Սամի Վյանսկյա

Սամի Վյանսկյա
Ծնվել է	սեպտեմբերի 26, 1976(1976-09-26) (48 տարեկան)
Ծննդավայր	Ֆինլանդիա
Քաղաքացիություն	Ֆինլանդիա
Մասնագիտություն	երաժիշտ և կիթառահար
Անդամություն	Նայթվիշ, Nattvindens Gråt? և Wizzard?
Sami Vänskä Վիքիպահեստում

Սամի Վյանսկա (Ֆիներեն Sami Vānskā, սեպտեմբերի 26, 1976(1976-09-26), Ֆինլանդիա), Ֆինն բաս կիթառահար, առավել հայտնի որպես Նայթվիշ սիմֆո-մետալ խմբի նախկին անդամ։

Սամին ինքնուրույն է սովորել նվագել բաս կիթառ։ Նա նվագել է մի քանի խմբերում, որոնք հիմնականում կատարում էին մետալ։ Մինչև Նայթվիշի կազմի մեջ ընդգրկվելը, նա, ինչպես և Տուոմաս Հոլոպայնենը, նվագել է Nattvindens Grat խմբում։ Սամին միացավ Նայթվիշին վերջինիս երկրորդ ալբոմի՝ "Oceanborn"-ի ձայնագրումից առաջ։ "Over the Hills and Far Away"-ի թողարկումից քիչ անց Տուոմասը խնդրեց խմբի մենեջերին՝ Էվո Րյուտկյոնենին, ասել Վյանսկյաին, որ վերջինս ավելի լավ կլինի լքի խումբը՝ ստեղծագործական տարաձայնությունների պատճառով։ Նրան շուտով փոխարինեց Մարկո Հիետալան՝ Sinergy խմբի նախկին բաս-կիթառահարը։

Նայթվիշը լքելուց հետո Վյանսկյա նվագում էր Root Remedy ջազ խմբի կազմում։ Մի քանի տարի անց Տուոմասը և Սամին նորից ընկերացան, սակայն վերջինս այդպես էլ չվերադարձավ Նայթվիշ։ 2008 թվականին Վյանսկյան լքեց Root Remedy-ին։

Գործիքներ

• Բաս կիթառ Warwick Corvette
• Բաս կիթառ Spector Euro4LX (սպիտակ գույն)

Ծանոթագրություններ

Վիքիպահեստն ունի նյութեր, որոնք վերաբերում են «Սամի Վյանսկյա» հոդվածին։