Մաելլա
| Մաելլա | |
|---|---|
 | |
| Տեսակ | լեռնազանգված |
| Երկիր |  Իտալիա |
| Վարչատարածքային միավոր | Աբրուցցո |
| Լեռնաշղթա | Ապենիններ |
| Մասն է | Մայելլա ազգային այգի |
| Բարձրությունը ծովի մակարդակից | 2793 մետր |
| Հարաբերական բարձրություն | 1812 մետր |
| Երկարություն | 25 կմ |
| Լայնություն | 20 կմ |
| Բարձրագույն գագաթ | Մոնտե Ամարո |
| Նյութ | կրաքար |
Մաելլա (իտալ.՝ Majella), լեռնազանգված կենտրոնական Իտալիայում, Ապենինյան լեռներում, Աբրուցո մարզում։
Աշխարհագրություն
[խմբագրել | խմբագրել կոդը]Լեռը տեղակայված է Կիետի, Պեսկարա և Լ'Աքվիլա պրովինցիաների սահմանին։ Ամենաբարձր գագաթը Ամարո լեռն է, որն ունի 2793 մ բարձրություն։ Վերջինս երկրորդ ամենաբարձր կետն է Ապենինյան լեռնաշղթայում։ Մաելլա լեռը համանուն ազգային պարկի կենտրոնում է։
Լեռնազանգվածը ձևավորվել է կրաքարից։ Այն ընդգրկվում է ամենաբարձր գագաթների խումբը, որոնք են Ամարո (2793 մ), Ակուավիվա (2737 մ), Ֆոկալոնե (2676 մ), Ռոտոնդո (2656 մ), Մակելարո (2646 մ), Պեսկո Ֆալկոնե (2546 մ), Սիմա դելլե Մուրելլե (2598 մ) լեռները։ Հաջորդ գագաթը Բլոքհաուսն է (2145 մ), որը երբեմն օգտագործվում է որպես Ջիրո դ'Իտալիա հեծանվավազքի եզրափակիչ կետ։
Հսկայական բարձրավանդակներն ունեն 2500 մ բարձրություն։ Զառիթափ լանջերում կան դաշտավայրեր և կիրճեր, որոնք միմյանցից բաժանվում են գետերով, ինչպիսին են Օրֆենտոն, Ֆորոն և այլն։
Մոտակայքում են գտնվում Մորոնե, Պորարա և Պիզի լեռները։ Մաելլայից թափվում է մի սառնորակ ջրվեժ, որը հայտնի է Il Principiante անունով։ Այն գտնվում է 1600 մետր բարձրության վրա և ունի 25 մ բարձրություն։
Գիտական հետազոտություններ
[խմբագրել | խմբագրել կոդը]Մոնտանա դել Մաելլայի տարածքը եղել է խոշոր միջազգային գիտահետազոտական TaskForceMajella նախագծի ուսումնասիրության առարկան 1998-2005 թվականներին։
Հեծանվավազք
[խմբագրել | խմբագրել կոդը]Մաելլան, հատկապես դրա Բլոքհաուս գագաթը, հայտնի է հեծանվորդների շրջանում և նաև երբեմն օգտագործվել է Ջիրո դ'Իտալիա մրցավազքի համար։ Առաջին անգամ օգտագործվել է 1967 թվականին, և մրցարշավի հաղթողը Էդդի Մերկսն էր[1]։ Բլոքհաուսի վերջին մրցույթը տեղի է ունեցել 2017 թվականի մայիսի 14-ին, և հաղթողը կոլումբիացի հեծանվորդ Նաիրո Քուինտանան էր[2]։
Պատկերասրահ
[խմբագրել | խմբագրել կոդը]
Ծանոթագրություններ
[խմբագրել | խմբագրել կոդը]- ↑ «1967 Giro d'Italia». BikeRaceInfo. McGann Publishing. Վերցված է 2017 թ․ մայիսի 15-ին.
- ↑ «Geraint Thomas's Giro d'Italia hopes hit by crash as Nairo Quintana takes control». The Guardian. Վերցված է 2017 թ․ մայիսի 15-ին.
Արտաքին հղումներ
[խմբագրել | խմբագրել կոդը]- Il Blockhaus: il Mostro appenninico domato
- Sito del Parco Nazionale della Maiella Maiaweb Informazione Turistica Maiella Orientale Արխիվացված 2017-09-13 Wayback Machine
 | Վիքիպահեստն ունի նյութեր, որոնք վերաբերում են «Մաելլա» հոդվածին։ |
| ||||||||||
