Ռուդոլֆինում

Ռուդոլֆինում, շինություն Պրահայում (Չեխիա)։ Կառուցված է նոր վերածննդյան ոճով և գտնվում է Վլտավա գետի ափին, Յան Պալախի հրապարակում։ 1885 թվականից, բացումից ի վեր այն կապված է արվեստի ու երաժշտության հետ։ Այժմ շենքում տեղակայված են Չեխիայի ֆիլհարմոնիկ նվագախումբն ու Ռուդոլֆինում պատկերասրահը։ Դրա ամենամեծ Դվորժակ դահլիճը Պրահայի գարուն միջազգային երաժշտական փառատոնի անցկացման վայրերից է և հայտնի է իր գերազանց ակուստիկայով։

Ընդհանուր տեղեկություններ[խմբագրել | խմբագրել կոդը]

Ռուդոլֆինումը մշտական գործունեության վայր է Չեխիայի ֆիլհարմոնիկ նվագախմբի համար 1946 թվականից։ Այն յուրաքանչյուր տարի հունիսին հյուրընկալում է Չեխիայի գարուն միջազգային երաժշտական փառատոնը^[1]։ Շենքը նախագծվել է ճարտարապետ Ժոզեֆ Զիթեքի և նրա աշակերտ Ժոզեֆ Շուլցի կողմից և բացվել է 1885 թվականի փետրվարի 8-ին։ Այն կոչվել է Ավստրիայի արքա Ռուդոլֆի անունով, ով ղեկավարում էր շենքի բացման ժամանակաշրջանում։ 1919-1939 թվականներին շենքը ծառայել է որպես Չեխոսլովակիայի խորհրդարանի նստավայր։ Ռուդոլֆինումի Դվորժակ սրահը Եվրոպայի ամենահին համերգային սրահներից մեկն է և հայտնի է իր գերազանց ակուստիկյի համար։ 1896 թվականի հունվարի 8-ին Անտոնին Դվորժակն անձամբ է ղեկավարել Չեխիայի ֆիլհարմոնիկ նվագախմբի համերգը, որն առաջինն էր սրահում^[2]։ Շենքում է գտնվում նաև Ռուդոլֆինում պատկերասրահը, որը մասնագիտացած է հիմնականում ժամանակակից արվեստի ուղղությամբ։ Անցկացված հիմնական ցուցահանդեսներն են. Լուսանկարիչ, նկարիչ, առեղծված (Ֆրանտիսեկ Դրտիկոլ, 1998), Ռետրոսպեկտիվ (Սինդի Շերման, 1998), 1840-1950 թվականների չեխական լուսանկարչություն (Աննելիս Շտրբա, 2005), Քնած հրեշտակները (Գոթֆրիդ Հելնյուն, 2008)։