Մարիզա Բաստե

Մարիզա Բաստե; ֆր.՝ Maryse Bastié
Ծնվել է	փետրվարի 27, 1898[…]
Ծննդավայր	Լիմոժ
Մահացել է	հուլիսի 6, 1952 (54 տարեկան)
Մահվան վայր	Բրոն
Գերեզման	Մոնպարնաս գերեզմանատուն
Քաղաքացիություն	Ֆրանսիա
Մասնագիտություն	օդաչու և Ֆրանսիական դիմադրության մարտիկ
Աշխատավայր	French DGA Flight Test Centre?
Պարգևներ և ; մրցանակներ	Glory of sport? Հարմոնի ավար Քաջալերումից մինչև պրոգրես ընկերության Մեծ ոսկե մեդալ և Grande médaille de l'Aéro-Club de France?
	Ստորագրություն;
	Maryse Bastié Վիքիպահեստում

Մարիզա Բաստե (ֆր.՝ Maryse Bastié, փետրվարի 27, 1898(1898-02-27)^[1]^[2]^[3]^[…], Լիմոժ^[4] - հուլիսի 6, 1952(1952-07-06)^[1]^[3]^[5], Բրոն^[4]), ֆրանսիացի օդաչու, որը 1930-ական թվականներին կին-ավիատորների շրջանում մի քանի համաշխարհային ռեկորդ է սահմանել։

Կենսագրություն

Ծնվել է 1898 թվականի փետրվարի 27-ին Լիմոժում։ Մարիզան 11 տարեկանում կորցրել է հորը, իսկ նրա ընտանիքն ամեն ինչ արել է գոյատևելու համար։ Եվ այդ պատճառով նա պատանեկան տարիքում աշխատել է կոշիկի գործարանում։ Անհաջող ամուսնությունից հետո նա երեխա է ունեցել, որը մահացել է փոքր տարիքում։

Երկրորդ անգամ ամուսնացել է Առաջին համաշխարհային պատերազմի օդաչու Լուի Բաստիեյի հետ և հրապուրվել օդագնացությամբ, ինչի արդյունքում որոշել է դառնալ օդաչու։ Բաստեն ստացել է թռիչքներ կատարելու արտոնագիր։ Նրա ամուսինը 1926 թվականին մահացել է ինքնաթիռի վթարից, որից հետո Բաստեն սկսել է զբաղվել բարձրագույն պիլոտաժով, որպեսզի գումար վաստակի և շարունակի զբաղվել իր սիրելի գործով։ 1927 թվականին նա ձեռք է բերել իր սեփական ինքնաթիռը՝ CaudronC.109։

1930-ական թվականներին Բաստեն մի քանի համաշխարհային ռեկորդ է սահմանել կին ավիատորների շրջանում՝ թռիչքի տևողության, ամենաերկար տարածության և Հարավային Ատլանտյան օվկիանոսով միայնակ թռիչքի համար։ Նրա ռեկորդներից մեկը սահմանվել է 1931 թվականի հունիսին՝ ԽՍՀՄ թռիչքի ժամանակ. օդաչուն դուրս է եկել Փարիզից և վայրէջք կատարել Նիժնի Նովգորոդի մոտ՝ թռչելով 2976 կմ։

1935 թվականին Մարիզա Բաստեն իր սեփական թռիչքային դպրոցն է հիմնել Օռլի օդանավակայանում։ Նա ծառայել է Ֆրանսիայի օդուժում, հասնելով կապիտանի կոչման, թռչել ավելի քան 3000 ժամ։ 1937 թվականին նա հրապարակել է պատմություն, որը կոչվում էր «Ailes ouvertes: carnet d’une aviatrice»։

Երկրորդ համաշխարհային պատերազմի ժամանակ եղել է ֆրանսիական դիմադրության անդամ։ Արժանացել է մի շարք մրցանակների։

1952 թվականի հուլիսի 6-ին Լիոնում տեղի ունեցած կոնֆերանսից հետո Մարիզա Բաստենի ինքաթիռը վթարի է ենթարկվել, ինչի արդյունքում վերջինս զոհվել է։ Նա թաղվել է Փարիզի Մոնպառնասի գերեզմանատանը^[6]^[7]։

Հիշատակում

Օդաչուի անուն են կրում Ֆրանսիայում մի քանի ուսումնական հաստատություններ և կանադական Bombardier կանադական բազմազգ կորպորացիայի ստորաբաժանումներից մեկը
Նրա անունով են կոչվել են Ֆրանսիայի մի քանի քաղաքների փողոցներ
1955 թվականին Ֆրանսիայի կառավարությունը Մարիզա Բաստենի պատկերը թողարկել է պատվել է փոստային նամականիշի վրա^[8]
Փարիզի արևմուտքում՝ Boulevard du Garigliano M. Valin փոքրիկ պուրակում, գտնվում է օդաչուի հուշարձանը

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 FemBio տվյալների շտեմարան (գերմ.)
↑ ^3,0 ^3,1 ^3,2 ^3,3 ^3,4 GeneaStar
↑ ^4,0 ^4,1 ^4,2 ^4,3 ^4,4 ^4,5 ^4,6 Béghain P., Benoit B., Corneloup G. Dictionnaire historique de Lyon — Lyon: Éditions Stéphane Bachès, 2009. — P. 114. — 1504 p. — ISBN 978-2-915266-65-8
↑ ^5,0 ^5,1 ^5,2 Roglo — 1997. — ed. size: 10000000
↑ «Maryse Bastié avait des ailes». France 3 Nouvelle-Aquitaine (ֆրանսերեն). Վերցված է 2022 թ․ հունիսի 11-ին.
↑ «Marbas». slhada.fr. Վերցված է 2022 թ․ հունիսի 11-ին.
↑ Bastié Maryse

Արտաքին հղումներ

Վիքիպահեստն ունի նյութեր, որոնք վերաբերում են «Մարիզա Բաստե» հոդվածին։

[_163da95f1ad70c92-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_12390f426baaa10b-2] 2,0 ^2,1 FemBio տվյալների շտեմարան (գերմ.)

[_3fb456a8c6358de9-3] 3,0 ^3,1 ^3,2 ^3,3 ^3,4 GeneaStar

[_430f1a557d7e5d7a-4] 4,0 ^4,1 ^4,2 ^4,3 ^4,4 ^4,5 ^4,6 Béghain P., Benoit B., Corneloup G. Dictionnaire historique de Lyon — Lyon: Éditions Stéphane Bachès, 2009. — P. 114. — 1504 p. — ISBN 978-2-915266-65-8

[_b1b0cc8415ab294c-5] 5,0 ^5,1 ^5,2 Roglo — 1997. — ed. size: 10000000

[6] «Maryse Bastié avait des ailes». France 3 Nouvelle-Aquitaine (ֆրանսերեն). Վերցված է 2022 թ․ հունիսի 11-ին.

[7] «Marbas». slhada.fr. Վերցված է 2022 թ․ հունիսի 11-ին.

[8] Bastié Maryse

[1]

[2]

[3]

[4]

[5]

[6]

[7]

[8]