Jump to content

Մեթի Ջեյմս

Վիքիպեդիայից՝ ազատ հանրագիտարանից
Մեթի Ջեյմս
անգլ.՝ Matty James
Անձնական տվյալներ
Քաղաքացիությունը  Միացյալ Թագավորություն
Ծննդյան ամսաթիվ հուլիսի 22, 1991(1991-07-22)[1][2] (33 տարեկան)
Ծննդավայր Bacup, Rossendale, Լանկաշիր, Հյուսիսարևելյան Անգլիա, Անգլիա, Միացյալ Թագավորություն
Հասակ 178 սանտիմետր
Քաշ 73 կիլոգրամ
Դիրք կիսապաշտպան
Պատանեկան կարիերա
2005—2010 Անգլիա Մանչեսթեր Յունայթեդ
Մասնագիտական կարիերա*
Տարի Ակումբ Խաղ (Գոլ)
2009—2012 Անգլիա Մանչեսթեր Յունայթեդ 0 (0)
2010 → Անգլիա Փրեսթոն Նորթ Էնդ 18 (2)
2010—2011 → Անգլիա Փրեսթոն Նորթ Էնդ 10 (0)
2012— Անգլիա Լեսթեր Սիթի 103 (4)
2017 → Անգլիա Բարնսլի 18 (1)
2020— → Անգլիա Բարնսլի 0 (0)
Ազգային հավաքական
2007 Անգլիա Անգլիա (մինչև 16) 5 (0)
2007—2008 Անգլիա Անգլիա (մինչև 17) 10 (0)
2009—2010 Անգլիա Անգլիա (մինչև 19) 13 (0)
2009 Անգլիա Անգլիա (մինչև 20) 6 (0)
* Մասնագիտական կարիերայում ընդգրկված են միայն առաջնության խաղերը և գոլերը 
ըստ 3.8.2020:

Մեթյու Լի Ջեյմս (անգլ.՝ Matthew Lee James, ավելի հայտնի է որպես Մեթի Ջեյմս (անգլ.՝ Matty James), հուլիսի 22, 1991(1991-07-22)[1][2], Bacup, Rossendale, Լանկաշիր, Հյուսիսարևելյան Անգլիա, Անգլիա, Միացյալ Թագավորություն), անգլիացի ֆուտբոլիստ, Պրեմիեր լիգայի «Լեսթեր Սիթի» ակումբի կիսապաշտպան, որը վարձավճարով հանդես է գալիս «Բարնսլիում»։ «Մանչեսթեր Յունայթեդի» ակադեմիայի սան է, նույնպես «Յունայթեդի» սան Ռիս Ջեյմսի եղբայրը։

Ակումբային կարիերա

[խմբագրել | խմբագրել կոդը]

Ջեյմսը «Մանչեսթեր Յունայթեդի» ակադեմիայում հանդես է եկել վաղ տարիքից, իսկ 2005 թվականի հոկտեմբերին նշել է նորամուտը «Յունայթեդի» մինչև 18 տարեկանների թիմում։ 2007 թվականի նոյեմբերին Մեթին առաջին անգամ խաղացել է «Մանչեսթեր Յունայթեդի» պահեստայինների թիմում։ 2009 թվականի մայիսին հրավիրվել էր հիմնական կազմ՝ ստանալով «47» համարի մարզաշապիկը։ 2009 թվականի մայիսի 24-ին հայտավորվել է «Հալ Սիթիի» դեմ Պրեմիեր լիգայի հանդիպմանը, սակայն ամբողջ հանդիպումն անցկացրել է պահեստայինների նստարանին[3]։

2009 թվականի հուլիսին առաջին պրոֆեսիոնալ պայմանագիրն է կնքել «Մանչեսթեր Յունայթեդի» հետ[4]։ Օգոստոսի 17-ին Լանկաշիրի մեծ գավաթի եզրափակչում խաղացել է «Բոլթոն Ուոնդերերսի» դեմ, որտեղ «Յունայթեդը» հաղթել է 1:0 հաշվով՝ Ֆեդերիկո Մակեդայի գոլի շնորհիվ[5]։ 2009 թվականի հոկտեմբերի 27-ին հայտավորվել է առաջին թիմում՝ մասնակցելու «Բարնսլիի» դեմ Ֆուտբոլային լիգայի գավաթի խաղին, սակայն խաղադաշտ դուրս չի եկել[6]։

2010 թվականի փետրվարին Ջեյմսը վարձավճարով տեղափոխվել է «Փրեսթոն Նորթ Էնդ» մինչև մրցաշրջանի ավարտը[7]։ Փետրվարի 9-ին «Փրեսթոնի» կազմում նորամուտը նշել է «Շեֆիլդ Յունայթեդի» դեմ խաղում, և արդեն հանդիպման 10-րդ րոպեին գոլ է խփել, իսկ «Փրեսթոնն» արդյունքում հաղթել է 2:1 հաշվով[8]։ 2009/10 մրցաշրջանի ավարտից հետո Ջեյմսը վերադարձել է «Մանչեսթեր Յունայթեդ», սակայն 2010 թվականի հուլիսի 2-ին կրկին վարձավճարով տեղափոխվել է «Փրեսթոն»[9]։

2010 թվականի դեկտեմբերի 30-ին սըր Ալեքս Ֆերգյուսոնը «Փրեսթոնի» գլխավոր մարզչի պաշտոնից իր որդու՝ Դարրեն Ֆերգյուսոնի հեռացվելուց հետո հետ է կանչել Ռիչի դե Լատին, Ջոշուա Քինգին և Մեթի Ջեյմսին[10]։

2012 թվականի մայիսի 15-ին Մեթի Ջեյմսը և նրա թիմակից Ռիչի դե Լատը տեղափոխվել են «Լեսթեր Սիթի», տրանսֆերի գումարը չի հրապարակվել։ Երկու ֆուտբոլիստներն էլ երեք տարվա պայմանագիր են կնքել «աղվեսների» հետ[11]։ Ջեյմսը Դե Լատի և Ջեյմի Վարդիի հետ նոր ակումբում նորամուտը նշել է 2012 թվականի օգոստոսի 14-ին «Տորկի Յունայթեդի» դեմ Ֆուտբոլային լիգայի գավաթի խաղում։ «Աղվեսների» կազմում անցկացրած իր նորամուտային խաղում Ջեյմսը գոլ է խփել հանդիպման 50-րդ րոպեին[12]։

2013/14 մրցաշրջանում Ջեյմսը 35 հանդիպում է անցկացրել Չեմպիոնշիպում և օգնել է իր թիմին դուրս գալ Պրեմիեր լիգա։

2014 թվականի սեպտեմբերի 21-ին Մեթին իր առաջին խաղն է անցկացրել Պրեմիեր լիգայում՝ փոխարինման դուրս գալով իր նախկին «Մանչեսթեր Յունայթեդ» ակումբի դեմ խաղում, որտեղ «աղվեսները» հաղթել են 5:3 հաշվով[13]։

2017 թվականին վարձավճարով տեղափոխվել է «Բարնսլի»։

Հավաքականի կազմում

[խմբագրել | խմբագրել կոդը]

Ջեյմսը հանդես է եկել Անգլիայի Մ-16, Մ-17, Մ-19 և Մ-20 հավաքականներում։ Մասնակցել է 2009 թվականի Եվրոպայի պատանեկան առաջնությանը։

Ձեռքբերումներ

[խմբագրել | խմբագրել կոդը]

Թիմային ձեռքբերումներ

[խմբագրել | խմբագրել կոդը]

Անձնական ձեռքբերումներ

[խմբագրել | խմբագրել կոդը]

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 As (իսպ.) — Madrid: PRISA, 1967. — ISSN 1888-6671
  3. ↑ Hughes, Ian (2009 թ․ մայիսի 24). «Hull 0–1 Man Utd» (անգլերեն). BBC Sport.
  4. ↑ Coppack, Nick (2009 թ․ հուլիսի 2). «Teen trio turn pro» (անգլերեն). ManUtd.com.
  5. ↑ Bartram, Steve (2009 թ․ օգոստոսի 17). «Reserves: Bolton 0 Utd 1» (անգլերեն). ManUtd.com. Արխիվացված է օրիգինալից 2015 թ․ սեպտեմբերի 25-ին. Վերցված է 2015 թ․ սեպտեմբերի 22-ին.
  6. ↑ Stevenson, Jonathan (2009 թ․ հոկտեմբերի 27). «Barnsley 0–2 Man Utd» (անգլերեն). BBC Sport.
  7. ↑ «Preston North End set to sign Man Utd's Matthew James» (անգլերեն). BBC Sport. 2010 թ․ փետրվարի 8.
  8. ↑ «Preston 2–1 Sheff Utd» (անգլերեն). BBC Sport. 2010 թ․ փետրվարի 9.
  9. ↑ «Manchester United's Matthew James rejoins Preston» (անգլերեն). BBC Sport. 2010 թ․ հուլիսի 2.
  10. ↑ «Fergie recalls Preston loans after son is sacked» (անգլերեն). The Mirror. 2010 թ․ դեկտեմբերի 30.
  11. ↑ «Leicester buy Man Utd's Ritchie De Laet & Matthew James» (անգլերեն). BBC Sport. 2012 թ․ մայիսի 16.
  12. ↑ «Torquay 0-4 Leicester» (անգլերեն). BBC Sport. 2012 թ․ օգոստոսի 14.
  13. ↑ «Leicester City 5-3 Manchester United» (անգլերեն). BBC Sport. 2014 թ․ սեպտեմբերի 21.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Մեթի Ջեյմս» հոդվածին։
Ֆոտո, վիդեո և աուդիո
Թեմատիկ կայքեր
Ստացված է «https://hy.wikipedia.org/w/index.php?title=Մեթի_Ջեյմս&oldid=9783181» էջից