Ստեփանակերտի Հանրապետական մարզադաշտ

Ստեփանակերտի Հանրապետական մարզադաշտ
Տեսակ	մարզադաշտ
Մարզաձև	ֆուտբոլ
Տեղագրություն	Ստեփանակերտ
Երկիր	Արցախ
Հիմնադրված	1956
Բացված	1956
Սեփականատեր	Ադրբեջանի ֆուտբոլային ֆեդերացիայի ասոցացիա
Տարողություն	12 000
Տնային թիմ	Ղարաբաղ ՖԱ և FC Qarabagh Khankendi?
	Stepanakert Republican Stadium Վիքիպահեստում

Ստեփանակերտի Հանրապետական մարզադաշտ, բազմանպատակ մարզահամերգային մարզադաշտ Արցախի Հանրապետությունում։ «Լեռնային Արցախ» ֆուտբոլային ակումբի և Արցախի ֆուտբոլի ազգային հավաքականի տնային մարզադաշտն է։ Մարզադաշտը կառուցվել է 1955-1956 թվականներին։ Վերանորոգումից հետո մարզադաշտը տեղավորում է 1500 մարդ^[2]։

Պատմություն[խմբագրել | խմբագրել կոդը]

1956 թվականին կառուցված մարզադաշտն սկզբում կրել է Իոսիֆ Ստալինի անունը։ Այնուհետև անձի պաշտամունքի վերացումից հետո մարզադաշտը կոչվել Ստեփան Շահումյանի անունով։ Մարզադաշտն ամբողջությամբ վերանորոգվել է 2004-2005 թվականներին և վերանվանվել Ստեփանակերտի Հանրապետական մարզադաշտ։ 2015 թվականին կատարված վերջին վերանորոգումից հետո մարզադաշտի բնական խոտածածկը փոխարինվել է արհեստական տորֆով^[3]։

Անցկացվող հանդիպումներ[խմբագրել | խմբագրել կոդը]

1990-ական թվականների կեսերից Արցախի ֆուտբոլային ակումբներն սկսել են մասնակցել ներհայաստանյան ֆուտբոլային մրցույթներին։ Արցախի ֆուտբոլի լիգան հիմնվել է 2009 թվականին։ Արցախի ֆուտբոլի ազգային հավաքականը ձևավորվել է 2012 թվականին և առաջին հանդիպումն անց է կացրել Աբխազիայի ֆուտբոլի ազգային հավաքականի դեմ, Սուխումում. խաղն ավարտվել է ոչ-ոքի՝ 1-1 հաշվով^[4]^[5]։ Պատասխան խաղն անց է կացվել Ստեփան Շահումյանի անվան Հանրապետական մարզադաշտում, 2012 թվականի հոկտեմբերի 21-ին. խաղն ավարտվել է 3-0 հաշվով՝ Արցախի հավաքականի հաղթանակով։ Իր գոյության առաջին իսկ օրերից մարզադաշտը դարձել է տեղի «Լեռային Արցախ» ֆուտբոլային ակումբի տնային մարզադաշտը։

2015 թվականին մարզադաշտում անցկացվել են 6-րդ Համահայկական խաղերի ֆուտբոլային խաղերը^[6]։