Մի զայրացիր (խաղ)
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
| Մի զայրացիր | |
|---|---|
 | |
| Տեսակ | սեղանի խաղ, cross and circle game? և խաղեր տախտակի վրա |
| Դիզայներ | Josef Friedrich Schmidt? |
| Հրատարակիչ | Schmidt Spiele? |
| Խաղացողների քանակ մինիմալ | 2 |
| Խաղացողների քանակ մաքսիմալ | 8 |
 Mensch ärgere Dich nicht Վիքիպահեստում | |
«Մի՛ զայրացիր», գերմանական սեղանի խաղ, որը մշակել է Յոզեֆ Ֆրիդրիխ Շմիդտը 1907-1908 թ.։ Խաղը թողարկվել է 1914 թ. և վաճառվել մոտ 70 միլիոն օրինակով։ Այս խաղին նման են հնդկական «Պաչիսին», կոլումբիական «Պարկեսը», անգլիական «Լուդոն»։
Խաղի անունը[խմբագրել | խմբագրել կոդը]
Խաղի անունը գերմաներեն նշանակում է «Մի՛ բարկացիր» ("Mensch ärgere Dich nicht" բառացիորեն «Մի՛ զայրացիր, եղբայր» կամ «Մի՛ զայրացիր, ընկեր»)։ Անունը ծագում է այն հանգամանքից, որ խաղաքարը վերադառնում է դաշտից դուրս վիճակ, երբ մյուս խաղացողի խաղաքարը հայտնվում է այդ դաշտում, ինչը հիշեցնում է նարդի խաղի կանոնները։
Կանոններ[խմբագրել | խմբագրել կոդը]
Կարող են խաղալ 2-4 հոգի՝ մեկական խաղացող յուրաքանչյուր կողմից։ Ամեն խաղացող ունի 3 կամ 4 խաղաքար (գոյություն ունի խաղի 2 տարբերակ), որոնք խաղի սկզբում գտնվում են դաշտից դուրս վիճակում՝ պահեստում։ Խաղացողները պետք է տեղափոխեն իրենց խաղաքարերը ամբողջ խաղադաշտով մինչև իրենց տունը։
Շարքերը դասավորված են խաչաձև։ Նրանք շրջապատված են և կապված դաշտերի շրջանի հետ, որի վրայով խաղաքարերը տեղաշարժվում են ժամացույցի սլաքի ուղղությամբ։ Խաղադաշտի ամեն կողմում կա պահեստ, սկիզբ և տուն։ Խաղացողը պիտի իր բոլոր խաղաքարերը տանի պահեստից մինչև տուն։
Սկզբում պետք է 1 խաղաքար պահեստից տանել դեպի սկիզբ։ Դրա համար զառը գցում են այնքան, մինչև զառի վրա դուրս գա 6 թիվը։ Խաղաքարը շարժվում է ըստ զառի վրա դուրս եկած թվի։ Եթե այդ թիվը 6 է, ապա խաղացողն ունի 2-րդ քայլի իրավունք։ Եթե որևէ գույնի խաղաքար կանգնի ուրիշ խաղաքարի վրա նույն վանդակում, ապա դրանով այդ խաղաքարն ուղարկում է պահեստ։ Բայց եթե այդ վանդակը կանգնած խաղաքարի սկիզբն է, ապա կանգնող խաղաքարն է գնում պահեստ։ Դրանից խուսափելու համար խաղացողը կարող է քայլը բաց թողնել։ Նույն գույնի խաղաքարերը իրավունք չունեն իրար վրա կանգնել նույն վանդակում։ Խաղն ավարտվում է, երբ որևէ խաղացողի բոլոր խաղաքարերը հասնեն տուն։
Արտաքին հղումներ[խմբագրել | խմբագրել կոդը]
- "Mensch ärgere Dich nicht: Geschichte eines Spieleklassikers" Արխիվացված 2011-05-16 Wayback Machine ("History of a Classic Game")
 | Վիքիպահեստն ունի նյութեր, որոնք վերաբերում են «Մի զայրացիր (խաղ)» հոդվածին։ |
