Գոմերա

Գոմերա;
Տեսակ	հրաբխային կղզի
Երկիր	Իսպանիա
Վարչատարածքային միավոր	Սանտա Կրուս դե Տեներիֆե
Վայր	Ատլանտյան օվկիանոս
Մասն է	Canary Islands?
Մակերես	370 կմ²
Բնակչություն	21 153 մարդ

Գոմերա (իսպ.՝ La Gomera), կղզի Ատլանտյան օվկիանոսում։ Կանարյան կղզիներից մեկն է^[2]։ Վարչականորեն մտնում է Իսպանիայի Տեներիֆե պրովինցիայի կազմի մեջ։ Տարածքը 369,71 կմ² է, կղզում ապրում է 23076 մարդ (2011)։ Ունի տեղական ինքնավարություն։ Ամենամեծ քաղաքը Սան-Սեբաստիան-դե-լա Գոմերան է (9055 մարդ)։

Բնություն

Կանարյան կղզիներից միակն է, որտեղ չկան հրաբխային հետքեր։ Գոմերայի ամենաբարձր կետը 1488 մետր է։ Կղզին հայտարարվել է ազգային պարկ, պահպանվում է նրա յուրահատուկ բուսականությունը։ Կղզու հարավային կողմը չորային է, իսկ հյուսիսում անձրևոտ է, որը նպաստում է գյուղատնտեսության զարգացմանը։

Կլիմայական տվյալներ

Ամիս	Հունվար	Փետրվար	Մարտ	Ապրիլ	Մայիս	Հունիս	Հուլիս	Օգոստոս	Սեպտեմբեր	Հոկտեմբեր	Նոյեմբեր	Դեկտեմբեր
Օրական ջերմաստիճան	21	21	22	23	24	25	27	29	28	26	24	22
Գիշերային ջերմաստիճան	15	15	15	16	17	18	20	21	20	19	18	16
Ցերեկ	6	6	7	8	9	9	9	9	8	7	6	5
Ամսվա անձրևոտ օրեր	6	4	3	2	2	1	0	0	2	5	6	7
Ջրի ջերմաստիճան	19	18	18	18	19	20	21	22	23	23	21	20

Պատմություն

Ինչպես և մյուս կղզիների կղզեխումբը մինչև 15-րդ դարը Հոմերա կղզում նույնպես իսպանացիներ էին ապրում։ Այնուհետև նրանք ճանաչեցին իրենց սենյորությունը (իշխանին պատկանող երկրամաս)։

Տնտեսություն

Զարգացած է գյուղատնտեսությունը, մշակում են բանան, պատրաստում են արմավենու մեղր և թունդ ալկոհոլային խմիչքներ։ Բնակչության մեծ մասը աշխատում է Տեներիֆե կղզում։ Գնալով մեծ նշանակություն է ունենում զբոսաշրջությունը, չնայած որ այցելուների 75%-ը ընդամենը մեկ օր է անցկացնում կղզում։

Տրանսպորտ

20-րդ դարում կղզում կառուցվել է օդանավակայան և ավտոճանապարհային ցանց, որոնք փոխադրման հիմնական միջոցներն են։ Օգտագործվում են նաև լաստանավեր՝ ապրանքներ տեղափոխելու համար։