Ռիտա Լոբատու
| Ռիտա Լոբատու | |
|---|---|
 | |
| Ծնվել է | հունիսի 7, 1866 |
| Ծննդավայր | Rio Grande, Ռիու Գրանդի դու Սուլ, Բրազիլիա |
| Մահացել է | հունվարի 6, 1954 (87 տարեկան) |
| Մահվան վայր | Rio Pardo, Ռիու Գրանդի դու Սուլ, Բրազիլիա |
| Քաղաքացիություն | .svg){kind=small} Բրազիլիա |
| Կրթություն | բժշկական ուսումնական հաստատություն |
| Մասնագիտություն | գրող և բժիշկ |
 Rita Lobato Վիքիպահեստում | |
Ռիտա Լոբատու Վելյո Լոպես դե Ֆրեյտաս (պորտ.՝ Rita Lobato, հունիսի 7, 1866, Rio Grande, Ռիու Գրանդի դու Սուլ, Բրազիլիա - հունվարի 6, 1954, Rio Pardo, Ռիու Գրանդի դու Սուլ, Բրազիլիա), բրազիլացի բժշկուհի, քաղաքական գործիչ և ֆեմինիստուհի։
Բրազիլիայում բարձրագույն կրթություն ստացած (1887)[1] և Բրազիլիայում բժշկության ոլորտում գիտական աստիճան ստացած առաջին կինն է։
Կենսագրություն[խմբագրել | խմբագրել կոդը]
1827 թվականին բրազիլացի կանանց թույլ են տվել դպրոց հաճախել։ Սակայն թույլտվությունը ներառել է միայն տարրական կրթությունը։ Ավելի ուշ` 1879 թվականին, կայսերական հրամանագրով իգական սեռը ևս ստացել է բարձրագույն կրթության թույլտվություն։ Ռիտան ավարտել է դպրոցը։ Չնայած այս թույլտվության նվաճմանը` բոլոր կանայք, որոնք որոշել են գնալ այդ ճանապարհով, բախվել են մեծ նախապաշարմունքների և խտրականության։ Որոշ մարդիկ պնդել են, որ կանայք շատ փոքր ուղեղ ունեն բժշկությունը հասկանալու համար, կամ որ կին բժիշկը երբեք ամուսին չի գտնի։
Ռիտա Լոբատուն ընդունվել է Ռիո դե Ժանեյրոյի բժշկական ֆակուլտետ, որտեղ նրա կրտսեր եղբայրը սովորել է դեղաբանություն։ Ավելի ուշ իր համակուրսեցիների և պրոֆեսորների հետ կապված խնդիրների պատճառով տեղափոխվել է Սալվադորի բժշկական ֆակուլտետ (Բահիա)։
1887 թվականին նա դարձել է առաջին բրազիլացի կինը և երկրորդ լատինամերիկուհին, որը ստացել է բժշկի դիպլոմ (առաջինը չիլիացի Էլոիսա Դիաս Ինսունսան է, որն ավարտել է բուհը 1886 թվականի նոյեմբերի 20-ին)։
Բրազիլիայի թերթերը նրան որպես օրինակ են ընդունել բրազիլացի աղջիկների համար։ Ավելի ուշ Ռիտա Լոբատուն ամուսնացել է և մի քանի տարի զբաղվել բժշկական գործունեությամբ։
Ֆեմինիստական շարժման մասնակիցը պայքարել է կանանց ընտրական իրավունքի համար, ինչն ավելի ուշ Ռիտա Լոբատուին բերել է քաղաքականություն։ Բրազիլիայի ազատագրական կուսակցության («Partido Libertador») անդամ է։
Ընտրյալ հրատարակումներ[խմբագրել | խմբագրել կոդը]
Նրա ընտրյալ հրատարակումները կոչվում են «Ապաքինում», «Բժշկության պատասխանատվություն», «Ցուցումներ, որոնք պահանջում են կեսարյան հատում»։
Հիշատակ[խմբագրել | խմբագրել կոդը]
1967 թվականին Բրազիլիայի փոստը թողարկել է Ռիտա Լոբատուի պատկերով նամականիշ, որը նվիրված է նրա ծննդյան հարյուրամյակին։
Նրա անունն է (Rua «Dra. Rita Lobato») կրում Պորտու Ալեգրիում և Ռիու Գրանդիում գտնվող փողոցները։
Ծանոթագրություններ[խմբագրել | խմբագրել կոդը]
- ↑ «Роль женщины в медицине». Медицинские интернет-конференции. 2017. Վերցված է 2019 թ․ դեկտեմբերի 21-ին.
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Ռիտա Լոբատու» հոդվածին։ |
