկերակցության թատերախմբում, որը 1961 թվականից կրում է Պետրոս Ադամյանի անունը։ Երկար տարիներ եղել է թատերախմբի ատենապետը։

Դերեր

Խաղացել է և մեծ հաջողություն է գտել առանձնապես կատակերգական և բնութագրական դերերում՝

• Գիքո («Պեպո»),
• Կիսլար («Պաղտասար աղբար»),
• Բոլդին («Օշին Պայլ»),
• Ագնոստրոս («Եզովպոս»),
• Ֆերեկիս («Պահանջվում է ստախոս»),
• Պլանչլի («Շոկոլադե զինվորը»),
• Վալերիոս («Ագահը»,
• Չուբուկով («Առաջարկություն»),
• Տոպազ (համանուն պիեսում),
• պրոֆեսոր («Գնա մեռի, արի սիրեմ»),
• Ռուֆ Էլպի («Իմ սիրտը լեռներում է») և այլն։

Ռեժիսորական աշխատանքներ

Բեմադրել է «Պաղտասար աղբար». «Շողոքորթը», «Քաղաքավարության վնասները», «Մենք հայերեն չենք գիտեր» ը և այլ պիեսներ, հոդվածներով հանդես է եկել մամուլում, երկարամյա բեղմնավոր գործունեաթյան համար պարգևատրվել է «Պետրոս Ադամյան» թատերախմբի արծաթե և ոսկե հուշամեդալներով։