Նելսոնի սյուն
 | |
|---|---|
 | |
 | |
 | |
| Տեսակ | հաղթանակի սյուն |
| Քանդակագործ | Edward Hodges Baily? |
| Ճարտարապետ | William Railton? |
| Ստեղծում | 1840 |
| Երկիր | .svg){kind=small} Միացյալ Թագավորություն |
| Պատմական երկիր | Միդլեքս |
| Բնակավայր | Վեստմինստեր |
| Գտնվելու վայր | Statue of Admiral Lord Nelson? |
| Փողոց | Թրաֆալգարյան հրապարակ |
պատկերված են
| |
 Nelson's Column Վիքիպահեստում | |
Նելսոնի սյուն (անգլ.՝ Nelson's Column), Լոնդոնի Թրաֆալգարյան հրապարակի կենտրոնում գտնվող հուշարձան։
Տեղադրում և դիզայն
[խմբագրել | խմբագրել կոդը]Սյունը կառուցվել է 1840–1843 թվականներին՝ ի պատիվ ծովակալ Հորացիո Նելսոնի, ով զոհվել էր 1805 թվականին կայացած Տրաֆալգարյան ճակատամարտում։ 5,5 մ բարձրություն ունեցող սյունը կանգնեցված է 46 մ բարձրությամբ գրանիտե պատվանդանին։ Արձանի հայացքն ուղղված է հարավ՝ Պորտսմութի կողմը, ուր գտնվել է հրամանատարի նավը՝ «HMS Victorу» անունով։
Հունական ոճով կառուցված սյունը զարդարված է անգլիական արկերից ձուլված բրոնզե զարդաքանդակներով՝ տերևի տեսք ունեցող։ Խորանարդաձև պատվանդանը զարդարված է բրոնզե չորս սյուներով, որոնք խորհրդանշում են ծովակալ Նելսոնի նշանավոր չորս հաղթանակները։ Հուշարձանը նախագծել է ճարտարապետ Ուիլյամ Ռեյլտոնը 1838 թվականին։ Կառուցվել է Peto & Grissell ընկերության կողմից։ Հուշարձանի՝ 1:22 մասշտաբով փոքրացված տարբերակը ցուցադրված է Լոնդոնի Գրինվիչի ծովային թանգարանում։ Ընդհանուր առմամբ հուշարձանն արժեցել է £47 500, որը ներկայումս կազմում է մոտ £3,5 միլիոն։ Սյան հիմքի մոտ գտնվող չորս առյուծները, որոնց հեղինակն է Էդվին Լանդսիրը, ավելացվել են ավելի ուշ՝ 1867 թվականին։
20–րդ դար
[խմբագրել | խմբագրել կոդը]
- 20–րդ դարում պատմվել է ավանդություն, որի համաձայն՝ 1925 թվականին շոտլանդացի խաբեբա Արթուր Ֆերգյուսոնը սյունը վաճառել է միամիտ ամերիկացիների[1]։
- Նելսոնի սյունը խորհրդանշական իմաստ է ունեցել Ադոլֆ Հիտլերի համար․ Մեծ Բրիտանիա հաջող ներխուժման դեպքում նա որոշել էր սյունը տեղափոխել Բեռլին[2]։
Նվաճումներ
[խմբագրել | խմբագրել կոդը]BBC հեռուստաընկերության մանկական հաղորդաշարի հաղորդավար Ջոն Նուկսը 1970 թվականին մագլցել է սյան գլուխը։ 1989 թվականին նույնն արել է հաղորդավար Հերի Վիլմոտը։
Վերանորոգում
[խմբագրել | խմբագրել կոդը]Նելսոնի սյունը վերանորոգվել է 2006 թվականին։ Աշխատանքներն իրականացրել է David Ball Restoration Ltd. of South London ընկերությունը։ Մինչև վերանորոգումը լազերային ուսումնասիրությունը ցույց էր տվել, որ սյան բարձրությունը ավելի ցածր է՝ 51,5 մ, քան նախկինում կարծում էին (56 մ)։
Ծանոթագրություններ
[խմբագրել | խմբագրել կոդը]- ↑ Love, Dane. The Man Who Sold Nelson's Column and Other Scottish Frauds, Birlinn Ltd, 2007. ISBN 978-1-84158-612-0
- ↑ London illuminated | Travel | guardian.co.uk