Լյուբով Վոյնովա-Շիկանյան
| Լյուբով Վոյնովա-Շիկանյան | |
|---|---|
| Ծնվել է | օգոստոսի 18, 1909 |
| Ծննդավայր | Մոսկվա, Ռուսական կայսրություն |
| Մահացել է | օգոստոսի 17, 1990 (80 տարեկան) |
| Քաղաքացիություն |  Ռուսական կայսրություն և  ԽՍՀՄ |
| Մասնագիտություն | պարուսույց և բալետի պարող |
| Ամուսին | Դմիտրի Շիկանյան |
| Պարգևներ և մրցանակներ |  |
Լյուբով Վոյնովա-Շիկանյան (օգոստոսի 18, 1909, Մոսկվա, Ռուսական կայսրություն - օգոստոսի 17, 1990), հայազգի բալետի արտիստ, պարուսույց[1]։
Կենսագրություն
[խմբագրել | խմբագրել կոդը]Լյուբով Վոյնովան ծնվել է 1909 թվականի օգոստոսի 18-ին՝ Մոսկվայում[2]։ Եղել դիրիժոր, ՀԽՍՀ արվեստի վաստակավոր գործիչ Դմիտրի Շիկանյանի կինը[3]։
Մասնագիտական կրթությունը ստացել է 1926 թվականին՝ Մոսկվայի պարարվեստի ուսումնարանում։ Որպես մենապարուհի հանդես է եկել Նովոսիբիրսկի (1926-1927), Սվերդլովսկի (1927-1928), Թբիլիսիի (1928-1938) օպերայի և բալետի թատրոններում։
Լյուբով Վոյնովա-Շիկանյանը Թբիլիսիի օպերայի և բալետի թատրոնին կից բալետի ստուդիայում 1934-1938 թվականներին եղել է ուսուցիչ, դասավանդել է նաև 1938-1942 թվականներին՝ Երևանի պարարվեստի ուսումնարանում։ Աշխատել է նաև արտիստների մանկավարժ-փորձավար՝ 1938-1963 թվականներին, Երևանի Ալեքսանդր Սպենդիարյանի անվան օպերայի և բալետի ազգային ակադեմիական թատրոնում։
1984 թվականին արժանացել է Հայաստանի ժողովրդական արտիստի կոչման։
Լյուբով Վոյնովա-Շիկանյանը մահացել է 1990 թվականի օգոստոսի 17-ին՝ Երևան քաղաքում։
Շքաշաններ
[խմբագրել | խմբագրել կոդը]- «Պատվո նշան» շքանշան։
Դերապարեր
[խմբագրել | խմբագրել կոդը]- Օդետա-Օդիլիա (Պ.Չայկովսկու «Կարապի լիճը»)։
- Մեդորա (Ադանի «Կորսար»)։
- Սվանիլդա (Դելիբի «Կոպելիա»)։
- Մայա (Շ.Թաքթաքիշվիլու «Մալտակվա»)։
- Մարիա (Ասաֆևի «Բախչիսարայի շատրվանը»)։
- Ռայմոնդա (Գլազունովի «Ռայմոնդա»)։
- Գյուլնարա (Ռիմսկի-Կորսակովի «Շեհերազադե»)։
- Խանդութ («Խանդութ», ըստ Ա.Սպենդիարյանի երաժշտության)։
- Գայանե (Ա.Խաչատրյանի «Գայանե»)։
Ծանոթագրություններ
[խմբագրել | խմբագրել կոդը]- ↑ «Ովքե՞ր են հայտնի հայերից ծնվել այս օրը». yerkirmedia.am. Արխիվացված է օրիգինալից 2021 թ․ օգոստոսի 18-ին. Վերցված է 2021 թ․ օգոստոսի 18-ին.
- ↑ «Zarkfoundation - Լյուբով Վոյնովա-Շիկանյան». zarkfoundation.com.
- ↑ «Zarkfoundation - Դմիտրի Շիկանյան». zarkfoundation.com.
Արտաքին հղումներ
[խմբագրել | խմբագրել կոդը]- Ա. Սպենդիարյանի անվան օպերայի և բալետի ազգային ակադեմիական թատրոնը ՀԱՅԱՍՏԱՆԻ ԳԼԽԱՎՈՐ ԹԱՏՐՈՆԸ Արխիվացված 2021-08-02 Wayback Machine