Ջոն Օթիս Ադամս
Ջոն Օթիս Ադամս | |
|---|---|
 | |
| Ծնվել է | հուլիսի 8, 1851[1][2][3] |
| Ծննդավայր | Ինդիանա, ԱՄՆ |
| Վախճանվել է | հունվարի 28, 1927[1] (75 տարեկան) |
| Մահվան վայր | Ինդիանա, ԱՄՆ |
| Քաղաքացիություն | .svg){kind=small} ԱՄՆ |
| Մասնագիտություն | նկարիչ |
| Ոճ | Hoosier Group? |
| Ժանր | բնանկար |
| Թեմաներ | գեղանկարչություն |
 John Ottis Adams Վիքիպահեստում | |
Ջոն Օթիս Ադամս (անգլ.՝ John Ottis Adams, հուլիսի 8, 1851[1][2][3], Ինդիանա, ԱՄՆ - հունվարի 28, 1927[1], Ինդիանա, ԱՄՆ), ամերիկացի նկարիչ, իմպրեսիոնիզմի կարկառուն ներկայացուցիչ։ Եղել է Ինդիանա նահանգի «Hoosier Group» նկարիչների խմբի անդամ։
Կենսագրություն
[խմբագրել | խմբագրել կոդը]Ջոն Օթիս Ադամսը ծնվել է 1851 թվականին հուլիսի 8-ին Միացյալ Նահանգներում՝ Ինդիանայում։
Պատանեկան տարիներն անցկացրել է Ինդիանա նահանգի Ֆրանկլին, Շելբվիլ և Մարտինսվիլ քաղաքներում։
Հայրենի Ինդիանայում երկու տարի շարունակ սովորել է «Wabash College» քոլեջում, որը գտնվում էր Քրոուֆորդսվիլում։ Հետո արվեստ է ուսումնասիրել Լոնդոնի թագավորական քոլեջում՝ «Royal College of Art»: 1876 թվականին, ուսումնառությունն ավարտելուց հետո Ջոն Ադամսը վերադառնում է հայրենիք ու հիմնավորվում Ինդիանա նահանգի Մանսի քաղաքում։ Այստեղ նկարիչը բացում է սեփական ստուդիան։ 1880 թվականին Ջոն Օթիս Ադամսը կրկին հեռանում է դեպի Եվրոպա, որպեսզի շարունակի կրթությունը Գերմանիայում։ Այստեղ նա ընդունվում է Մյունխենի գեղարվեստի ակադեմիա։ 1887 թվականին Ջոն Օթիս Ադամսը վերադառնում է Մանսի։ Այստեղ բացի գեղանկարչությամբ զբաղվելուց, սկսում է նաև դասեր տալ։ Ավելի ուշ, «Hoosier Group» անդամների հետ Ինդիանապոլիս քաղաքում հիմնադրում է «Herron School of Art and Design» դպրոցը։ Կնոջ հետ միասին, ով նույնպես նկարչուհի էր, ինչպես նաև Թեոդոր Սթիլի ու նրա կնոջ հետ որոշ ժամանակ ապրում և աշխատանքի են անցնում Ինդիանայի Բրուքվիլ քաղաքում։ Նրա աշակերտներից է ամերիկացի ևս մեկ իմպրեսիոնիստ Ֆրենսիս Բրաունը։
Ջոն Օթիս Ադամսն իր մահկանացուն կնքել է 1927 թվականի հունվարի 28-ին՝ Ինդիանապոլսում, յոթանասունհինգ տարեկան հասակում։ Նրան հուղարկավորել են Մանսիի «Beech Grove Cemetery» գերեզմանատանը[4]։
Կինը Ուինֆրի Բրեդի Ադամսն է (1871-1955)[5]։ Երեխաները՝ Ջոն Ալբան Ադամսը (1900-1971) և Ռոբերտ Բրեդի Ադամսը (1905-1951)։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 RKDartists (նիդերլ.)
- ↑ 2,0 2,1 Adams, John Otis // Benezit Dictionary of Artists — OUP, 2018. — ISBN 978-0-19-977378-7 — doi:10.1093/BENZ/9780199773787.ARTICLE.B00000811
- ↑ 3,0 3,1 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
- ↑ John Ottis Adams(անգլ.)
- ↑ Winifred Brady Adams(անգլ.)
Գրականություն
[խմբագրել | խմբագրել կոդը]- Burnet, Mary Q. (1921). Art and Artists of Indiana. New York: The Century Company.
- Griner, Ned H. (1992). J. Ottis Adams: A Sense of Place. Muncie, IN: Minnetrista Cultural Foundation.
- Krause, Martin (1990). The Passage: Return of Indiana Painters from Germany, 1880–1905. Indianapolis Museum of Art.
- Newton, Judith Vale; Carol Weiss. (1993). A Grand Tradition: The Arts and Artists of the Hoosier Salon. Indianapolis, IN: Hoosier Salon Patrons Association. ISBN 0963836005.
- Newton, Judith Vale; Carol Ann Weiss (2004). Skirting the Issue: Stories of Indiana's Historical Women Artists. Indianapolis: Indiana Historical Society Press. ISBN 0871951770.
- Newton, Judith Vale; Jane Eckert; Henry Eckert; William H. Gerdts (1985). The Hoosier Group: Five American Painters. Indianapolis, IN: Eckert Publications. ISBN 0961499206.
Արտաքին հղումներ
[խմբագրել | խմբագրել կոդը]- BIOGRAPHY for John Adams(անգլ.)
- John Ottis Adams at American Art Gallery(անգլ.)
- Ջոն Օթիս Ադամս (John Ottis Adams) Արխիվացված 2017-01-01 Wayback Machine
- Ջոն Օթիս Ադամս՝ աշխատանքների պատկերասրահ Արխիվացված 2015-04-02 Wayback Machine
 | Վիքիպահեստն ունի նյութեր, որոնք վերաբերում են «Ջոն Օթիս Ադամս» հոդվածին։ |
| ||||||||||||
