Մարգուս Մեցտակ

Վիքիպեդիայից՝ ազատ հանրագիտարանից
Մարգուս Մեցտակ
Դիմանկար
Ծնվել էհունիսի 16, 1961(1961-06-16)[1] (62 տարեկան)
ԾննդավայրՏալլին, Էստոնական ԽՍՀ, ԽՍՀՄ
Քաղաքացիություն Էստոնիա և  ԽՍՀՄ
Մասնագիտությունբասկետբոլիստ
 Margus Metstak Վիքիպահեստում

Մարգուս Մեցտակ (հունիսի 16, 1961(1961-06-16)[1], Տալլին, Էստոնական ԽՍՀ, ԽՍՀՄ), հանգստի անցած էստոնացի պրոֆեսիոնալ բասկետբոլիստ, ով հիմնականում խաղում էր կենտրոնական դիրքում[2]։

Ակումբի կարիերա[խմբագրել | խմբագրել կոդը]

Վաղ կարիերա[խմբագրել | խմբագրել կոդը]

Մարգուս Մեցտակն իր կարիերան սկսել է 18 տարեկանում Տալլինի համալսարանում, որի թիմի կազմում խաղացել է Էստոնական ԽՍՀ-ի առաջնությունում մինչև ԽՍՀՄ փլուզումը։ Առաջ գնալով սկսել է խաղալ «Կալև Տալլին» թիմում։ 1982 թվականին՝ պրոֆեսիոնալ բասկետբոլիստի կարիերայի երկրորդ տարում հավաքականը հասել է Խորհրդային բասկետբոլի գավաթի խաղարկության կիսազրափակիչ և շահել բրոնզե մեդալ։

ԽՍՀՄ չեմպիոն[խմբագրել | խմբագրել կոդը]

Ամենամեծ առաջընթացը եղել է 1991 թվականին, երբ «Կալև Տալլինը» հաղթել է Խորհրդային Միության բասկետբոլի լիգայում և դարձել փլուզված կայսրության վերջին պաշտոնական չեմպիոնը (հաջորդ տարի եղել է լիգա, որը գործում էր նույն ասոցիացիայի հետ, բայց գործում էր միայն Անկախ Պետությունների Համագործակցության ակումբների հետ)։ «Կալևը »հերթական մրցաշրջանում հաղթել է 18-4 հաշվով։ Քառորդ եզրափակչում նրանք 2-0 հաշվով հաղթել են «ASK Kyiv» թիմին (90:75, 100։ 91) և կիսաեզրափակչում խաղադաշտ են դուրս եկել ընդդեմ լատվիական «BK VEF Rīga»-ի։ Լատվիայի հավաքականը հաղթել է առաջին խաղում 94-87 հաշվով, սակայն «Կալևին» հաջողվել է երկու խաղ անընդմեջ հաղթել (107։ 90, 113։ 96) և ընդհանուր 2-1։ Եզրափակչում էստոնացիները երկու խաղերն էլ հաղթել են «BC Spartak Saint Petersburg»-ի դեմ խաղում և «Կալև Տալինի» համար հաղթանակ գրանցել առաջին և վերջին սովետական առաջնությանը[3]։

Արտասահմանյան ակումբներ[խմբագրել | խմբագրել կոդը]

1990 թվականին Մեցտակը խաղացել է Ֆինլանդիայի լիգայի «NMKY Lahti» թիմի կազմում, որից հետո, 1991 թվականի հունվարին վերադարձել Էստոնիա։ Մեծ հաղթանակից հետո նա մեկ մրցաշրջանով վերադարձել է Ֆինլանդիա՝ նախքան Լյուքսեմբուրգի «Amicale Basket» ակումբում տեղափոխություն կատարելը։ Գերմանիայում անվկացվ 1993 թվականի Եվրոպայի առաջնությանը Էստոնիայի Բասկետբոլի ազգային հավաքականի գլխավոր խաղացողներից մեկը լինելով՝ Մարգուս Մեցտակը առաջարկներ է ստացել «TSV Speyer» և «Paderborn Baskets» թիմերի կազմում խաղալ Բասկետբոլի Բունդեսլիգայում։ 2001-2002 մրցաշրջանում՝ 40 տարեկանում, նա իր վերջին պայմանագիրը կնքել է լեհական «Czarni Słupsk»-ի հետ[4]։

Վերջին տարիներ[խմբագրել | խմբագրել կոդը]

Լեհական թիմից հեռանալուց հետո այն ժամանակ 41-ամյա կենտրոնական խաղացողը տեղափոխվել է էստոնական «TTÜ/A. Le Coq» ակումբ, իսկ իր կարիերայի վերջին մի քանի տարիները խաղացել է իր հայրենի ակումբի՝ «BC Pirita»-ի հետ[5]։ Նա աշխատել է որպես «TTÜ / Kalev»-ի մարզիչ և վերահիմնադրել «Տալլինա Կալև» թիմը։

Ազգային հավաքական[խմբագրել | խմբագրել կոդը]

Մեցտակը ազգային կարիերան սկսել է 1981 թվականին, երբ նա ներկայացրել է Էստոնական խորհրդային սոցալիստական հանրապետության ազգային հավաքականը։ 1991 թվականին, երբ Էստոնիան անկախացավ Խորհրդային սոցալիստական հանրապետությունների միությունից, նա Էստոնիայի բասկետբոլի ազգային հավաքականի ամենալավ կենտրոնական խաղացողներից էր։

1993 թվականի Եվրոպայի առաջնություն[խմբագրել | խմբագրել կոդը]

Մարգուս Մեցտակը ինչպես 1993 թվականի EuroBasket-ի, այնպես էլ 2001 թվականի EuroBasket-ի մրցումներում հավաքականի կազմում էր։ 1993 թվականին Էստոնիայի հավաքականը զարմացրել է ամբողջ Եվրոպային՝ հաղթելով D խմբի Եվրոպական չեմպիոն Գերմանիայի տղամարդկանց ազգային հավաքականին ու ուժեղ Սլովենիայի տղամարդկանց ազգային հավաքականին։ Նոկաուտի փուլում նրանք պարտվել են Ռուսաստանին, հաղթել Բոսնիա և Հերցեգովինային և 5-րդ տեղի համար պայքարում պարտվել Իսպանիային։ Սա նշանակում էր, որ Էստոնիան չի որակավորվելու 1994 թվականի ՖԻԲԱ աշխարհի առաջնության համար։

2001 թվականի Եվրոպայի առաջնություն[խմբագրել | խմբագրել կոդը]

2001 թվականին 40-ամյա Մեցտակը վաստակել է 8.3 միավոր և երբ Էստոնիան հայտնվել է վերջին տեղում, նա յուրաքանչյուր խաղում ստացել է 6 պատասխան հարված[6]։ Մարգուս Մեցտակը մինչ օրս ամենատարիքով բասկետբոլիստներից է, որոնք երբևէ խաղացել են Եվրոպայի առաջնություններում[7]։

Ծանոթագրություններ[խմբագրել | խմբագրել կոդը]

  1. ↑ 1,0 1,1 Eesti spordi biograafiline leksikon (эст.)
  2. ↑ Margus Metstak at basket.ee
  3. ↑ Paju, Tarmo. "Salumets:'Hea töö oli!'". Õhtuleht. (2001-05-05). Retrieved on 2012-04-11 (et)
  4. ↑ Margus Metstak(չաշխատող հղում) at ESBL
  5. ↑ Paju, Tarmo. "Hämmastav Metstak ei leia endas midagi hämmastavat". Õhtuleht. (2007-02-05). Retrieved on 2012-04-11 (et)
  6. ↑ Margus Metstak at FIBAeurope.com
  7. ↑ Kalvet, Madis. "Metstaki ajalooline saavutus EMil on Euroopas unustatud". Postimees. (2009-09-18). Retrieved on 2012-04 (et)

Արտաքին հղումնր[խմբագրել | խմբագրել կոդը]

Գրքեր[խմբագրել | խմբագրել կոդը]

  • Lään, Vello; Ibrus, Märt (2006). Eesti korvpall portreed. Eesti Korvpalliliit. էջեր 289–297. ISBN 9949-406-68-4.


Ստացված է «https://hy.wikipedia.org/w/index.php?title=Մարգուս_Մեցտակ&oldid=9017492» էջից