Կարեն Գրիգորյան (դիվանագետ)
Անվան այլ կիրառումների համար տե՛ս՝ Կարեն Գրիգորյան (այլ կիրառումներ)- Վիքիպեդիայում կան հոդվածներ Գրիգորյան ազգանունով այլ մարդկանց մասին։
| Կարեն Գրիգորյան | |
|---|---|
| Ծնվել է | օգոստոսի 15, 1968 (56 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Երևանի պետական համալսարան |
| Մասնագիտություն | դեսպան |
| Պարգևներ և մրցանակներ |  |
Կարեն Գրիգորյան (օգոստոսի 15, 1968, Երևան, Հայկական ԽՍՀ, ԽՍՀՄ), հայ դիվանագետ։ Եգիպտոսի Արաբական Հանրապետությունում Հայաստանի արտակարգ և լիազոր դեսպան (2018)։
Կենսագրություն
[խմբագրել | խմբագրել կոդը]Կարեն Գրիգորյանը ծնվել է 1968 թվականի օգոստոսի 15-ին, Երևանում։ 1985-1992 թվականներին սովորել է ԵՊՀ արևելագիտության ֆակուլտետի արաբական բաժնում։ 1993 թվականին ավարտել է Եգիպտոսի Արաբական Հանրապետության արտաքին գործերի նախարարությանը կից դիվանագիտական ակադեմիան (Կահիրե), 2003 թվականին՝ Ջորջ Մարշալի անվան կենտրոնը[1]։
Աշխատանքային գործունեություն
[խմբագրել | խմբագրել կոդը]1987-1989 թվականներին ծառայել է ԽՍՀՄ զինված ուժերում։ 1994-1995 թվականներին եղել է Հայաստանի ԱԳՆ Մերձավոր և Միջին Արևելքի երկրների վարչության արաբական երկրների և Իսրայելի բաժնի կցորդ, 1995-1997 թվականներին՝ Հալեպում Հայաստանի գլխավոր հյուպատոսության երրորդ քարտուղար, 1997-1999 թվականներին՝ Հայաստանի ԱԳՆ Մերձավոր և Միջին Արևելքի երկրների վարչության արաբական երկրների և Իսրայելի բաժնի երկրորդ քարտուղար, 1999-2001 թվականներին՝ Լիբանանում Հայաստանի դեսպանության երկրորդ քարտուղար, 2001-2002 թվականներին՝ Սիրիայի Արաբական Հանրապետությունում Հայաստանի դեսպանության երկրորդ քարտուղար, 2002-2004 թվականներին՝ Հայաստանի ԱԳՆ Մերձավոր և Միջին Արևելքի երկրների վարչության արաբական երկրների և Իսրայելի բաժնի երկրորդ քարտուղար, միաժամանակ՝ բաժնի վարիչի պարտականությունների կատարող, 2004-2005 թվականներին՝ Հայաստանի ԱԳՆ Ամերիկայի վարչության Ամերիկայի և Կանադայի բաժնի առաջին քարտուղար, 2005-2006 թվականներին՝ Հայաստանի ԱԳՆ Մերձավոր և Միջին Արևելքի երկրների վարչության արաբական երկրների և Իսրայելի բաժնի վարիչի պաշտոնակատար, 2006-2009 թվականներին՝ Սիրիայի Արաբական Հանրապետությունում Հայաստանի դեսպանության խորհրդական, 2009-2011 թվականներին՝ Հայաստանի ԱԳՆ Մերձավոր և Միջին Արևելքի երկրների վարչության արաբական երկրների և Իսրայելի բաժնի վարիչի պաշտոնակատար, 2011-2014 թվականներին՝ Հալեպում Հայաստանի գլխավոր հյուպատոս, 2014-2018 թվականներին՝ Իրաքում Հայաստանի դեսպան[1]։ 2018 թվականին նշանակվել է Եգիպտոսի Արաբական Հանրապետությունում Հայաստանի արտակարգ և լիազոր դեսպան (նստավայրը՝ Կահիրե), 2019 թվականին՝ համատեղության կարգով, Սուդանի Հանրապետությունում Հայաստանի արտակարգ և լիազոր դեսպան (նստավայրը՝ Կահիրե)[2]։
Պարգևներ, մրցանակներ
[խմբագրել | խմբագրել կոդը]- ԱԳ նախարարի շնորհակալագիր, 2010
- Մխիթար Գոշի մեդալ, 2013
- ԱԳ նախարարի շնորհակալագիր, 2013
Ընտանիք
[խմբագրել | խմբագրել կոդը]Ամուսնացած է, ունի մեկ դուստր և մեկ որդի։
Ծանոթագրություններ
[խմբագրել | խմբագրել կոդը]- ↑ 1,0 1,1 «Հայաստանի Հանրապետության դիվանագիտական ներկայացուցիչներ». despan.am. Վերցված է 2020 թ․ հունվարի 2-ին.
- ↑ «Հանրապետության նախագահի հրամանագրերը - Փաստաթղթեր - Հայաստանի Նախագահ». president.am. Վերցված է 2020 թ․ հունվարի 2-ին.