Մաշան ու կախարդական մուրաբան
 | |
|---|---|
 | |
| Տեսակ | մուլտֆիլմ |
| Ռեժիսոր | Լև Միլչին |
| Սցենարիստ | Վասիլի Լիվանով |
| Երաժշտություն | Յան Ֆրենկել |
| Օպերատոր | Միխայիլ Դրույան |
| Երկիր |  ԽՍՀՄ |
| Լեզու | ռուսերեն |
| Ընկերություն | Սոյուզմուլտֆիլմ |
| Տևողություն | 10 րոպե[1] |
| Թվական | 1979 |
«Մաշան ու կախարդական մուրաբան» (ռուս.՝ «Маша и волшебное варенье»), խորհրդային նկարված մուլտֆիլմ՝ ստեղծված 1979 թվականին «Սոյուզմուլտֆիլմ» ստուդիայի կողմից[2]։
Սյուժե
[խմբագրել | խմբագրել կոդը]Մուլտֆիլմն այն մասին է, թե ինչ վատ է խաբելն ու այն մասին, որ գաղտնիքը միշտ էլ բացահայտվում է։
Տատիկը մուրաբա էր եփել ու դրել պահարանում ձմռան համար։ Մաշան չի կարող սպասել ձմռանն ու ցանկանում է մուրաբան համտեսել։ Երբ տատիկը գնում է հանգստանալու, թոռնուհին պահարանից հանում է անոթը, բացում այն ու սկսում մեծ գդալով մուրաբան ուտել։ Ուտում է ամբողջն առանց մնացորդի։
Այդ ժամանակ տատիկը հետ է գալիս, Մաշան փորձում է անոթը տեղը դնել, բայց շտապելուց այն ջարդում է։ Երբ տատիկը հարցնում է. «Ո՞վ է կերել մուրաբան», աղջիկը ցույց է տալիս կատվին։ Տատիկը թոռնուհուն ասում է, որ մուրաբան կախարդական էր. այն ուտողը կփոքրանա։ Եվ Մաշային թվում է, թե ինքը փոքրացել է, հայտնվել դատարկ անոթի մեջ, իսկ կատուն ցանկանում է իրեն պատժել խաբելու համար։ Այդ ժամանակ թոռնուհին խոստովանում է իր մեղքն ու տատիկին խոստանում այլևս չխաբել ու առանց հարցնելու ոչինչ չվերցնել։ Տատիկը խոստովանում է, որ ինքն արդեն գուշակել էր, թե ով է կերել մուրաբան, որովհետև կատուները մուրաբա չեն ուտում։
Նկարահանող խումբ
[խմբագրել | խմբագրել կոդը]- Սցենարի հեղինակ – Վասիլի Լիվանով
- Ռեժիսոր – Լև Միլչին
- Բեմադրող նկարիչ – Մարիա Ռուդաչենկո
- Կոմպոզիտոր – Յան Ֆրենկել
- Օպերատոր – Միխայիլ Դրույան
- Հնչյունային օպերատոր – Բորիս Ֆիլչիկով
- Խմբագիր – Ռաիսա Ֆրիչինսկայա
- Նկարիչ-մուլտիպլիկատորներ – Օլեգ Կոմարով, Ռենատա Միրենկովա, Ալեքսանդր Պանով, Տատյանա Պոմերանցևա
- Մոնտաժող – Օլգա Վասիլենկո
- Օգնականներ – Օ. Ապանասովա, Ե. Սինիցկայա
- Տեքստը կարդում է – Վասիլի Լիվանով
- Տնօրեն – Լյուբով Բուտիրինա
Վերաթողարկում DVD-ով
[խմբագրել | խմբագրել կոդը]Մուլտֆիլմը բազմիցս (2006, 2007 և 2008 թվականներին) DVD-ով վերաթողարկվել է «Հեքիաթներ Մաշենկայի մասին» մուլտֆիլմերի հավաքածուներում («Սոյուզմուլտֆիլմ»)։
Ծանոթագրություններ
[խմբագրել | խմբագրել կոդը]- ↑ Internet Movie Database — 1990.
- ↑ «Маша и волшебное варенье» մուլտֆիլմը «Անիմատոր.ռու» կայքում
|
