Նրա մարմնի ընդհանուր երկարությունը կազմում է 1,4 մետր։ Կա սեռական դիմորֆիզմ — որձերը զգալիորեն ավելի ուժեղ և խոշոր են, քան էգերը։ Մաշկի գույնը լինում է սև, սպիտակ կամ բաց դեղնավուն։ Ուեն երկար մարմին, լավ զարգացած վերջույթներ։ Ունեն բավականին երկար պոչ։
Այս իգուանաները սիրում են քարքարոտ վայրեր։ Շարժվում են բավականին արագ։ Սնվում են ծաղիկներով, տերևներով, բույսերի պտուղներով, փոքր կենդանիներով և ձվերով։
Զուգավորումը տեղի է ունենում գարնանը։ Բեղմնավորումից հետո էգը ձվադրում է։ Ձվերի քանակը մոտ 24 ձու։ Մողեսները ձվից դուրս են գալիս 90 օրվա ընթացքում։
Այս կենդանատեսակները տարածված են արևմտյան կիսագնդում և համարվում են Մեքսիկայի էնդեմիկ կենդանատեսակներից մեկը։
↑Վլադիմիր Ֆլինտ, Հնգալեզու բառարան կենդանիների մասին. անգլերեն, ռուսերեն, լատիներեն, գերմաներեն, ֆրանսերեն (խմբ. հրատարակություն =), 1994, էջ 212, ISBN 5-200-00643-0.։
