Լաուրա Ասադաուսկայտե
| Լաուրա Ասադաուսկայտե | |
|---|---|
 Լաուրա Ասադաույժսկայտեն 2012 թվականի Օլիմպիական խաղերի ժամանակ | |
| Անձնական տեղեկություն | |
| Սեռ՝ | իգական |
| Ազգություն՝ | լիտվացի |
| Մասնագիտացում՝ | հնգամարտիկ |
| Երկիր՝ |  Լիտվա |
| Ծննդյան ամսաթիվ՝ | փետրվարի 28, 1984 (40 տարեկան) |
| Ծննդավայր՝ |  Վիլնյուս, Լիտվայի ԽՍՀ, ԽՍՀՄ |
| Հասակ՝ | 160 սանտիմետր |
| Քաշ՝ | 49 կիլոգրամ |
Լաուրա Ասադաուսկայտե-Զադնեպրովսկենե (լիտ.՝ Laura Asadauskaitė-Zadneprovskienė, 28 փետրվարի, 1984, Վիլնյուս, Լիտվայի ԽՍՀ, ԽՍՀՄ), լիտվացի հնգամարտիկ, 2012 թվականի Ամառային Օլիմպիական խաղերի չեմպիոն։
Կենսագրություն
[խմբագրել | խմբագրել կոդը]Լաուրա Ասադաուսկայտեն ծնվել է 1984 թվականի փետրվարի 28-ին Վիլնյուսում։ 10 տարեկանից զբաղվել է լողով։ Առաջին մարզիչը եղել է Իրենա Յուրևիչը։
2002-2007 թվականներին սովորել է Լիտվայի կրթական գիտությունների համալսարանում, ստացել է ֆիզկուլտուայի ու սպորտի բակալավրի աստիճան։ 2011 թվականին ավարտել է Միկոլաս Ռոմերիսի համալսարանի մագիստրատուրայի Եվրոպական Միության քաղաքականություն և կառավարում բաժինը։ 2003 թվականից ծառայում է Երկրամասի պահպանության կամավոր ուժերում, մասնակցում է զինվորականների միջև անցկացվող հնգամարտի մրցումներին։
2007 թվականին ժամանակակից հնգամարտի աշխարհի առաջնությունում վաստակել է բրոնզե մեդալ։ 2008 թվականի Ամառային Օլիմպիական խաղերի ժամանակ զբաղեցրել է 15-րդ տեղը։ 2009 թվականին ժամանակակից հնգամարտի աշխարհի առաջնությունում արժանացել է արծաթե մեդալի։ 2011 թվականին ժամանակակից հնգամարտի աշխարհի առաջնությունում գրավել է երրորդ տեղը։ 2012 թվականի Ամառային Օլիմպիական խաղերի ժամանակ արժանացել է ոսկե մեդալի՝ հավաքելով 5408 միավոր։ 2013 թվականին Թայվանում կայացած հնգամարտի աշխարհի առաջնության ժամանակ առաջին անգամ արժանացել է ոսկե մեդալի անհատական առաջնությունում։
Ընտանիք
[խմբագրել | խմբագրել կոդը]Լաուրա Ասադաուսկայտեի ամուսինն ու մարզիչը՝ Անդրեյ Զադնեպրովսկին, լիտվացի հայտնի հնգամարտիկ է։ Նրանց դուստրը՝ Ադրիանան, ծնվել է 2010 թվականին[1]։
Պարգևներ
[խմբագրել | խմբագրել կոդը]- Լիտվային մատուցած ծառայությունների համար» շքանշանի մեծ հրամանատարական խաչ (16 օգոստոսի, 2012 թվական)[2],
- 2011 թվականին ճանաչվել է Լիտվայի լավագույն մարզիկ[3],
- «Լիտվային մատուցած ծառայությունների համար» շքանշանի մեդալ (16 նոյեմբերի, 2007 թվական)։
Ծանոթագրություններ
[խմբագրել | խմբագրել կոդը]- ↑ «Pentathlete Laura Asadauskaitė – Lithuania's golden sportswoman». 15 minučių. 2012 թ․ օգոստոսի 20. Վերցված է 2012 թ․ օգոստոսի 22-ին.
- ↑ Информация на сайте Президента Литвы Արխիվացված 2009-09-16 Wayback Machine(լիտվ.)
- ↑ Информация на сайте Литовского олимпийского комитета Արխիվացված 2012-08-15 Wayback Machine(անգլ.)
Արտաքին հղումներ
[խմբագրել | խմբագրել կոդը]- Профиль на pentathlon.org Արխիվացված 2012-07-31 Wayback Machine
- "Я знала, что буду непревзойденной" - интервью для delfi.lt
 | Վիքիպահեստն ունի նյութեր, որոնք վերաբերում են «Լաուրա Ասադաուսկայտե» հոդվածին։ |
| ||||||||||
