Լևոն Ահարոնյան
- Վիքիպեդիայում կան հոդվածներ Ահարոնյան ազգանունով այլ մարդկանց մասին։
| Լևոն Ահարոնյան | |
|---|---|
| Ծնվել է | 1930 |
| Ծննդավայր | Հաֆթվան |
| Մահացել է | օգոստոսի 27, 2020[1] |
| Քաղաքացիություն |  Իրան |
| Մասնագիտություն | գործարար |
| Աշխատավայր | Իրանի գյուղատնտեսական ջիհադի նախարարություն |
| Անդամություն | Թեհրանի թեմ |
Լևոն Ահարոնյան (պարս.՝ لوون آهارونیان, 1930, Հաֆթվան - օգոստոսի 27, 2020[1]), իրանահայ ազգային գործիչ, գործարար։ Իրան-Հայաստան առևտրի պալատի նախագահ։ Մեծ ներդրում է ունեցել Թեհրան-Երևան չվերթի իրականացման գործում։
Կենսագրություն
[խմբագրել | խմբագրել կոդը]Լևոն Ահարոնյանը ծնվել է 1930 թվականին Սալմաստի Հաֆթվան գյուղում։ 1936 թվականին ընտանիքով տեղափոխվել է Թեհրան։ Միջնակարգ կրթությունն ստացել է Թամադոն դպրոցում։ 1955 թվականին ավարտել է ճարտարագիտության ինստիտուտը։ 1956 թվականին աշխատել է Իրանի գյուղատնտեսության նախարարությանը կից գործող հիդրոկայանի հողաշինության և քիմիայի լաբորատորիայում։ 1960 թվականին սովորել է Հոլանդիայի Ասխարնբուրգ գյուղատնտեսական համալսարանի հողագիտության ֆակուլտետում (ՄԱԿ-ի FAO համաշխարհային կազմակերպության կրթաթոշակ)։
1960-1965 թվականներին աշխատել է Իրանի գյուղատնտեսության նախարարության ընդհանուր լաբորատորիաների բաժնի պետ։ 1968 թվականից աշխատում է Սաթի ավիաընկերությունում, որը Ահարոնյանի ղեկավարության օրոք փոքր ընկերությունից վերածվել է խոշոր ընկերության։
Ահարոնյանը եղել է Թեհրանի թեմական խորհրդի Պագմավորական ժողովի անդամ, 1980 թվականին ընտրվել է Թեհրանի թեմական խորհրդի ատենապետ և այդ տարիներին իրականացրել Արարատ մարզավանի և Գորգանի Ալի աբադ թաղամասի մատուռի կառուցումը, Մաջիդե թաղամասի Սուրբ Գրիգոր եկեղեցու կառուցումը։
1993 թվականին իր գործընկերների հետ միասին հիմնադրել և ղեկավարում է Իրան-Հայաստան առևտրի պալատը[2]։
Ահարոնյանը մշակութային-հասարակական և գեղարվեստական «Հույս» ամսագրի արտոնատերն ու պատասխանատուն է[3]։ 2009 թվականին լույս է տեսել Ահարոնյանի «Փոթորկոտ կյանքիս օրերը» երկհատորանոց գիրքը (պարսկերեն (2008), հայերեն (2010)[4][5]։
Պարգևներ
[խմբագրել | խմբագրել կոդը]- Հայաստանի արդյունաբերողների և առևտրականների միության ոսկե մեդալ, 1999
- Իրանի արդյունաբերության նախարարության արտասահմանյան առևտրի բաժնի գլխավոր տնօրենի պատվոգիր, 2000
- Հայաստանի գրողների միության բարերարի կոչում
Գրականություն
[խմբագրել | խմբագրել կոդը]- Իրանահայոց հանրագիտարան։ Կազմող` Ժանետ Տ. Լազարյան։ Երևան, «ՎՄՎ-Պրինտ, 2012։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 Մահացել է Լեւոն Ահարոնեանը
- ↑ «ԼԵՎՈՆ ԱՀԱՐՈՆՅԱՆ. ԽԵՆԹԱՆԱԼԻ ԵՐԿԻՐ Է, ՀԱՎԱՏԱՑԵՔ… - Diplomat.am». www.diplomat.am. Արխիվացված է օրիգինալից 2023 թ․ օգոստոսի 10-ին. Վերցված է 2018 թ․ հունվարի 18-ին.
- ↑ «Լեւոն Ահարոնեան. Պատգամաւորական ժողովի եւ ժողովրդի միջեւ ճեղք ստեղծեցին». Յոյս (ամերիկյան անգլերեն). 2012 թ․ նոյեմբերի 10. Վերցված է 2018 թ․ հունվարի 18-ին.
- ↑ «Լևոն Ահարոնյան, «Փոթորկոտ կյանքիս օրերը»».
- ↑ «Books and publications | Gomidas Institute». www.gomidas.org. Վերցված է 2018 թ․ հունվարի 18-ին.