Լայպցիգ

Քաղաք
Լայպցիգ
Leipzig
Դրոշ Զինանշան
Երկիր	Գերմանիա
Հող	ՍաքսոնիաՍաքսոնիա
Մակերես	297.60 կմ²
ԲԾՄ	113 մ
Բնակչություն	514,492 մարդ (2008)
Ժամային գոտի	UTC+1 և UTC+2
Հեռախոսային կոդ	+49 341
Փոստային դասիչ	04003-04357
Ավտոմոբիլային կոդ	L
Պաշտոնական կայք	leipzig.de
Լայպցիգ (Գերմանիա) Լայպցիգ (Ազատ պետություն Սաքսոնիա)
Լայպցիգ Վիքիպահեստում

Սուրբ Թովմաս եկեղեցի

Լայպցիգ (գերմ.՝ Leipzig) Գերմանական Սակսոնիա մարզի մեծագույն քաղաքն է։

Լայպցիգի մասին առաջին գրավոր արձանագրությանը հանդիպում ենք 1015 թվականին, գերմանացի պատմիչ Տիտմար Մարզենբուրգի (գերմ. Thietmar von Merseburg) գրություններում։ 1165 թվականին Մայսենի մարզպետ Օտտոն II Հարուստը (գերմ.՝ Otto der Reiche) շնորհում է քաղաքի կարգավիճակ։

Գտնվելով Թագավորական (գերմ.՝ Via Regia) և Կայսրական (գերմ.՝ Via Imperii) ճանապարհների խաչմերուկում, քաղաքը աստիճանաբար դառնում է առևտրական խոշոր կենտրոն։ Լայպցիգում կազմակերպվող առևտրային տոնավաճառները կարևոր նշանակություն ունեիր Արևելյան Եվրոպայի հետ տնտեսական հարաբերություններում։ 1409 թվականին հիմնվում է համալսարանը, ինչը նպաստում է քաղաքում արդարադատության, տպագրության զարգացմանը։

Քաղաքի տեսարժան վայրերից է Սուրբ Թովմաս եկեղեցին (գերմ. Thomaskirche, XIV դար), որը հայտնի է 1212 թվականին հիմնված տղաների երգչախմբով (գերմ. Thomanerchor)։ 1723 - 1750 թվականներին երգչախումբը գլխավորել է կոմպոզիտոր Յոհան Սեբաստիան Բախը։ Եկեղեցու բակում կանգնեցվել է Բախի արձանը, իսկ եկեղեցու հարևանությամբ՝ Բախի թանգարանն է։