Սպիտակ գինի

Սպիտակ գինով գավաթ

Սպիտակ խաղող

Torrontés գինու համտեսում Արգենտինայի Կաֆայատ քաղաքում

Սպիտակ գինի ինչպես սպիտակ, այնպես էլ խաղողի կարմիր կամ վարդագույն տեսակներից պատրաստված գինի է, որը ստացվում է անկեղև խաղողի խմորման արդյունքում։ Հենց կեղևի բացակայությամբ է պայմանավորված է գինու բաց գույնը․ խաղողի տեսակների մեծ մասի մոտ պտղահյութը գրեթե անգույն է։

Սպիտակ խաղողի տեսակներ

• Շարդոնե (Chardonnay)
• Ռիսլինգ (Riesling)
• Ալիգոտե (Aligote)
• Սովինյոն Բլան (Sauvignon Blanc)
• Սեմյոն (Semillon)
• Տոկայ (գինի)
• Մյուսկադե (Muscadet, Melon de Bourgogne)
• Փթի Մանսեն և Գղո Մանսեն (Petit Manseng, Gros Manseng)
• Խենեն Բլան (Chenin Blanc)
• Գեվյուրցտրամիներ (Gewürztraminer)
• Մուսկատ (գինի) (Muscat)
• Մյուլեր-Տուրգաու (Müller-Thurgau, Riesling-Silvaner, Rivaner)
• Վիոնյե (Viognier)
• Մյուսկադել (Muscadelle)
• Պինո-գրի (Pinot Gris, Pinot Gridgio, Tokay Pinot Gris)
• Պինո Բլան (Pinot Blanc, Pino Blanco, Weifiburgunder)
• Սիլվաներ (Silvaner, Sylvaner)
• Մարսան (խաղող) (Marsanne, Ermitage)
• Ռուսան (Roussanne)
• Սավանիեն (Savagnin)
• ԳրյուներՖելտլիներ (Grüner Veltliner)
• Վերնաչա (Vernaccia)
• Գրեկո (խաղող) (Greco)
• Մակաբեո (Macabeo, Viura)
• Ալբարինո (Albarino, Alvarinho)
• Վերդելո (Verdelho,Verdejo)
• Ֆուրմինտ (Furmint)
• Մալվազիա (Malvasia, Malmsey)
• Տրեբյանո (Trebbiano, Ugni Blanc)
• Գարգանեգա (Garganega)
• Կորտեզե (գինի) (Cortese)

Արտադրություն

Խաղողի շատ տեսակների մոտ գունանյութ (անտոցիան) պարունակում է միայն կեղևի մեջ, դրա համար էլ սպիտակ գինի հնարավոր է պատրաստել ցանկացած գույնի խաղողից (սպիտակ, վարդագույն , կարմիր)։ Պարտադիր պայման է հանդիսանում այն, որ խաղողի հյութը չպետք է շփվի կեղևի հետ։ Բացառություն են «ներկիչ» տեսակները, անվանվում են նաև «Տենտյուրիե» (ֆր.՝ teinturier), որոնց հյութն ի սկզբանե գունավոր է։ Այս տեսակին են պատկանում Սապերավին, Ալիկանտ Բուշեն և այլն։

Որպեսզի հյութն ու կեղևը քիչ շփվեն իրար հետ, գինու գործարաններում հնարավորինս արագ ճզմվում են, երբեմն նույնիսկ հատիկները չեն առանձնացվում, ճզմվում են ամբողջական ողկույզներով։

Թարմ ճզմած խաղողը խաղողի մասնիկներից և մանր աղբից (ողկույզի և կորիզների կտորներ) մաքրելու համար կիրառվում է երկու տեխնոլոգիա՝ կա՛մ ցենտրիֆուգավորում են, կա՛մ բնական ճանապարհով թողնում են մինչև նաստվածքն առանձնանա։

Սպիտակ գինի պատրաստելիս խմորման դեպքում անհրաժեշտ է ավելի մանրամասն վերահսկել ջերմաստիճանը, քան կարմիր գինու արտադրության ժամանակ և անհրաժեշտ է լինում պարբերաբար սառեցնել խաղողահյութը։ Սպիտակ գինու խմորման հաջողության համար պետք է ապահովել 20 աստիճան ցելսիուս ջերմաստիճան։

Տարիքի հետ սպիտակ գինին ավելի մուգ երանգ է ձեռք բերում, իսկ կարմիր գինին, ընդհակառակը, դառնում է ավելի բաց և նստվածք է տալիս։

Արտաքին հղումներ

• Varieties of white wines — (անգլ.) (ֆր.)