Կրթությունն ստացել է Հարրոու դպրոցում և Էդինբուրգի համալսարանում։ Համալսարանը ավարտելուց հետո սկսում է սովորել փաստաբանի մասնագիտություն, սակայն, ամուսնանալով գինու վաճառականի դստեր հետ, սկսում է գինեգործություն սովորել։ Ամուսնության իններորդ ամսում 1754 թվականին մահանում է Բրյուսի կինը, որից հետո նա մեկնում է ճանապարհորդության Պորտուգալիա և Իսպանիա։ Էլ Էսկորիալում արևելյան ձեռագրերի ուսումնասիրությունը հանգեցրեց նրան, որ նա սովորի արաբերեն և գեեզ լեզուն, ինչը որոշարկեց նրա կյանքի հետագա ուղին։ Հոր մահից հետո 1758 թվականին ստանձնում է Քիննեդի կալվածքի կառավարումը։
Իսպանիայի դեմ պատերազմը սկսելուց հետո 1762 թվականին Բրյուսը բրիտանական կառավարությանն է ներկայացնում Ֆեռոլի վրա հարձակման ծրագիր։ Ծրագիրը չընդունվեց, սակայն դրա շնորհիվ Ջորջ Մոնտեյգու-Դանկը նախապատվությունը նրան տվեց՝ նշանակելով Ալժիր քաղաքում Մեծ Բրիտանիայի հյուպատոս՝ տալով հանձնարարություն՝ ուսումնասիրել քաղաքի ավերակները, որոնց հանդեպ հետաքրքրություն էր առաջացրել Ալժիր քաղաքի հյուպատոսության քահանա Թոմաս Շոուի (1694-1751) ուղարկած գրությունները։ Բրյուսը Ալժիր ժամանեց 1763 թվականի մարտին։ Նրա ամբողջ ժամանակը ծախսվում էր հյուպատոսական աշխատանքի վրա։ Սակայն 1765 թվականին հյուպատոսական աշխատանքի իր հաջորդի ժամանելուց հետո նա սկսում է Բարբարոսական ափում ուսումնասիրել հինհռոմեական ավերակները։ Ուսումնասիրում է բազմաթիվ ավերակներ Արևելյան Ալժիրում։
.svg){kind=small}
Մեծ Բրիտանիայի թագավորություն
James Bruce (explorer) Վիքիպահեստում
