Հայկազուն Բագրատունի
 | |
|---|---|
| Ծնվել է | փետրվարի 1, 1890 |
| Ծննդավայր | Կոստանդնուպոլիս[1] |
| Մահացել է | դեկտեմբերի 20, 1960[1] (70 տարեկան) |
| Մահվան վայր | Փարիզ[1] |
| Կրթություն | Փարիզի կոնսերվատորիա[1] և Փարիզի համալսարան[1] |
| Քաղաքացիություն | .svg){kind=small} Ֆրանսիա |
| Մասնագիտություն | դերասան և ռեժիսոր |
Հայկազուն Բագրատունի (H. de Bagradite, փետրվարի 1, 1890, Կոստանդնուպոլիս[1] - դեկտեմբերի 20, 1960[1], Փարիզ[1]), ֆրանսիական թատրոնի և կինոյի հայազգի դերասան և ռեժիսոր։
Կենսագրություն[խմբագրել | խմբագրել կոդը]
Հայկազուն Բագրատունին ծնվել է Կոստանդնուպոլսում։ Սովորել է Վենետիկի Մխիթարյանների մոտ, Փարիզի կոնսերվատորիայի դրամատիկական բաժնում և Սորբոնի համալսարանում։ Բեմական գործունեությունը սկսել է Վենետիկում 1907 թվականին էսքիլեսի մի ողբերգության մեջ։ 1910 թվականին փոխադրվել է Փարիզ, դարձել ֆրանսիական թատրոնի դերասան, խաղացել է Սառա Բեռնարի, Մունե Սյուլլիի, Պոլ Մունեի խմբերում և «Կոմեդի ֆրանսեզ»-ում։ Նկարահանվել է ֆրանսիական համր և հնչուն ֆիլմերում Հուդա («Հիսուս Քրիստոս»), կրկեսի երգիչ և ձեռնածու («Սևիլիայի կախարդանքը») և այլն։ Հաջողության է հասել Աբդուլ Համիդի դերակատարությամբ («Երկու չալմա»)[2]։
Բագրատունին հայերեն և ֆրանսերեն առոգանությամբ դասեր է տվել Մխիթարյանների Մուրատյան վարժարանում (Սևր), որի «Մկրտիչ Պեշիկթաշլյան» թատերասրահում 1930 թվականին բեմադրել է Մ. Վ. Նոուրիճանի «Թեոդոր Սալհունի» ողբերգությունը, իր հավելումներով վերաբեմադրել Փարիզի «Հայ դրամատիկ»-ում (1946), Ժ. Ռիփշեի «Ծովահենը» (1935, իր թարգմանությամբ)՝ կատարելով ծեր նավաստու դերը։ 1940-ական թվականներիին աջակցել է Փարիզի հայ թատրոնի ստեղծման աշխատանքներին և հանդես է եկել իբրև դերասան և ռեժիսոր։
Բագրատունու բանաստեղծությունները տպագրվել են Փարիզի «Կավռոշ» և այլ պարբերականներում։
Ծանոթագրություններ[խմբագրել | խմբագրել կոդը]
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ «Հայկազուն Բագրատունի». Արխիվացված է օրիգինալից 2021 թ․ մայիսի 16-ին. Վերցված է 2021 թ․ մայիսի 16-ին.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 200)։ 
|